വ്യായാമം ചെയ്യൂ, സുഹൃത്തിനൊപ്പം !

1. പതിവായ വ്യായാമം

നിങ്ങളുടെ സ്വന്തം താല്പര്യത്തിന് വ്യായാമം ചെയ്യുമ്പോള്‍ ചിലപ്പോള്‍ അവ ഒഴിവാക്കാന്‍ തോന്നും. എന്നാല്‍ സുഹൃത്തുക്കള്‍ക്കൊപ്പമാണ് നിങ്ങള്‍ വ്യായാമം ചെയ്യുന്നതെങ്കില്‍ ക്ഷീണിച്ചാലും നിങ്ങള്‍ ചെയ്യുന്നത് തുടരും.

2. കൂടുതല്‍ അദ്ധ്വാനം

ജിംനേഷ്യത്തില്‍ സുഹൃത്തിനൊപ്പമാണെങ്കില്‍ ചെയ്യുന്ന കാര്യങ്ങള്‍ക്ക് ഒരു മത്സര സ്വഭാവം വരും. നിങ്ങള്‍ സുഹൃത്തിനേക്കാള്‍ നന്നായി ചെയ്തു എന്ന തോന്നലും ഉണ്ടാകും. ഇത്തരത്തില്‍ നിങ്ങളിരുവരും സാധാരണ ചെയ്യുന്നതിനേക്കാള്‍ പുഷ് അപ്പും ട്രെഡ് മില്ലും ചെയ്യും.

3. വ്യായാമം ആസ്വദിക്കുന്നു

ഒറ്റക്ക് വ്യായാമം ചെയ്യുമ്പോള്‍ വേഗത്തില്‍ ബോറടിക്കും. ആരെങ്കിലും കൂടെയുണ്ടെങ്കില്‍ നിങ്ങള്‍ അത് ഇഷ്ടപ്പെടുകയും ക്ഷീണിച്ചാലും തുടരുകയും ചെയ്യും. കൂടാതെ നിങ്ങളുടെ പ്രശ്നങ്ങള്‍ ചര്‍ച്ച ചെയ്യുകയും അവ പരിഹരിക്കാന്‍ ശ്രമിക്കുകയും ചെയ്യും.

4. ചെലവ് കുറയ്ക്കാം

നിങ്ങള്‍ക്ക് വീട്ടില്‍ ഒരു ഫിറ്റ്നസ് ട്രെയിനറേയോ എയ്റോബിക് ടീച്ചറേയോ വേണമെങ്കില്‍ സുഹൃത്തിനെയും ഒപ്പം കൂട്ടി ചെലവ് പങ്കിടാം. അത്തരത്തില്‍ ഇത് ആദായകരമാകും.

5. കാര്യങ്ങള്‍ പഠിക്കാം

ഒറ്റക്ക് ചെയ്യുമ്പോള്‍ നിങ്ങള്‍ക്ക് ബോറടിക്കും. അത്തരം സാഹചര്യത്തില്‍ സുഹൃത്തിനെക്കൂടി വിളിക്കുകയും ചില പുതിയ പാഠങ്ങള്‍ പഠിക്കുകയും ചെയ്യാം.

6. അധികമുള്ള കലോറി എരിച്ച് കളയാം

നിങ്ങള്‍ സുഹൃത്തിനെ കാണുന്നത് ഭക്ഷണശാലയ്ക്ക് പകരം ജിംനേഷ്യത്തിലോ, ജോഗിങ്ങിനിടയ്ക്കോ ആണെങ്കില്‍ അത് ആരോഗ്യകരമാണ്. അത് വഴി നിങ്ങള്‍ക്ക് വ്യായാമം ചെയ്യുകയും സൗഹൃദം പങ്കിടുകയും ചെയ്യാം.

7. പുതിയ ഇനങ്ങള്‍ ചെയ്യാം

തനിയെ വ്യായാമം ചെയ്യുമ്പോള്‍ നിങ്ങള്‍ പതിവ് സെഷനുകളിലൊതുങ്ങും. പുതിയവയൊന്നും നിങ്ങള്‍ പരീക്ഷിക്കില്ല. എന്നാല്‍‍ സുഹൃത്തിനൊപ്പമാണെങ്കില്‍ പല പുതിയ വിദ്യകളും പരീക്ഷിക്കപ്പെടും.

8. മെലിഞ്ഞ സുഹൃത്ത്

അമിതവണ്ണം എന്നത് പടര്‍ന്ന് പിടിക്കുന്നതാണെന്നാണ് ഒരു പഠനത്തില്‍ പറയുന്നത്. അതുകൊണ്ട് നിങ്ങളുടെ സുഹൃത്ത് തടിയനാണെങ്കില്‍ നിങ്ങളും തടിയനാകാനുള്ള സാധ്യതയുണ്ട്. നിങ്ങളുടെ സുഹൃത്ത് വ്യായാമം ചെയ്ത് മെലിയുന്നുവെങ്കില്‍ നിങ്ങള്‍ക്കും അത് സാധ്യമാകും.