ഫൈബര്‍ കഴിയ്ക്കുമ്പോള്‍......

ക്യാന്‍സറിനെ ചെറുക്കുന്നു

ദിവസവും ആഹാരത്തില്‍ ഫൈബര്‍ ഉള്‍പ്പെടുത്തിയാല്‍ കുടലില്‍ നിന്ന് വിഷാംശങ്ങളെ പുറന്തള്ളും. അങ്ങനെ ഫൈബര്‍ കുടലിലെ ക്യാന്‍സര്‍ ബാധയെ തടയും.

രക്തസമ്മര്‍ദ്ദം കുറയ്ക്കുന്നു

ഫൈബര്‍ രക്തസമ്മര്‍ദ്ദത്തെ നിയന്ത്രിക്കാന്‍ ഫലപ്രദമാണ്. ഫൈബര്‍ സിസ്റ്റോളിക്, ഡയസ്റ്റോളിക് രക്തസമ്മര്‍ദ്ധ നിലകളെ കുറയ്ക്കാന്‍‌ സഹായിക്കും.

പ്രമേഹം നിയന്ത്രിക്കുന്നു -

ടൈപ്പ് 2 പ്രമേഹം ഒരു സാധാരണമായ രോഗമാണ്. ഇത്തരത്തിലുള്ള പ്രമേഹം തടയുന്നതിന് ഫൈബര്‍ ദൈനംദിന ഭക്ഷണത്തില്‍ ഉള്‍പ്പെടുത്തണം. ഫൈബര്‍ കുടലില്‍ നിന്ന് രക്തത്തിലേക്ക് പഞ്ചസാര ആഗിരണം ചെയ്യപ്പെടുന്നതിന്‍റെ നിരക്ക് കുറയ്ക്കുകയും അതുവഴി പ്രമേഹമുണ്ടാകുന്നത് തടയുകയും ചെയ്യും.

ശരീരഭാരം കുറയ്ക്കാന്‍ സഹായിക്കുന്നു

ഫൈബര്‍ കലോറി കുറഞ്ഞതാണ്. ഇത് നിങ്ങളുടെ വയര്‍ നിറയ്ക്കുകയും, ലഘുഭക്ഷണങ്ങളും, കലോറി കൂടിയ ഭക്ഷണങ്ങളും ഉപയോഗിക്കുന്നതില്‍ നിന്ന് തടയുകയും ചെയ്യും. കുടലില്‍ നിന്ന് പഞ്ചസാര ആഗിരണം കുറയ്ക്കുന്നത് വഴി ശരീരഭാരം കുറയ്ക്കാനും ഫൈബര്‍ സഹായിക്കും.

ഫൈബര്‍ ഒഴിവാക്കാനാവാത്ത ഘടകം

പ്രായമേറുമ്പോള്‍ നിങ്ങള്‍ കഴിക്കുന്ന ആഹാരത്തിന്‍റെ അളവില്‍ കുറവ് സംഭവിക്കും. അക്കാരണത്താല്‍ പ്രോട്ടീനുകളും, മിനറലുകളും ഒപ്പം ഫൈബറും ഉയര്‍ന്ന അളവില്‍ കഴിക്കേണ്ടത് പ്രധാനമാണ്. ഫൈബര്‍ ദഹനത്തിന് ഉപയോഗിക്കപ്പെടുന്ന പേശികള്‍ക്ക് കരുത്ത് നല്കുന്നത് വഴി ദഹനത്തെ സഹായിക്കുകയും ചെയ്യും.

ഫൈബര്‍ അളവ് കണക്കാക്കി ഉപയോഗിക്കുക

ഫൈബറിന്‍റെ ഉപയോഗം ഗ്രാം അളവിലായിരിക്കണമെന്ന കാര്യം ശ്രദ്ധിക്കുക. പ്രായപൂര്‍ത്തിയായവര്‍ ദിവസം 30 ഗ്രാമിനടുത്ത് ഫൈബര്‍ ഉപയോഗിക്കണം(മിക്കവരും 15 ഗ്രാം പോലും ഉപയോഗിക്കാറില്ല).

ഉദരത്തിന് ഉത്തമം

ഫൈബറിന്‍റെ അഭാവം മലബന്ധത്തിനും ദഹനസംബന്ധമായ പ്രശ്നങ്ങള്‍ക്കും കാരണമാകും. നല്ല രീതിയിലുള്ള മലവിസര്‍ജ്ജനത്തിന് ദിവസം 30 ഗ്രാം ഫൈബറെങ്കിലും കഴിക്കണം. മലം അയഞ്ഞ് പോകാനും ഫൈബര്‍ ഉപയോഗിക്കാം. ഹോള്‍ ഗ്രെയിന്‍ ബ്രെഡ് ടോസ്റ്റ് ചെയ്തതും, റവ കൊണ്ടുള്ള ഇഡ്ഡ്ലിയും നല്ല ഫലം നല്കും.