കുറഞ്ഞ തടി കൂടാതിരിയ്ക്കാന്‍......

കലോറി ഒഴിവാക്കരുത്

പൊതുവെ ആളുകള്‍ കലോറി കര്‍ശനമായി നിയന്ത്രിക്കുകയും കഠിനമായി വ്യായാമം ചെയ്യുകയും ചെയ്യും. ശരീരഭാരം കുറയ്ക്കാനായി ഈ രീതി പിന്തുടരുന്നുവെങ്കില്‍ ഇത് തുടര്‍ന്ന് പോകണം. എന്നാല്‍ ശരീരത്തിന് അതിന്‍റെ മെറ്റബോളിസത്തിന്‍റെ തോത് ഉയര്‍ത്തി നിര്‍ത്തുന്നതിന് കലോറി ഒരു നിശ്ചിത അളവില്‍ ആവശ്യമാണ്.

8 മണിക്കൂര്‍ ഉറക്കം

ശരീരഭാരം കുറയ്ക്കാന്‍ നിര്‍ബന്ധമായും പിന്തുടരേണ്ടുന്ന ഒരു കാര്യമാണ് എല്ലാ ദിവസവും 8 മണിക്കൂര്‍ ഉറങ്ങുന്നത്. ഇത് അവഗണിക്കുന്നത് ക്ഷീണവും അലസതയുമുണ്ടാക്കും. കൂടാതെ നിങ്ങളുടെ ശരീരത്തിന്‍റെ ഊര്‍ജ്ജസ്വലതയെ ബാധിക്കുകയും ചെയ്യും.

സജീവമായി ഇരിക്കുക

ശരീരഭാരം കുറഞ്ഞ ശേഷം ദിവസം മുഴുവന്‍ ഊര്‍ജ്ജസ്വലമായി ഇരിക്കേണ്ടത് പ്രധാനപ്പെട്ട കാര്യമാണ്. അത് വഴി ഭക്ഷണം വഴി ശരീരത്തിലെത്തുന്ന കലോറി എരിക്കപ്പെടും. ഉയര്‍ന്ന അളവില്‍ പ്രോട്ടീനുകളും, ഫൈബര്‍ ധാരാളമായി അടങ്ങിയ ഭക്ഷണങ്ങളും കഴിക്കുന്നത് ശരീരത്തിന്‍റെ കരുത്ത് വീണ്ടെടുക്കാന്‍ സഹായിക്കും.

ചെറിയ അളവിലുള്ള ഭക്ഷണം

സമയബന്ധിതമായി ചെറിയ അളവുകളില്‍ ഇടക്കിടെ ഭക്ഷണം കഴിക്കുന്നത് ശരീരഭാരം കുറച്ചതിന് ശേഷം പിന്തുടരേണ്ടുന്ന പ്രധാനപ്പെട്ട ഒരു കാര്യമാണ്. ഇത് നല്ല ദഹനവും, ദൈനംദിന പ്രവര്‍ത്തനങ്ങള്‍ ചെയ്യാനുള്ള കരുത്തും നല്കും.

വെള്ളം

ദിവസം 8-9 ഗ്ലാസ്സ് ചൂടുള്ള അല്ലെങ്കില്‍ അന്തരീക്ഷ താപനിലയിലുള്ള വെള്ളം കുടിക്കുന്നത് ശരീരഭാരം കുറയ്ക്കുന്നതില്‍ പ്രധാനപ്പെട്ട ഒരു കാര്യമാണ്. വെള്ളം ശരീരത്തില്‍ നിന്ന് വിഷാംശങ്ങളെ പുറന്തള്ളുകയും മികച്ച രക്തചംക്രമണം നല്കി ശരീരത്തെ ആരോഗ്യമുള്ളതും ഊര്‍ജ്ജസ്വലവുമാക്കി നിലനിര്‍ത്തുകയും ചെയ്യും.

വ്യായാമം

ശരീരഭാരം കുറയ്ക്കാന്‍ ദിവസം 30 മിനുട്ടോ അതില്‍ കൂടുതലോ വ്യായാമം ചെയ്യണം. വീട്ടിലോ ജിംനേഷ്യത്തിലോ വ്യായാമം ചെയ്യുന്നത് അവയവങ്ങള്‍ ഊര്‍ജ്ജസ്വലമായിരിക്കാനും കലോറി എരിച്ച് കളയാനും അങ്ങനെ ശരീരം ഫിറ്റായിരിക്കാനും സഹായിക്കും.

മാനസികസമ്മര്‍ദ്ദം അകറ്റുക

മാനസിക സമ്മര്‍ദ്ദം ഒരു നിശബ്ദ കൊലയാളിയാണ്. ശരീരം ഉയര്‍ന്ന സമ്മര്‍ദ്ദത്തിന് വിധേയമാകുന്നില്ലെങ്കില്‍ ശരീരഭാരം നിലനിര്‍ത്താനാവും. മാനസിക സമ്മര്‍ദ്ദം ഭക്ഷണം അമിതമായി കഴിക്കാന്‍ കാരണമാകും.