വ്യായാമമില്ലാതെ ശരീരഭാരം കുറയ്ക്കാം.

കണ്ണാടി കയ്യില്‍ കരുതുക

ശരീരത്തിന്‍റെ ഏത് ഭാഗത്തെ ഭാരമാണ് കുറയ്ക്കേണ്ടത് എന്ന് നിരീക്ഷിക്കേണ്ടത് പ്രധാനപ്പെട്ട കാര്യമാണ്. ഇതില്‍ നിങ്ങളെ സഹായിക്കാന്‍ നിങ്ങള്‍ പോകുന്നിടത്തെല്ലാം ഒരു കണ്ണാടി കയ്യില്‍ കരുതുക. നിങ്ങള്‍ക്ക് എത്ര വണ്ണമുണ്ടെന്ന് ഇത് നിങ്ങളെ ഓര്‍മ്മിപ്പിക്കുകയും, അത് വഴി നിങ്ങള്‍ സ്വമേധയാ ഭക്ഷണം കുറയ്ക്കുകയും ചെയ്യും.

ശരീരഭാരം കുറയ്ക്കാന്‍ സ്വയം പ്രേരണ

ശരീരഭാരം കുറയ്ക്കാന്‍ നിങ്ങള്‍ നിഷ്ഠയോടെ സ്വയം പ്രേരണ നല്കണം. അത്തരത്തില്‍ ഭക്ഷണം നിയന്ത്രിക്കുകയും ഭാരം കുറയ്ക്കുകയും ചെയ്യാം.

കൊഴുപ്പ് ഒഴിവാക്കുക

ഓരോ വര്‍ഷവും കഴിയുമ്പോള്‍ ആളുകള്‍ പറയാറുണ്ട് ക്രിസ്തുമസ് കഴിഞ്ഞതോടെ എനിക്ക് ശരീരഭാരം കൂടി, ഞാന്‍ എനിക്ക് തോന്നിയതൊക്കെ കഴിച്ചു എന്നൊക്കെ. ഇതൊരു ഒഴിവുകഴിവാണ്. അത്തരത്തിലുള്ളവ ഒഴിവാക്കുക. നിങ്ങളുടെ വയര്‍ നിറയുമ്പോള്‍ ഭക്ഷണം കഴിക്കുന്നത് അവസാനിപ്പിക്കുകയും ശ്രദ്ധ ഭക്ഷണത്തില്‍ നിന്ന് മാറ്റുകയും ചെയ്യുക.

ഭക്ഷണം ഒളിപ്പിക്കുക അല്ലെങ്കില്‍ വാങ്ങാതിരിക്കുക

വീട്ടില്‍ ചോക്കലേറ്റും ബിസ്കറ്റും ഉണ്ടായിരിക്കുമ്പോള്‍ അവ തിന്നാതിരിക്കുന്നത് എളുപ്പമല്ല. അത്തരം സാഹചര്യത്തില്‍ ഇവ വാങ്ങാതിരിക്കുകയോ ഒളിച്ച് വെയ്ക്കുകയോ ചെയ്യുക.

ഭക്ഷണ നിയന്ത്രണം ഒഴിവാക്കുക -

ജങ്ക് ഫുഡുകള്‍ ഒറ്റയടിക്ക് ഒഴിവാക്കുന്നത് ഉചിതമല്ല. അതിന് പകരം ദിവസവും 80 ശതമാനം ആരോഗ്യകരമായ ഭക്ഷണവും, 20 ശതമാനം ജങ്ക് ഫുഡും കഴിക്കുക.

സംഘര്‍ഷങ്ങള്‍ ഒഴിവാക്കുക

പുതുവര്‍ഷം പരസ്പരം ഒത്തുകൂടുകയും ബഹളമയമാവുകയും ചെയ്യുന്ന അവസരമാണ്. ഇവ അവസാനിക്കുന്നത് സമൃദ്ധമായ ഭക്ഷണത്തിലാവും. അത്തരത്തിലുള്ള സാഹചര്യത്തില്‍ നിന്ന് എത്രയും പെട്ടന്ന് രക്ഷപെടുക.

മുന്നറിയിപ്പ് കയ്യില്‍ കരുതുക

'നിങ്ങള്‍ക്ക് കൊഴുപ്പുണ്ടെങ്കില്‍ ഭക്ഷണം കഴിക്കുന്നതിന് മുമ്പ് ശ്രദ്ധിക്കുക' എന്ന് ഒരു കാര്‍ഡില്‍ എഴുതി സൂക്ഷിക്കുക. ഭക്ഷണം കഴിക്കുന്നതിന് മുമ്പ് അതില്‍ നോക്കുന്നത് നിങ്ങള്‍ എത് തരത്തിലുള്ള, എത്രത്തോളം ഭക്ഷണം കഴിക്കുന്നു എന്നത് നിയന്ത്രിക്കാന്‍ സഹായിക്കും.

ആഹാരസമയത്തെ വസ്ത്രം -

ആഹാരം കഴിക്കുന്നതിന് മുമ്പ് ഇറുക്കമുള്ള ഒരു വസ്ത്രം ധരിക്കുന്നത് കഴിക്കുന്ന ആഹാരത്തിന്‍റെ അളവ് കുറയ്ക്കാന്‍ സഹായിക്കും.

യോഗയും ധ്യാനവും

ഒരു പ്രശസ്ത ന്യൂട്രീഷണിസ്റ്റായ പ്രിയ കാത്പാല്‍ പറയുന്നത് പ്രകാരം ആഴത്തില്‍ ശ്വസിക്കുന്നതും, ധ്യാനിക്കുന്നതും, ചില യോഗ മുറകള്‍ ചെയ്യുന്നതും നിങ്ങളുടെ സമ്മര്‍ദ്ദം കുറച്ച് വിശപ്പിനെ നിയന്ത്രിക്കും. ദിവസവും അല്പ സമയം ആഴത്തിലുള്ള ശ്വസനത്തിനായി കണ്ടെത്തുക. യോഗ ശരീരമാസകലം പ്രവര്‍ത്തിക്കുകയും ശരീരത്തിലെ ഏത് ഭാഗത്തുമുള്ള കൊഴുപ്പ് ചുരുക്കുകയും ചെയ്യും.