കട്ടന്‍ചായയില്‍ അല്‍പം നാരങ്ങ നീര് ചേര്‍ക്കാം

പവ്വര്‍ഹൗസ് എന്ന് പറഞ്ഞാല്‍ ഇതാണ്

വിറ്റാമിന്‍ സി തന്നെയാണ് നാരങ്ങയുടെ ഏറ്റവും വലിയ സവിശേഷത. ആന്റി ഓക്‌സിഡന്റുകള്‍ ധാരാളം അടങ്ങിയിട്ടുണ്ട് എന്നത് തന്നെയാണ് കട്ടന്‍ചായയുടെ പ്രധാന ഗുണവും. ഇത് പവര്‍ഹൗസ് എന്ന് പറഞ്ഞില്ലെങ്കിലേ അത്ഭുതമുള്ളൂ.

ആന്റി ഓക്‌സിഡന്റിന്റെ കലവറ

കട്ടന്‍ചായയോടൊപ്പം ചേരുമ്പോള്‍ നാരങ്ങയുടെ ഗുണം വര്‍ദ്ധിക്കുകയാണ് ചെയ്യുന്നത് എന്ന കാര്യത്തില്‍ സംശയം വേണ്ട. ഗ്രീന്‍ ടീയിലുള്ള ആന്റി ഓക്‌സിഡന്റിനേക്കാള്‍ കൂടുതലാണ് ഇതില്‍ അടങ്ങിയിട്ടുള്ളത്. പാര്‍ക്കിന്‍സണ്‍ പോലുള്ള രോഗങ്ങള്‍ക്ക് പ്രതിവിധിയാണ് ഇത് എന്ന കാര്യത്തില്‍ സംശയമില്ല.

ചായയില്‍ പാലിന് പകരം നാരങ്ങ

പലപ്പോഴും ചായയില്‍ പാലൊഴിച്ചാണ് നമ്മള്‍ കഴിയ്ക്കാറുള്ളത്. എന്നാല്‍ ഇനി നാരങ്ങ നീരൊഴിച്ച് ചായ കുടിച്ചു നോക്കൂ. വ്യത്യാസം അനുഭവിച്ചറിയാം. ഹൃദയത്തിന്റെ ആരോഗ്യത്തെ സഹായിക്കുന്നതില്‍ മുന്‍പിലാണ് ഈ കൂട്ട്.

പ്രമേഹത്തിനും അറുതി

പ്രമേഹത്തേയും പിടിച്ചു കെട്ടുന്നതില്‍ മുന്നില്‍ തന്നെയാണ് കട്ടനും നാരങ്ങ നീരും. ന്യൂട്രീഷണല്‍ ഇഫക്ട് എന്നത് ഇതിന്റെ പ്രത്യേകതയാണ്. ഇത് പ്രമേഹത്തെ കുറയ്ക്കുകയാണ് ചെയ്യുന്നതും.

കോശങ്ങളെ സംരക്ഷിക്കുന്നു

കോശങ്ങളേയും ഡി എന്‍ എയും നശിപ്പിക്കുന്ന പ്രശ്‌നങ്ങളെ ചെറുക്കുന്ന പോളിഫിനോള്‍സ് കട്ടന്‍ചായയില്‍ അടങ്ങിയിട്ടുണ്ട്.

പല്ലിനെ സംരക്ഷിക്കുന്നു

കട്ടന്‍ചായയിലെ ഫ്‌ളൂറൈഡ് പല്ലുകളെ സംരക്ഷിക്കുന്നു. ഇതോടൊപ്പം നാരങ്ങ നീരു കൂടി ചേരുമ്പോള്‍ ഫലം ഇരട്ടിയാകുന്നു.