കിടന്നു രോഗം മാറ്റാം!!

നടുവ് വേദന

അനേകമാളുകള്‍ നടുവ് വേദന അനുഭവിക്കുന്നവരായുണ്ട്. ഇവരെ സംബന്ധിച്ച് ഇരിക്കുക, കിടക്കുക തുടങ്ങിയവയൊക്കെ ബുദ്ധിമുട്ടുണ്ടാക്കുന്നതായിരിക്കും. തെറ്റായ വിധത്തിലുള്ള കിടപ്പ് നടുവ് വേദന വര്‍ദ്ധിപ്പിക്കും. താഴെ പറയുന്ന ഏതെങ്കിലും വിധത്തിലുള്ള നടുവ് വേദനയുള്ള ആളാണ് നിങ്ങളെങ്കില്‍ ഇനിപറയുന്ന രീതികള്‍ പ്രയോഗിക്കുക.

ഡിസ്ക് തെന്നല്‍(ഹെര്‍ണിയേറ്റഡ് ഡിസ്ക്)

നട്ടെല്ലിന്‍റെ ഡിസ്കിന് സ്ഥാനം മാറുന്ന പ്രശ്നം നിങ്ങള്‍ക്കുണ്ടെങ്കില്‍ കമിഴ്ന്ന് കിടന്ന് ഉറങ്ങുക. ഇത് നട്ടെല്ലിന്‍റെ വേദന കുറയ്ക്കാന്‍ സഹായിക്കും. ഫോര്‍മാനിയല്‍ ഹെര്‍ണിയേറ്റഡ് ഡിസ്ക് പ്രശ്നമുള്ളവര്‍ക്ക് ചരിഞ്ഞ് കിടന്നുറങ്ങുന്നത് സുഖം നല്കും.

ഡിജെനറേറ്റീവ് ഡിസ്ക് ഡിസീസ്

ഈ പ്രശ്നമുള്ളവര്‍ കമിഴ്ന്ന് കിടന്നുറങ്ങുന്നത് അനുയോജ്യമാണ്. ഇടുപ്പിന്‍റെ ഭാഗത്ത് ഒരു പരന്ന തലയിണ വെയ്ക്കുന്നത് സമ്മര്‍ദ്ദം ഒഴിവാക്കുകയും കിടപ്പ് കൂടുതല്‍ സുഖകരമാക്കുകയും ചെയ്യും.

ഓസ്റ്റിയോ ആര്‍ത്രൈറ്റിസ് -

ഈ അവസ്ഥ സന്ധികളെ ബാധിക്കുന്നതാണ്. ഇതിന് അനുയോജ്യമായ നില ചുരുണ്ട് കിടക്കുന്നതാണ്. ഇത് നട്ടെല്ലിലെ സന്ധികളിലെ സമ്മര്‍ദ്ദം ഇല്ലാതാക്കും. കാലുകള്‍ ചരിച്ച് വെച്ച് ഉറങ്ങുന്നതും സമ്മര്‍ദ്ദം കുറയ്ക്കും.

സ്പൈനല്‍ സ്റ്റെനോസിസ്

നട്ടെല്ലിലെയോ, സുഷുമ്ന നാഡിയിലെയോ സമ്മര്‍ദ്ദം ഇതില്‍ പെടുന്നു. ഇതുണ്ടാക്കുന്ന വേദന കുറയ്ക്കാന്‍ ചുരുണ്ട് കിടക്കുക. കിടപ്പ് കുടുതല്‍ സുഖകരമാകാന്‍ തലയും കാലും ചരിച്ച് വെച്ച് ഉറങ്ങുക.

സന്ധിവീക്കം

നിതംബ ഭാഗത്ത് ഈ പ്രശ്നമുള്ള, അല്ലെങ്കില്‍ മറ്റ് വേദനയുള്ളവര്‍ മുട്ടുകള്‍ക്കിടയില്‍ തലയിണ വെച്ച് ഉറങ്ങുന്നത് ഏറെ സുഖം നല്കും. ഇത് ഇടുപ്പിലെ സമ്മര്‍ദ്ദം ഇല്ലാതാക്കും.

ആസിഡ് റിഫ്ലക്സ്

വശം ചരിഞ്ഞ് കിടക്കുന്നതോ കമിഴ്ന്ന് കിടക്കുന്നതോ ആസിഡ് റിഫ്ലക്സ് കുറയ്ക്കും. മലര്‍ന്ന് കിടക്കുന്നതും വേദനയ്ക്ക് ശമനം നല്കും.

ദഹനം

കൈകള്‍ ഉയര്‍ത്തി വെച്ച് കമിഴ്ന്ന് കിടക്കുന്നത് ദഹന സംബന്ധമായ പ്രശനങ്ങളെ കുറയ്ക്കും.

കൂര്‍ക്കംവലി

തല നാലിഞ്ച് ചരിച്ച് വെച്ച് കിടക്കുന്നത് ശ്വസനം സുഖമമാക്കുകയും നാവിനെയും കീഴ്ത്താടിയെ മുന്നോട്ട് ചലിക്കാനും സഹായിക്കും. കഴുത്തിലെ പേശികളുടെ ആയാസം കുറച്ച് കൂര്‍ക്കം വലി തടയാനായുള്ള പ്രത്യേകതരം തലയിണകള്‍ ലഭ്യമാണ്. മലര്‍ന്ന് കിടന്ന് ഉറങ്ങാതിരിക്കുക. ഇങ്ങനെ കിടക്കുമ്പോള്‍ നാവും മൃദുകോശങ്ങളും താഴ്ന്ന് വരുവാനും ശ്വസനത്തെ തടസ്സപ്പെടുത്താനും ഇടയാക്കും.

അരക്കെട്ടിലെ വേദന

നിങ്ങളുടെ അരക്കെട്ടില്‍ ഏതെങ്കിലും വിധത്തിലുള്ള വേദന അനുഭവപ്പെടുന്നുവെങ്കില്‍ വശം ചരിഞ്ഞ് കിടക്കുക. മുട്ടുകള്‍ക്കിടയില്‍ തലയിണ വെയ്ക്കുന്നത് ഇടുപ്പിലെ സമ്മര്‍ദ്ദം ഒഴിവാക്കും.

തലവേദന

സാധാരണ രീതിയില്‍ മലര്‍ന്ന് കിടക്കുകയോ, വശം ചരിഞ്ഞ് കിടക്കുകയോ ചെയ്യുന്നത് ശരീരത്തിലെ എല്ലാ ഭാഗങ്ങളിലേക്കും രക്തം എത്താന്‍ സഹായിക്കും.

കഴുത്ത് വേദന

വശം ചരി‍ഞ്ഞോ മലര്‍ന്നോ കിടക്കാം. എന്നാല്‍ തലയിണ ശരിയായ സ്ഥാനത്തായിരിക്കണം. കമിഴ്ന്ന് കിടന്ന് ഉറങ്ങാതിരിക്കുക.

അമിതമായ കൂര്‍ക്കം വലി

കമിഴ്ന്നോ, വശം ചരിഞ്ഞോ കിടക്കുക. മലര്‍ന്ന് കിടക്കുന്നത് ശ്വാസോഛ്വാസം അപകടകരമാക്കുന്ന വിധത്തില്‍ ശ്വസനനാളിയെ ഇടുങ്ങിയതാക്കുകയോ, തടസ്സപ്പെടുത്തുകയോ ചെയ്യും.ഞങ്ങളുടെ ഫേസ്ബുക് പേജ് ലൈക് ചെയ്യൂ, ഷെയര്‍ ചെയ്യൂ

കൂടുതല്‍ വാര്‍ത്തകള്‍ക്ക് ഗൂഗിള്‍ പ്ലസ് പേജ് ഫോളോ ചെയ്യൂ