പഴങ്ങള്‍ കഴിക്കേണ്ടത് ഭക്ഷണശേഷമോ മുന്‍പോ?

പഴം വെറും പഴമല്ല

എന്തു കഴിക്കണമെങ്കിലും അതിന്റേതായ സമയമുണ്ട്. അതുപോലെ തന്നെയാണ് പഴത്തിന്റെ കാര്യത്തിലും. പഴം കഴിയ്ക്കുന്നതിനും പ്രത്യേക സമയമുണ്ട്. ഇത് ആരോഗ്യം മാത്രമല്ല നല്‍കുന്നത് നമ്മുടെ മാനസിക നിലയെ വരെ സ്വാധീനിക്കുന്നു.

കഴിക്കേണ്ട രീതി

പഴമാണെന്നു കരുതി എപ്പോഴും കഴിയ്ക്കാമെന്നു കരുതരുത്. നിങ്ങള്‍ക്ക് ഇഷ്ടപ്പെട്ട പഴം കഴിയ്ക്കാന്‍ ഏറ്റവും പറ്റിയ സമയം രാവിലെയാണ്. രാവിലെ വെറും വയറ്റില്‍ പഴം കഴിയ്ക്കുന്നത് ദിവസം മുഴുവന്‍ ആരോഗ്യത്തോടെ ഇരിക്കാന്‍ സഹായിക്കും.

നാരുകളുടെ കലവറ

നാരുകളുടെ കലവറയാണ് ഓരോ പഴവും. എന്നാല്‍ പഴം വാങ്ങിക്കുന്ന കാര്യത്തിലും അല്‍പം ശ്രദ്ധ കൊടുത്താല്‍ ആരോഗ്യകരമായിട്ടുള്ളതു തന്നെ വാങ്ങിക്കാം.

ഉച്ചയ്ക്കും കഴിയ്ക്കാം

ഉച്ചയ്ക്ക് ഭക്ഷണത്തിനു മുന്‍പ് പഴം കഴിയ്ക്കുന്നത് വളരെ നല്ലതാണ്. ഇത് ഭക്ഷണശേഷമുണ്ടാകാനിടയുള്ള ആലസ്യത്ത ഇല്ലാതാക്കുന്നു. ഊര്‍ജ്ജസ്വലതയോടെ ഇരിക്കാന്‍ ഉച്ചഭക്ഷണത്തിനു ഒരു മണിക്കൂര്‍ മുന്‍പ് പഴം കഴിയ്ക്കുന്നത് നല്ലതാണ്.

അത്താഴത്തിനു ശേഷം

അത്താഴത്തിനു ശേഷം പഴം കഴിയ്ക്കുന്ന രീതി എന്തുകൊണ്ടും നല്ലതാണ്. വാഴപ്പഴമാണെങ്കില്‍ ഏറ്റവും ഉത്തമം. ഇത് നല്ല ഉറക്കം ലഭിയ്ക്കുന്നതിനും ഉറക്കത്തിലുണ്ടാകുന്ന പ്രശ്‌നങ്ങള്‍ക്കും വിടുതല്‍ നല്‍കുന്നു. മാത്രമല്ല ദഹനപ്രക്രിയ സുഗമമാക്കാനും ഇത് സഹായിക്കും.