പുരുഷന്മാര്‍ക്ക് ചില ഹെല്‍ത്ത് ടിപ്‌സ്

Published: Monday, July 6, 2015, 15:31 [IST]

സ്ത്രീയുടേയും പുരുഷന്റേയും ശരീരപ്രകൃതി വ്യത്യസ്തമാണ്. ഇതുകൊണ്ടുതന്നെ ആരോഗ്യസംരക്ഷണത്തില്‍ പൊതുവായ കാര്യങ്ങളുണ്ടെങ്കിലും ചില കാര്യങ്ങള്‍ വ്യത്യസ്തവുമായിരിയ്ക്കും.

സ്ത്രീകളേക്കാള്‍ പുരുഷന്മാരെയാണ് ഹൃദയപ്രശ്‌നങ്ങള്‍ പോലുള്ളവ ഒരു പരിധി വരെ ബാധിയ്ക്കുക. ഇതില്‍ നിന്നും സംരക്ഷണം നേടാന്‍ ആരോഗ്യകരമായ പല കാര്യങ്ങളും പാലിയ്‌ക്കേണ്ടത് അത്യാവശ്യമാണ്. ഇതുപോലെത്തന്നെ പുരുഷവന്ധ്യതയും വര്‍ദ്ധിയ്ക്കുന്ന കാലഘട്ടമാണിത്. ഇതില്‍ നിന്നും വിടുത്ല്‍ നേടേണ്ടതും അത്യാവശ്യം. മുട്ടവെള്ളയുടെ ദോഷവശങ്ങള്‍

പുരുഷന്മാര്‍ക്ക് ആരോഗ്യം സംരക്ഷിയ്ക്കാനുള്ള ചില ടിപ്‌സിനെക്കുറിച്ചറിയൂ,

ചൂടുവെള്ളത്തിലെ കുളി

ചൂടുവെള്ളത്തിലെ കുളി പുരുഷന്മാര്‍ക്ക് അത്ര ആരോഗ്യകരമല്ല. ലൈംഗികശേഷിയ്ക്ക് ഇത് കുറവു വരുത്തുമെന്നതാണ് കാര്യം. തണുത്ത വെള്ളമാണ് കൂടുതല്‍ അഭികാമ്യം.

ശരീരഭാരം

ആരോഗ്യകരമായ ശരീരഭാരം കാത്തു സൂക്ഷിയ്‌ക്കേണ്ടത് അത്യാവശ്യം. ഇത് അസുഖങ്ങള്‍ തടയുന്നതിനും വന്ധ്യത തടയുന്നതിനും വളരെ പ്രധാനമാണ്.

ലാപ്‌ടോപ്പ്

മടിയില്‍ ലാപ്‌ടോപ്പ് വയ്ക്കരുത്. വന്ധ്യതയ്ക്ക് ഇത് കാരണമാകുമെന്നു മാത്രമല്ല, ഇതില്‍ നിന്നുള്ള വികിരണങ്ങള്‍ ശരീരത്തില്‍ അടുത്തേല്‍ക്കുന്നത് പല തരത്തിലുള്ള അസുഖങ്ങള്‍ക്ക് കാരണമാകും.

സൈക്കിള്‍, ബൈക്ക്

സൈക്കിള്‍, ബൈക്ക് എന്നിവ കൂടുതല്‍ സമയം ഓടിയ്ക്കുന്നതും ആരോഗ്യത്തിന് ഹാനികരമാണ്.

ഉറക്കം

നല്ല ഉറക്കവും പ്രധാനം. അല്ലെങ്കില്‍ ആരോഗ്യത്തിനു കേടാണ്. ലൈംഗികശേഷിയേയും ഇതു ബാധിയ്ക്കും.

പുകവലി

പുകവലി അസുഖങ്ങളുണ്ടാക്കുമെന്നു മാത്രമല്ല, വന്ധ്യത പോലുള്ള പ്രശ്‌നങ്ങള്‍ക്കുള്ള ഒരു പ്രധാന കാരണം കൂടിയാണ്. ക്യാന്‍സറിന്റെ മുഖ്യഹേതു. ഈ ശീലം വേണ്ടെന്നു വയ്ക്കൂ.

വ്യായാമം

വ്യായാമം നിത്യജീവിതത്തിന്റെ ഭാഗമാക്കുക. ഒരുവിധം ആരോഗ്യപ്രശ്‌നങ്ങള്‍ ഒഴിവാക്കാന്‍ ഇതുകൊണ്ടു കഴിയും.

ഹെല്‍ത് ചെക്കപ്പ്

കൃത്യമായ ചെക്കപ്പ് ഒഴിവാക്കുന്നവരാണ് പലരും. ഇത് നല്ലതല്ല. ഹെല്‍ത് ചെക്കപ്പ് കൃത്യമായി നടത്തുന്നത് പല ആരോഗ്യപ്രശ്‌നങ്ങളും നേരത്തെ കണ്ടെത്തി ചികിത്സിയ്ക്കാന്‍ സഹായിക്കും.