ലിവര്‍ കഴിയ്‌ക്കുന്നത്‌ നല്ലതോ?

ലിവര്‍

ലിവര്‍ മാംസഭാഗങ്ങളില്‍ തന്നെ മികച്ച ഒന്നാണ്‌. ഇതില്‍ പ്രോട്ടീനുകള്‍, വൈറ്റമിന്‍ എ, ഫോളിക്‌ ആസിഡ്‌, വൈറ്റമിന്‍ ബി 12, മിനറലുകളായ ക്രോമിയം, കോപ്പര്‍, സിങ്ക്‌ എന്നിവ ധാരാളമുണ്ട്‌. ഇവ ഹൃദയാരോഗ്യത്തിനും ഹീമോഗ്ലോബിന്‍ തോത്‌ വര്‍ദ്ധിപ്പിയ്‌ക്കുന്നതിനും വളരെ പ്രധാനമാണ്‌.

കിഡ്‌നി

കിഡ്‌നി ന്യൂട്രിയന്റുകള്‍ ധാരാളമടങ്ങിയ ഒന്നാണ്‌. ഇതില്‍ ഒമേഗ ത്രീ ഫാറ്റി ആസിഡുകള്‍ ധാരാളമുണ്ട്‌. പ്രത്യേകിച്ച്‌ മട്ടന്‍ കിഡ്‌നിയില്‍. ഇതും ഹൃദയാരോഗ്യത്തിന്‌ മികച്ചതാണ്‌.

പാന്‍ക്രിയാസ്‌, സ്‌പീന്‍

പാന്‍ക്രിയാസ്‌, സ്‌പീന്‍ എന്നിവ സിങ്ക്‌, സെലേനിയം എന്നിവയാല്‍ സമ്പുഷ്ടമാണ്‌. ഇവ ദഹനത്തിനും ശരീരത്തിന്റെ പ്രതിരോധശേഷി വര്‍ദ്ധിപ്പിയ്‌ക്കുന്നതിനും മികച്ചതാണ്‌.

ബ്രെയിന്‍

ബ്രെയിന്‍ ആരോഗ്യഗുണങ്ങളിണങ്ങിയ മറ്റൊരു ഭക്ഷണമാണ്‌. ഇതില്‍ ഒമേഗ ത്രീ ഫാറ്റി ആസിഡുകള്‍, ന്യൂട്രിയന്റുകള്‍ എന്നിവ ധാരാളം അടങ്ങിയിട്ടുണ്ട്‌. ആന്റിഓക്‌സിഡന്റുകളും ഇതില്‍ അടങ്ങിയിട്ടുണ്ട്‌. ബ്രെയിന്‍, സ്‌പൈനല്‍ കോഡ്‌ എന്നിവയുടെ ആരോഗ്യത്തിന്‌ ഇത്‌ മികച്ചതാണ്‌.

ഹൃദയം

ഹൃദയം ഫോളേറ്റ്‌, അയേണ്‍, സിങ്ക്‌, സെലേനിയം, വൈറ്റമിന്‍ ബി2, ബി6, ബി 12 എന്നിവയാല്‍ സമ്പുഷ്ടമാണ്‌. ഇതിലെ സിഒക്യൂ10 കോശങ്ങളില്‍ ഊര്‍ജോല്‍പാദനത്തിന്‌ സഹായിക്കും.

നാവ്‌

കേള്‍ക്കുമ്പോള്‍ അല്‍പം അറപ്പു തോന്നുമെങ്കിലും നാവ്‌ ആരോഗ്യഗുണങ്ങള്‍ ഒത്തിണങ്ങിയ ഒന്നാണ്‌. ഇതില്‍ സിങ്ക്‌, അയേണ്‍, കോളിന്‍, വൈറ്റമന്‍ ബി12 എന്നിവ അടങ്ങിയിട്ടുണ്ട്‌. ഇവ ഗര്‍ഭിണികള്‍ക്കും അസുഖത്തില്‍ നിന്നും ഭേദപ്പെട്ടു വരുന്നവര്‍ക്കും നല്ലതാണ്‌.