മഴക്കാലത്തു വേണ്ട ആയുര്‍വേദ ചിട്ടകള്‍

കനപ്പെട്ട ഭക്ഷണങ്ങള്‍ ഒഴിവാക്കുക

വിദഗ്ദരുടെ അഭിപ്രായത്തില്‍ മഴക്കാലത്ത് കനപ്പെട്ട ഭക്ഷണങ്ങള്‍(ഡീപ് ഫ്രൈ ചെയ്തവ, ധാരാളം എണ്ണ അടങ്ങിയവ, ജങ്ക് ഫുഡ് തുടങ്ങിയവ) മസാലകള്‍ കൂടുതലായി അടങ്ങിയവ, ആസിഡ് അടങ്ങിയവ, പുളിപ്പിച്ചവ (അച്ചാറുകള്‍, ചട്നികള്‍, യോഗര്‍ട്ട്, കറികള്‍) എന്നിവ കഴിക്കരുത്. കാരണം, ഉപ്പ് ധാരാളമായി അടങ്ങിയ ഭക്ഷണങ്ങള്‍ ജലം ശരീരത്തില്‍ പിടിച്ച് നിര്‍ത്തുകയും, ദഹനമില്ലായ്മക്കും, അസിഡിറ്റിക്കും, വയര്‍ ചീര്‍ക്കുന്നതിനും കാരണമാകുകയും ചെയ്യും.

പാദങ്ങളുടെ സംരക്ഷണം

മഴക്കാലത്ത് പാദങ്ങള്‍ ഇടക്കിടെ നനയാനുള്ള സാധ്യതയുള്ളതിനാല്‍ ആളുകള്‍, പ്രത്യേകിച്ച് പ്രമേഹമുള്ളവര്‍ പാദങ്ങള്‍ നനഞ്ഞിരിക്കാതിരിക്കാന്‍ പ്രത്യേക ശ്രദ്ധ നല്കണം. മുറിക്കുള്ളിലും ചെരുപ്പ് ധരിക്കണം. വഴുക്കല്‍ ഒഴിവാക്കാന്‍ നല്ല ഗ്രിപ്പുള്ള ചെരുപ്പ് ധരിക്കാനും ശ്രദ്ധിക്കണം. നഖങ്ങള്‍ വെട്ടി നിര്‍ത്തുകയും, അവ ഉണങ്ങിയിരിക്കാന്‍ ശ്രദ്ധിക്കുകയും ചെയ്യുക.

ലഘുവും ദഹിക്കുന്നതുമായ ഭക്ഷണങ്ങള്‍

ലഘുവും വേഗത്തില്‍ ദഹിക്കുന്നതുമായ ഭക്ഷണം മന്ദഗതിയിലുള്ളതും ദുര്‍ബലവുമായ ദഹനവ്യവസ്ഥയെ സഹായിക്കും. വേവിച്ച അല്ലെങ്കില്‍ പുഴുങ്ങിയ മത്തങ്ങ പോലുള്ള പച്ചക്കറികള്‍, ആവി കയറ്റിയ സാലഡുകള്‍, മഴക്കാലത്ത് ലഭ്യമാകുന്ന പഴങ്ങള്‍, ചോളം തുടങ്ങിയവ നിങ്ങളുടെ ദഹന സംവിധാനത്തിന് ഏറെ സഹായകരമാകും.

ദഹനത്തെ സഹായിക്കുന്ന പാനീയം

ദഹനത്തെ സഹായിക്കുന്ന ഒരു ആയുര്‍വേദ പാനീയം തയ്യാറാക്കാം. അല്പം ഉപ്പ്, കുരുമുളക്, വറ്റല്‍ മുളക്, ഇഞ്ചി എന്നിവ വെള്ളത്തിലിട്ട് തിളപ്പിച്ച് ദിവസം ഒരു തവണ കുടിക്കുക.

ഇലക്കറികള്‍ ഒഴിവാക്കുക

മണ്ണിനോട് ചേര്‍ന്ന് വളരുന്ന ഇലക്കറികളില്‍ ഏറെ ചളിയും ഈര്‍പ്പവുമുണ്ടാകും. അതിന് പുറമേ അവ ദഹിക്കാന്‍ പ്രയാസമുള്ളതും, വൃത്തിയാക്കാന്‍ ബുദ്ധിമുട്ടായിരിക്കുകയും ചെയ്യും.

എണ്ണ ഉപയോഗം

കടുപ്പം കുറഞ്ഞ എണ്ണകള്‍ വേഗത്തില്‍ ദഹിക്കും. നെയ്യ്, ഒലിവ് ഓയില്‍, സണ്‍ഫ്ലവര്‍ ഓയില്‍, കടുകെണ്ണ, നിലക്കടലയെണ്ണ, ബട്ടര്‍ തുടങ്ങിയവ കടുപ്പമുള്ളവയും ശരീരത്തിനുള്ളില്‍ ചൂടുണ്ടാക്കുന്നവയുമാണ്.

ഹെര്‍ബല്‍ ടീ കുടിക്കുക

ജിഞ്ചര്‍ ടീ, ഗ്രീന്‍ ടീ എന്നിവ പോലുള്ള പല തരം ഹെര്‍ബല്‍ ടീകളില്‍ ആന്‍റി ബാക്ടീരിയല്‍ ഘടകങ്ങളടങ്ങിയിട്ടുണ്ട്. ഇവ തൊണ്ടയ്ക്ക് സുഖം നല്കുകയും, ശരീരത്തിന്‍റെ ചൂട് നിലനിര്‍ത്തുകയും ചെയ്യും.

വ്യായാമങ്ങള്‍ ഒഴിവാക്കരുത്

മഴക്കാലം വ്യായാമങ്ങള്‍ നിര്‍ത്തി വെയ്ക്കേണ്ടുന്ന സമയമല്ല. ആയാസം കൂടിയ വ്യായാമങ്ങള്‍ ചെയ്യുന്നത് പിത്തം വര്‍ദ്ധിപ്പിക്കും. ഇത് ശരീരഭാരം കൂട്ടുകയും രോഗപ്രതിരോധശേഷി ദുര്‍ബലമാക്കുകയും ചെയ്യും. അതിനാല്‍ യോഗ, നീന്തല്‍, നടത്തം പോലുള്ള ലഘുവായ വ്യായാമങ്ങള്‍ ചെയ്യുക.

പുറമേ നിന്നുള്ള ഭക്ഷണങ്ങള്‍ ഒഴിവാക്കുക

ഒട്ടേറെ തവണ നിങ്ങള്‍ കേട്ടിട്ടുള്ള ഉപദേശമായിരിക്കും ഇത്. തുറന്ന് വച്ച് വില്‍പന നടത്തുന്ന ഭക്ഷണങ്ങളില്‍ നനവുണ്ടാവുകയും അത് രോഗാണുക്കളുടെ സാന്നിധ്യത്തിനും, പോഷകമൂല്യം കുറയാനും ഇടവരുത്തുകയും ചെയ്യും. ഇക്കാരണത്താല്‍ പാനി-പൂരി പോലുള്ളവ കഴിക്കാതിരിക്കുക.

വികാരങ്ങളെ നിയന്ത്രിക്കുക

മാനസികമായ അവസ്ഥകള്‍ ആരോഗ്യത്തെ സ്വാധീനിക്കുന്ന പ്രധാന ഘടകമാണ്. മഴക്കാലത്ത് നെഗറ്റീവ് വികാരങ്ങളായ കോപം, വിദ്വേഷം, അസൂയ, അഹന്ത തുടങ്ങിയവയെ അകറ്റി നിര്‍ത്തുക.