റംസാന്‍ വ്രതത്തിലൂടെ ആരോഗ്യം

മധുരം

ഭക്ഷണം കഴിയ്ക്കാതിരുന്നു കഴിയ്ക്കുമ്പോള്‍ ശരീരം മധുരക്കൊതി കാണിയ്ക്കുന്നതു സ്വാഭാവികം. എന്നാല്‍ ഇത് നിയന്ത്രിയ്ക്കുക. കാരണം മധുരം തടിയും പ്രമേഹവുമെല്ലാം കൂട്ടും. നിയന്ത്രിയ്ക്കാന്‍ കഴിയാത്ത മധുരക്കൊതിയ്ക്ക് ഈന്തപ്പഴം ആരോഗ്യകരമായ പരിഹാരമാണ്.

നാരുകളടങ്ങിയ ഭക്ഷണം

ധാരാളം നാരുകളടങ്ങിയ ഭക്ഷണം ആഹാരക്രമത്തില്‍ ഉള്‍പ്പെടുത്തുക. ദഹനപ്രശ്‌നങ്ങള്‍ പരിഹരിയ്ക്കാന്‍ ഇത് സഹായകമാണ്. ആരോഗ്യത്തിനും നല്ലത്.

എണ്ണയില്‍ വറുത്ത ഭക്ഷണങ്ങള്‍

എണ്ണയില്‍ വറുത്ത ഭക്ഷണങ്ങള്‍, ഫാസ്റ്റ്ഫുഡ് എന്നിവ കഴിവതും ഒഴിവാക്കുക. ഇത് ആരോഗ്യത്തിന് ദോഷം വരുത്തുകയേയുള്ളൂ.

ഇഫ്താര്‍

ഇഫ്താര്‍ സമയത്ത് എല്ലാം കൂടി വാരി വലിച്ചു കഴിയ്ക്കാതിരിയ്ക്കുക. അല്‍പം വീതം ഇടവേളകളെടുത്തു കഴിയ്ക്കാം. ധാരാളം വെള്ളം കുടിയ്ക്കാം. ഇത് അമിതഭക്ഷണവും ദഹനപ്രശ്‌നങ്ങളുമെല്ലാം ഒഴിവാക്കാന്‍ സഹായിക്കും.

സോഹര്‍ സമയത്ത്

ഇഫ്താര്‍ സമയത്ത് ഭക്ഷണം ഒരുമിച്ചു കഴിയ്ക്കുകയും സോഹര്‍ സമയത്ത് വിശപ്പില്ലാതിരിയ്ക്കുകയും ചെയ്യുന്ന ശീലമാണ് പലര്‍ക്കും. ഇത് നല്ലതല്ല. ഇരു വേളകളിലുമായി പാകത്തിനു മാത്രം ഭക്ഷണം കഴിയ്ക്കുക.

അത്താഴം

നോയമ്പു വീടിയ ശേഷം അത്താഴം അധികം വൈകിക്കാതിരിയ്ക്കുക. ഇത് തടി കൂടാനും വയര്‍ ചാടാനുമെല്ലാം ഇട വരുത്തും.

വെള്ളം

ധാരാളം വെള്ളം കുടിയ്‌ക്കേണ്ടതും അത്യാവശ്യം. ഇത് ആരോഗ്യകരമായ ശരീരത്തിനും തടി കുറയാനുമെല്ലാം ഏറെ പ്രധാനം.

അമിതമായ വ്യായാമം

റംസാന്‍ കാലത്ത് അമിതമായ വ്യായാമം ഒഴിവാക്കാമെങ്കിലും നടക്കുക പോലുള്ള വ്യായായമങ്ങളാകാം. ഇത് ശരീരത്തിനും മനസിനും ഊര്‍ജം നല്‍കും.