മദ്യപാനം നിര്‍ത്തണോ, വിവാഹം കഴിക്കൂ

കൂടുതല്‍ ഉത്തരവാദിത്വങ്ങള്‍ ഉണ്ടാവുന്നു

വിവാഹം കഴിയുന്നതോടെ ഉത്തരവാദിത്വങ്ങള് വര്‍ദ്ധിക്കുന്നതിനാല്‍ മദ്യപാന ശീലം താനെ കുറയും എന്നാണ് വിദഗ്ധരുടെ അഭിപ്രായം. അതുകൊണ്ട് തന്നെ ചെറുപ്പക്കാരിലുള്ള ഇത്തരം ശീലങ്ങള്‍ക്ക് വിവാഹം തന്നെ പരിഹാരമായി നിര്‍ദ്ദേശിക്കുന്നവര്‍ ഒട്ടും കുറവല്ല.

ഒന്നിനും സമയമുണ്ടാവില്ല

വിവാഹം കഴിയുന്നതോടെ എന്തിനും ഏതിനും സമയമില്ലാത്ത അവസ്ഥയായിരിക്കും. ഇത് എല്ലാ സമയവും നമ്മളെ എന്‍ഗേജ്ഡ് ആക്കുന്നു. അതുകൊണ്ടു തന്നെ മദ്യപിക്കാനുള്ള കാര്യം പോലും മറന്നു പോകുന്നു.

കൂട്ടുകാര്‍ക്കും നിയന്ത്രണം

കൂട്ടുകാരുടെ കാര്യത്തിലും വിവാഹം കഴിയുന്നതോടെ പലവിധ നിയന്ത്രണങ്ങള്‍ ഉണ്ടാവുന്നു. തനിക്ക് കുടുംബമായി ഉത്തരവാദിത്വങ്ങളായി എന്ന തോന്നല്‍ തന്നെ ഇതിനു കാരണം. അതുകൊണ്ടു തന്നെ കൂട്ടുകാര്‍ക്ക് കൂടുതല്‍ പ്രാധാന്യം നല്‍കാന്‍ മനസ്സനുവദിക്കില്ല.

ആരോഗ്യകാര്യത്തിലും ശ്രദ്ധ

ആരോഗ്യകാര്യത്തിലുണ്ടാവുന്ന ശ്രദ്ധയാണ് ഏറ്റവും കൂടുതല്‍ ഇത്തരക്കാരെ സഹായിക്കുന്നത്. കല്ല്യാണം കഴിയുന്നതോടെ അല്ലെങ്കില്‍ കല്ല്യാണം തീരുമാനിക്കുന്നതോടെ ഇത്തരക്കാരില്‍ കൂടുതല്‍ ശ്രദ്ധ ഉണ്ടാവുന്നു.

ധാര്‍മ്മിക ബോധം ഉണരുന്നു

താനായിരിക്കണം തന്റെ മക്കളുടേയും റോള്‍ മോഡല്‍ എന്ന ചിന്ത എല്ലാവരിലും ഉണ്ടാവുന്നതോടെയായിരിക്കും പലരുടേയും മദ്യപാന ശീലം കുറയുന്നതെന്നാണ് വിദഗ്ധ നിര്‍ദ്ദേശം.

പൂര്‍ണമായും വിരാമമിടാനാവില്ല

മദ്യപാന ശീലത്തില്‍ നിന്ന് പൂര്‍ണമായും പിന്‍മാറാന്‍ കഴിയില്ലെന്നും ഗവേഷകര്‍ അഭിപ്രായം പറയുന്നു. അതുകൊണ്ടു തന്നെ പതുക്കെ പതുക്കെ ഇതില്‍ നിന്നും മോചനം നേടാം എന്നാണ് ഇവരുടെ അഭിപ്രായം.

മാനസികാരോഗ്യം പ്രധാനം

മാനസികാരോഗ്യമാണ് ഏറ്റവും പ്രധാനമായി പറയുന്ന ഒന്ന്. ഇതുണ്ടെങ്കില്‍ പിന്നെ എല്ലാത്തിനേയും തരണം ചെയ്യാം എന്നാണ് ഗവേഷകര്‍ പറയുന്നത്. എന്നാല്‍ മാനസികാരോഗ്യം നഷ്ടപ്പെട്ടവര്‍ക്ക് പിന്നെ ഒരു കാര്യത്തേയും തരണം ചെയ്യാന്‍ കഴിയില്ലെന്നും ഇവര്‍ പറയുന്നു.

പ്രലോഭനങ്ങള്‍ക്ക് വിട

മദ്യപാനം നിര്‍ത്തിയാലും പലപ്പോഴായി ഉണ്ടാവുന്ന പ്രലോഭനങ്ങളാണ് പലരേയും വഴിതെറ്റിക്കുന്നത്. അതുകൊണ്ടു തന്നെ പ്രലോഭനങ്ങളെ തടയിടാനുള്ള ഒരു മനസ്സാണ് ആദ്യം ഉണ്ടാവേണ്ടതെന്നാണ് പഠനം നടത്തിയ വിദഗ്ധര്‍ അഭിപ്രായപ്പെടുന്നത്.

പണച്ചിലവ് താങ്ങാവുന്നതില്‍ അധികം

വിവാഹം കഴിഞ്ഞാല്‍ പിന്നെ പണത്തിനുള്ള ചിലവും പലരേയും മദ്യപാനശീലത്തില്‍ നിന്നും പിന്നോട്ട് വലിക്കും. ഇതും ഒരു പ്രധാന കാരണമായി പറയുന്നു.