ഇടതു വശം തിരിഞ്ഞുറങ്ങുന്നത് നന്നോ?

ഇടതു വശം തിരിഞ്ഞുറങ്ങുന്നത് നന്നോ??

ഇടതുവശം ചരിഞ്ഞുറങ്ങുന്നത് അസുഖസാധ്യത കുറയ്ക്കും. കാരണം ലിംഫിലൂടെ ശരീരത്തിലെ ടോക്‌സിനുകള്‍ നീക്കം ചെയ്യാന്‍ ഈ പൊസിഷന്‍ സഹായിക്കും.

ലിവര്‍, കിഡ്‌നി

ലിവര്‍, കിഡ്‌നി എന്നിവയുടെ നല്ല രീതിയിലുള്ള പ്രവര്‍ത്തനത്തിന് ഇടതുവശം ചരിഞ്ഞുറങ്ങുന്നത് നല്ലതാണ്. ശരീരത്തിലെ ടോക്‌സിനുകള്‍ നീക്കം ചെയ്യപ്പെടുന്നതു കൊണ്ടുതന്നെ. ഈ അവയവങ്ങളാണ് ശരീരത്തിലെ ക്ലീനിംഗ ജോലികള്‍ കൂടുതലായി ചെയ്യുന്നത്.

ദഹനപ്രക്രിയ

ദഹനപ്രക്രിയ നല്ലപോലെ നടക്കും. ഈ രീതിയില്‍ കിടക്കുമ്പോള്‍ പാന്‍ക്രിയാസ് ദഹനരസങ്ങള്‍ കൂടുതല്‍ ഉല്‍പാദിപ്പിയ്ക്കും. ഭക്ഷണം വേഗത്തില്‍ കുടലിലൂടെ നീങ്ങും.

ശോധന

ഭക്ഷണം വേഗത്തില്‍ ചെറുകുടലിലൂടെ വന്‍കുടലില്‍ എത്തുന്നതു കൊണ്ടുതന്നെ നല്ല ശോധന ലഭിയ്ക്കാനും ഇതേ രീതിയില്‍ കിടന്നുറങ്ങുന്നത് നല്ലതാണ്.

ഹൃദയത്തിലേയ്ക്കുള്ള രക്തപ്രവാഹം

ഇങ്ങനെ കിടക്കുന്നത് ഹൃദയത്തിനും നല്ലതാണ്. ഗ്രാവിറ്റി കൊണ്ട് രക്തക്കുഴലുകളിലൂടെ അധികം പ്രയത്‌നമില്ലാതെ രക്തം പ്രവഹിയ്ക്കപ്പെടും. ഹൃദയത്തിലേയ്ക്കുള്ള രക്തപ്രവാഹം വര്‍ദ്ധിയ്ക്കും.

ഗ്യാസ്, അസിഡിറ്റി പ്രശ്‌നങ്ങള്‍

ഇടതുവശം ചരിഞ്ഞു കിടക്കുമ്പോള്‍ ഗ്യാസ്ട്രിക് ആസിഡ് ഈസോഫാഗസിലേയ്ക്കു തള്ളപ്പെടില്ല. ഇത് ഗ്യാസ്, അസിഡിറ്റി പ്രശ്‌നങ്ങള്‍ ഒഴിവാക്കും.

ക്ഷീണം കുറയ്ക്കും

ഇങ്ങനെ ഉറങ്ങുമ്പോള്‍ ഗോള്‍ ബ്ലാഡര്‍, ലിവര്‍ എന്നിവയ്ക്കുള്ള സമ്മര്‍ദം കുറയും. കൂടുതല്‍ പിത്തരസം ഉല്‍പാദിപ്പിയ്ക്കപ്പെടു.ം ദഹനം നല്ല രീതിയില്‍ നടക്കും. ഇതെല്ലാം രാവിലെ എഴുന്നേല്‍ക്കുമ്പോള്‍ ക്ഷീണം കുറയ്ക്കും.

ഫാറ്റി ലിവര്‍ സിന്‍ഡ്രോം

പിത്തരസം കൂടുതല്‍ ഉല്‍പാദിപ്പിയ്ക്കപ്പെടുന്നത് കൊഴുപ്പ് എളുപ്പത്തില്‍ ദഹിയ്ക്കാന്‍ ഇടയാക്കും. ഇത് ഫാറ്റി ലിവര്‍ സിന്‍ഡ്രോം പോലെയുള്ള അവസ്ഥകള്‍ തടയും.