ച്യൂയിംഗ് ഗം ദോഷവശങ്ങള്‍

ജങ്ക് ഫുഡ്

ച്യൂയിംഗ് ഗം, പ്രത്യേകിച്ച് മിന്റ് ച്യൂയിംഗ് ഗം ഒരാളുടെ പഴങ്ങളും പച്ചക്കറികളും കഴിയ്ക്കാനുള്ള താല്‍പര്യം കുറയ്ക്കുന്നു. മാത്രമല്ല, ജങ്ക് ഫുഡ് കഴിയ്ക്കാനുള്ള താല്‍പര്യം കൂട്ടുകയും ചെയ്യും.

വേദന

ച്യൂയിംഗ് ഗം വായിലെ മസിലുകള്‍ക്ക് കൂടുതല്‍ മര്‍ദം നല്‍കും. ഇത് ടെംപോറോമാന്‍ഡിബുലാര്‍ ഡിസോര്‍ഡര്‍ എന്ന അവസ്ഥയ്ക്കു വഴിയൊരുക്കും. വായിലെ മസിലുകള്‍ക്കും ജോയിന്റുകള്‍ക്കും വേദനയുണ്ടാക്കും.

ദഹനക്കേടിനും നെഞ്ചെരിച്ചിലിനും

ഇത് ചവയ്ക്കുമ്പോള്‍ അധികം വായുവും ഉള്ളിലെത്തും. ദഹനക്കേടിനും നെഞ്ചെരിച്ചിലിനും കാരണമാകും. ഗ്യാസ് ഉണ്ടാക്കും.

തലവേദന, അലര്‍ജി

ച്യൂയിംഗ് ഗമ്മില്‍ പല കൃത്രിമ പദാര്‍ത്ഥങ്ങളും ഉപയോഗിച്ചിട്ടുണ്ട്. ഇതിന്റെ അമിത ഉപയോഗം തലവേദനയ്ക്കും അലര്‍ജിയ്ക്കും കാരണമാകും.

പല്ലിന്റെ ആരോഗ്യത്തിന്

ച്യൂയിംഗ് ഗം പല്ലിന്റെ ആരോഗ്യത്തിന് തീരെ ഗുണകരമല്ല. ഇതിലെ പഞ്ചസാര പല്ല് കേടു വരുത്തും. വായില്‍ ബാക്ടീരിയകള്‍ വളരാന്‍ കാരണമാകും.

വയറിളക്കത്തിന്

വയറിളക്കത്തിന് ച്യൂയിംഗ് ഗം കാരണമാകും. ഇതില്‍ മാനിറ്റോള്‍, സോര്‍ബിറ്റോള്‍ തുടങ്ങിയ ഘടകങ്ങള്‍ അടങ്ങിയിട്ടുണ്ട്. ഇത് വയറിന്റെ ആരോഗ്യത്തിന് നല്ലതല്ല.

പല്ല് അടച്ചിരിയ്ക്കുന്നവര്‍ക്ക്

പല്ല് അടച്ചിരിയ്ക്കുന്നവര്‍ക്ക് ച്യൂയിംഗ് ഗം തീരെ നല്ലതല്ല. മെര്‍ക്കുറി, ടിന്‍, സില്‍വര്‍ തുടങ്ങിയവയാണ് പല്ലടയ്ക്കാന്‍ ഉപയോഗിയ്ക്കുന്നവ. ച്യൂയിംഗ് ഗം അധികം കഴിയ്ക്കുന്നത് പല്ലിലെ മെര്‍ക്കുറി കളയാന്‍ ഇട വരുത്തും. ഇത് വയറ്റിലെത്തുന്നത് കൂടുതല്‍ ദോഷകരമാണ്.

മുഖത്തിന് അസാധാരണ വലിപ്പം

ച്യൂയിംഗ് ഗം ഉപയോഗിയ്ക്കുന്ന കുട്ടികളുടേയും ടീനേജുകാരുടേയും മുഖത്തിന് അസാധാരണ വലിപ്പം വരുന്നതായി പഠനങ്ങള്‍ തെളിയിച്ചിട്ടുണ്ട്. മുഖത്തെ മസിലുകളും എല്ലുകളുമെല്ലാം തുടര്‍ച്ചയായ വ്യായാമം കൊണ്ടു വലുതാകുന്നതാണ് കാരണം.