ഇത്രയുമായാല്‍ തടി കുറയും...

ഭക്ഷണത്തിനു മുന്‍പ് വെള്ളം

എന്നും ഭക്ഷണം കഴിക്കുന്നതിനു മുന്‍പ് വെള്ളം കുടിയ്ക്കുന്നത് ശീലമാക്കുക. ഇത്തരത്തില്‍ ഒരു ശീലം നിങ്ങള്‍ ഉണ്ടാക്കിയെടുത്താല്‍ പിന്നെ ഒരിക്കലും തടി കുറയുന്നില്ല എന്നാലോചിച്ച് പരിതപിക്കേണ്ട ആവശ്യമില്ല.

സമയമെടുത്ത് ഭക്ഷണം കഴിക്കുക

എത്ര സമയമെടുത്തു വേണമെങ്കിലും ഭക്ഷണം കഴിക്കുക. ഇതുണ്ടാക്കുന്ന ആരോഗ്യം വളരെ വലുതാണ്. മാത്രമല്ല നല്ലപോലെ ചവച്ചരച്ച് ഭക്ഷണം കഴിക്കുന്നത് അമിത വണ്ണം കുറയ്ക്കുന്നു. കാരണം ഇത്തരത്തില്‍ കഴിക്കുന്നതിലൂടെ നമ്മുടെ വിശപ്പും കുറയുന്നു.

ഭക്ഷണശേഷം നടക്കുക

എന്നും ഭക്ഷണം കഴിച്ചു കഴിഞ്ഞതിനു ശേഷം അല്‍പസമയം നടക്കുന്നത് വളരെ നല്ലതാണ്. ഇത് ദഹനത്തെ എല്ലാ തരത്തിലും സഹായിക്കുന്നു. മാത്രമല്ല കൊഴുപ്പു കുറയ്ക്കുകയും ചെയ്യുന്നു എന്നുള്ളതാണ് സത്യം.

ദേഷ്യപ്പെടാതിരിക്കാന്‍ ശ്രദ്ധിക്കുക

ദേഷ്യം പലപ്പോഴും നമ്മളില്‍ അനാരോഗ്യം സൃഷ്ടിക്കും. മാത്രമല്ല ഇത് അമിതവണ്ണത്തിനും കാരണമാകും. അതുകൊണ്ടു തന്നെ ദേഷ്യപ്പെടാതിരിക്കാനും കാര്യങ്ങളെയെല്ലാം ക്ഷമയോടു കൂടി കൈകാര്യം ചെയ്യാനും ശ്രദ്ധിക്കണം.

നാരങ്ങ, തേന്‍ തുടങ്ങിയവയ്ക്ക് പ്രാധാന്യം

ഭക്ഷണക്രമത്തില്‍ കൂടുതലായി നാരങ്ങയും തേനും ഉള്‍പ്പെടുത്തുക. തടി കുറയ്ക്കാന്‍ സഹായിക്കുന്ന ഏറ്റവും നല്ല ഭക്ഷ്യ വസ്തുക്കളാണ് ഇവ രണ്ടും.

ഭക്ഷണത്തിനു മുന്‍പ് ഒരു ഫോട്ടോ

ഭക്ഷണം കഴിക്കുന്നതിനു മുന്‍പ് എന്നും അതിന്റെ ഒരു ഫോട്ടോ എടുത്തു വെയ്ക്കുക. പിന്നീട് ഭക്ഷണത്തിന്റെ അളവ് കുറയ്ക്കാനും ഇത് സഹായകമാകും എന്നതാണ് സത്യം.