നേരത്തേ ഉണരാന്‍ മടിയാണോ?

പ്ലാനിംഗ് നല്ലതാണ്

ഇന്ന് ഞാന്‍ കാലത്ത് എഴുന്നേല്‍ക്കും എന്ന് ശപഥം ചെയ്ത് കിടക്കുക. കൂടാതെ എഴുന്നേറ്റാല്‍ ചെയ്യാന്‍ പോകുന്ന കാര്യങ്ങളെക്കുറിച്ച് കൃത്യമായ ടൈംടേബിള്‍ ഉണ്ടാക്കുക. അതുകൊണ്ടു തന്നെ കൃത്യമായ ദിനചര്യ പിന്തുടരുന്നതിലൂടെ ഉറങ്ങാനും എഴുന്നേല്‍ക്കാനുമുള്ള സമയം കണക്കാക്കാം.

ആവശ്യത്തിനുറങ്ങുക

മിതമായ രീതിയില്‍ മാത്രം ഉറങ്ങുക. അതായത് ഏഴോ എട്ടോ മണിക്കൂര്‍ അതില്‍ കൂടുതല്‍ നേരം ഉറങ്ങരുത്. ഇതു നിങ്ങളെ നേരത്തേ ഉണരാന്‍ സഹായിക്കും.

മൊബൈല്‍, ലാപ്‌ടോപ്പ് ദൂരെ

ഉറങ്ങുമ്പോള്‍ പോലും പലരും കയ്യില്‍ നിന്നും താഴെവെയ്ക്കാത്ത രണ്ട് സാധനങ്ങളാണ് മൊബൈല്‍ ഫോണും ലാപ്‌ടോപ്പും. ഇവ രണ്ടും അടുത്തില്ലെങ്കില്‍ പലര്‍ക്കും ഉറക്കം വരില്ല എന്ന അവസ്ഥയാണ്. എന്നാല്‍ ഇവ ഉണ്ടാക്കുന്ന ആരോഗ്യപ്രശ്‌നങ്ങള്‍ എത്രയാണെന്ന് പലരും ആലോചിക്കുന്നില്ല.

വെളിച്ചം കിട്ടുന്ന മുറി ഉപയോഗിക്കുക

രാവിലെ വെയില്‍ മുഖത്തു വീണാല്‍ പുതപ്പ് വലിച്ചിട്ട് ഉറങ്ങുന്നവരാണ് നമ്മളോരോരുത്തരും. എന്നാല്‍ വെളിച്ചം കിട്ടത്തക്ക രീതിയില്‍ കിടന്നുറങ്ങിയാല്‍ അത് ശരീരത്തെ പെട്ടെന്ന് ഊര്‍ജ്ജസ്വലമാക്കും.

ഭക്ഷണം പാകത്തിന്

അത്താഴം കഴിക്കുന്നത് അത്തിപ്പഴത്തോളം എന്നൊരു ചൊല്ലുണ്ട്. അതുപോലെ തന്നെ കഴിക്കാന്‍ ശ്രമിക്കുക. അതുപോലെ ജങ്ക് ഫുഡ് ഒഴിവാക്കി ശരീരത്തിനാവശ്യമായ ഭക്ഷണം കഴിക്കാന്‍ പ്രത്യേകം ശ്രദ്ധിക്കുക.

അലാറം ദൂരെ

കയ്യെത്തും ദൂരെ അലാറം വെയ്ക്കാതിരിക്കാന്‍ ശ്രമിക്കുക. ഇത് നമ്മളില്‍ അലാറം ഓഫ് ചെയ്യാനുള്ള പ്രവണത ഉണ്ടാക്കും. എന്നാല്‍ അലാറം ദൂരെയാണ് വെയ്ക്കുന്നതെങ്കില്‍ ഇതിന്റെ ശബ്ദം കാരണം നമ്മള്‍ എഴുന്നേറ്റു പോയി ഓഫ് ചെയ്യാന്‍ ശ്രമിക്കുന്നു.

സംഗീതാത്മകം

അലാറം ട്യൂണ്‍ നിങ്ങള്‍ എപ്പോഴും കേള്‍ക്കാനാഗ്രഹിക്കുന്ന തരത്തിലുള്ള പാട്ടിന്റെ ശബ്ദം ആവാന്‍ ശ്രദ്ധിക്കുക. ഇത് നിങ്ങള്‍ എഴുന്നേല്‍ക്കുമ്പോള്‍ തന്നെ ഊര്‍ജ്ജം നല്‍കുന്നു.

വെള്ളം കുടി പ്രധാനം

രാത്രിയിലെ വെള്ളം കുടിയ്ക്കു ശേഷം നിങ്ങള്‍ പിന്നീട് വെള്ളം കുടിയ്ക്കുന്നത് രാവിലെയാണ്. അതുകൊണ്ട് തന്നെ നീണ്ട ഇടവേളയ്ക്കു ശേഷമുള്ള വെള്ളം കുടി ശരീരം ഊര്‍ജ്‌സ്വലമാകാന്‍ സഹായിക്കും.

പ്രഭാത ഭക്ഷണം പ്രോട്ടീന്‍ സമ്പുഷ്ടം

പ്രഭാത ഭക്ഷണം പ്രോട്ടീന്‍ നിറഞ്ഞതാക്കാന്‍ ശ്രദ്ധിക്കുക. ഇത് എനര്‍ജി നല്‍കുന്നതിനോടൊപ്പം തലച്ചോറിനെ ഉത്തേജിപ്പിക്കാന്‍ സഹായിക്കും.

വ്യായാമം പ്രധാനം

രാവിലെ എണീറ്റാല്‍ ഉടനേ തന്നെ വ്യായാമം ചെയ്യണം എന്ന ചിന്ത നമ്മളെ നേരത്തേ എണീക്കാന്‍ പ്രേരിപ്പിക്കുന്നു.