ജീവിതത്തില്‍ അല്‍പം മധുരമായാലോ?

പ്രോട്ടീനുകളാല്‍ സമ്പുഷ്ടം

നിങ്ങള്‍ ഭക്ഷണത്തോട് ആര്‍ത്തി ഉള്ള കൂട്ടത്തിലാണോ? എങ്കില്‍ അത് കുറയ്‌ക്കേണ്ടേ. അതിനായി ഭക്ഷണ ശേഷം അല്‍പം മധുരം കഴിക്കൂ. ഡെസ്സേര്‍ട്ട് എന്ന ഓമനപ്പേരില്‍ ഇത് അറിയപ്പെടുന്നു. ഭക്ഷണാവസാനം വിളമ്പുന്ന ഇത്തരം മധുര പദാര്‍ത്ഥങ്ങളില്‍ പ്രോട്ടീന്‍ ധാരാളം അടങ്ങിയിട്ടുണ്ട്.

കണ്ണടച്ചു വിശ്വസിക്കല്ലേ

എല്ലാ ഡെസ്സേര്‍ട്ടുകളേയും ഇങ്ങനെ കണ്ണടച്ചു വിശ്വസിക്കേണ്ട. പലതിലും ആരോഗ്യകരമായ കാര്‍ബോ ഹൈഡ്രേറ്റിന്റെ അളവ് കൂടുതലായിരിക്കും. അതുകൊണ്ടു തന്നെ തിരഞ്ഞെടുക്കുമ്പോള്‍ അല്‍പം ശ്രദ്ധ കൊടുത്താല്‍ അത് ശരീരത്തില്‍ അധികമുള്ള കലോറികളെ എരിച്ചു കളയും.

സന്തോഷം തരാന്‍ കഴിയുമോ?

നമ്മുടെ എല്ലാ വികാരപ്രകടനങ്ങള്‍ക്കും ഭക്ഷണവുമായി നല്ല ബന്ധമുണ്ട്. അതുകൊണ്ടു തന്നെ മധുരം കഴിക്കുന്നത് നമ്മുടെ സന്തോഷത്തെ വര്‍ദ്ധിപ്പിക്കുമെന്നാണ് പറയപ്പെടുന്നത്. നിങ്ങളുടെ ഏറ്റവും ഇഷ്ടപ്പെട്ട ഭക്ഷണം കാണുമ്പോള്‍ സന്തോഷം വരുന്നത് വെറുതെയാണോ..

തടി കുറയ്ക്കാനോ?

ഭക്ഷണത്തോടുള്ള ആര്‍ത്തി നമ്മുടെ ശരീരഭാരം വര്‍ദ്ധിപ്പിക്കും. എന്നാല്‍ ഇതിന് തടയിടാന്‍ മധുരപദാര്‍ത്ഥങ്ങള്‍ക്കു കഴിയും. നമ്മുടെ ഭക്ഷണത്തോടുള്ള ആര്‍ത്തി കുറയ്ക്കുന്നതില്‍ മധുര പദാര്‍ത്ഥങ്ങള്‍ക്കുള്ള പങ്ക് ഒഴിവാക്കാന്‍ പറ്റാവുന്നതല്ല.

പഴങ്ങളും ഉള്‍പ്പെടുത്താം

ഡെസ്സേര്‍ട്ട് എന്നു പറഞ്ഞാല്‍ മധുരപദാര്‍ത്ഥങ്ങളായ ഐസ്‌ക്രീം, കേക്ക് തുടങ്ങിയവ മാത്രമല്ല. ഭക്ഷണത്തിനു ശേഷം കഴിക്കുന്ന

മധുരമുള്ളതെന്തും ഡെസ്സേര്‍ട്ട് ആണ്. ആരോഗ്യത്തിന് പ്രാധാന്യം നല്‍കി പഴങ്ങള്‍ ഉള്‍പ്പെടുത്താവുന്നതാണ്.

അനാരോഗ്യകരമായ ഡയറ്റിങ്ങിനെ ചെറുക്കുന്നു

ഡയറ്റിംഗ് നല്ലതാണ്. എന്നാല്‍ ്അനാരോഗ്യകരമായ പല ഡയറ്റിംങ്ങുകളും ഉണ്ട്. ഇതിനെ ഭക്ഷണ ശേഷമുള്ള മധുര പലഹാരം ചെറുക്കുന്നു എന്നതും പ്രത്യേകതയാണ്.

ഗുണം പ്രധാനം അളവല്ല

എന്തു കഴിക്കുമ്പോഴും ഗുണം നോക്കി കഴിക്കണം. അളവിനെ രണ്ടാമതായി മാത്രമേ പരിഗണിക്കാവൂ. എന്തു കഴിച്ചാല്‍ ആരോഗ്യം എന്ത് കഴിച്ചാല്‍ അനാരോഗ്യം എന്നതാണ് പ്രധാനമായും നാം അറിഞ്ഞിരിക്കേണ്ടത്.

രക്തസമ്മര്‍ദ്ദം കുറയ്ക്കും

പലര്‍ക്കും പല തരത്തിലായിരിക്കും രക്ത സമ്മര്‍ദ്ദം ഉണ്ടാവുക. അതുകൊണ്ടു തന്നെ കൊഴുപ്പ് കുറഞ്ഞ മധുരപദാര്‍ത്ഥങ്ങള്‍ ഉള്‍പ്പെടുത്തുക. കൂടാതെ ഐസ്‌ക്രീം, റാസ്‌ബെറി തുടങ്ങിയവയും ബാലന്‍സ്ഡ് ആയിട്ടുള്ള ഭക്ഷണവും ക്രമീകരിക്കുക.

ഭക്ഷണം കഴിക്കാം ആവശ്യത്തിന്

വയറു നിറയുന്നതു വരെ കഴിക്കാതെ ആവശ്യത്തിനു മാത്രം കഴിക്കുക. അവസാനം ഡെസ്സേര്‍ട്ട് കഴിക്കാനുള്ള സ്ഥലവും ഉണ്ടാക്കുക എന്നതാണ് പ്രധാനം. കൂടുതലായി പച്ചക്കറികളും പഴവര്‍ഗ്ഗങ്ങളും ഉള്‍പ്പെടുത്തുക.

ഏതൊക്കെ തരത്തിലുള്ള ഡെസ്സേര്‍ട്ട്

ഐസ്‌ക്രീം, കേക്ക്, പഴങ്ങള്‍, മധുരമുള്ള സ്‌നാക്‌സ് എന്നിവയൊക്കെ ഡെസ്സേര്‍ട്ട് ആയി ഉള്‍പ്പെടുത്താവുന്നതാണ്. ആരോഗ്യമാണ് പ്രധാനം അതുകൊണ്ടു തന്നെ അതാലോചിച്ച് കഴിക്കുക.