തടി കുറയ്ക്കാന്‍ നോക്കി മരിയ്ക്കണോ??

മരുന്നുകള്‍

തടി കുറയ്ക്കാന്‍ സഹായിക്കുമെന്നു പറഞ്ഞ് വിപണിയില്‍ ലഭ്യമാകുന്ന പലതരം മരുന്നുകളുണ്ട്. ഇവ യാതൊരു വിധത്തിലും ഉപയോഗിയ്ക്കരുത്. പലതരം അസുഖങ്ങളായിരിയ്ക്കും ഫലം.

നാടവിര

കേട്ടാല്‍ അറപ്പു തോന്നുന്ന ഒരു വഴിയുമുണ്ട്. നാടവിര വിഴുങ്ങുക. ഇത് കുടലിലെത്തി കഴിയ്ക്കുന്ന ഭക്ഷണം വലിച്ചെടുക്കും. ഇതുവഴി തടി കുറഞ്ഞേക്കും. എന്നാല്‍ വയറുവേദനയും ചിലപ്പോള്‍ മരണവും തന്നെയായിരിയ്ക്കും ഫലം.

പാനീയങ്ങള്‍

പാനീയങ്ങള്‍ മാത്രം കുടിച്ച് ഭക്ഷണം തീരെ ഉപേക്ഷിച്ചു തടി കുറയ്ക്കാന്‍ ശ്രമിയ്ക്കുന്നവരുണ്ട്. ഇതുവഴി ശരീരത്തിനാവശ്യമായ പോഷകങ്ങള്‍ ലഭിയ്ക്കാതിരിയ്ക്കും. അസുഖങ്ങളും ക്ഷീണവുമെല്ലാമായിരിയ്ക്കും ഫലം.

വ്രതം

തടി കുറയാനായി മിക്കവാറും ദിവസങ്ങളില്‍ വ്രതം നോല്‍ക്കുന്നവരും കുറവല്ല. ഇതും ആരോഗ്യത്തെ കേടു വരുത്തുന്ന ശീലം തന്നെയാണ്.

കൊഴുപ്പ്‌

തടി കുറയ്ക്കാനായി കൊഴുപ്പു തീരെയില്ലാത്ത ഭക്ഷണം മാത്രം കഴിയ്ക്കുന്നവരുണ്ട്. ഇതും നല്ലതല്ല. ശരീരത്തിന് ഊര്‍ജം നല്‍കുന്നതില്‍ കൊഴുപ്പിനും പങ്കുണ്ട്. ഇതില്ലാത്തത് ക്ഷീണത്തിനും പ്രതിരോധശേഷി കുറയുന്നതിനുമെല്ലാം കാരണമാകും.

ലിപോസക്ഷന്‍

ലിപോസക്ഷന്‍ ട്രീറ്റ്‌മെന്റ് ശരീരത്തിലെ കൊഴുപ്പ് വലിച്ചെടുക്കുന്ന പ്രക്രിയയാണ്. എന്നാല്‍ ഇത് ചിലപ്പോള്‍ ശരീരത്തിലെ അവയവങ്ങള്‍ക്കു തന്നെ കേടു വരുത്തിയേക്കാം. ചിലപ്പോള്‍ മരണത്തിലേയ്ക്കും വഴി വയ്ക്കും.

വ്യായാമം

തടി കുറയ്ക്കാനായി അമിതവ്യായാമവും നല്ലതല്ല. ഇതും പതുക്കെ മരണത്തിലേയ്ക്കു നയിക്കുന്ന ഒന്നാണ്.