Click it and Unblock the Notifications
Latest Updates
-
കേരളത്തിൽ മഴ മുന്നറിയിപ്പ്: ആലപ്പുഴയിലും എറണാകുളത്തും യെല്ലോ അലർട്ട്; യാത്രകളിൽ അതീവ ജാഗ്രത വേണം -
സെപ്റ്റംബർ 11: ചന്ദ്രദർശനം ഇന്ന്; ഈ കാര്യങ്ങൾ ശ്രദ്ധിച്ചില്ലെങ്കിൽ പണി പാളും! -
14 കിലോ കൂട്ടി, 15 കിലോ കുറച്ചു; നിമിഷ സജയന്റെയും രജിഷയുടെയും ഫിറ്റ്നസ് രഹസ്യം ഇതാ -
കന്നിരാശിയിലെ ചന്ദ്ര-ബുധ സംയോഗം: ഈ സമയം ജോലികൾ വേഗത്തിൽ തീർക്കാം, ശ്രദ്ധിക്കേണ്ട കാര്യങ്ങൾ ഇതാ -
സെപ്റ്റംബർ 10-ന് യുറാനസ് വക്രഗതി: സാമ്പത്തിക-സാങ്കേതിക കാര്യങ്ങളിൽ വരാനിരിക്കുന്ന മാറ്റങ്ങൾ, ശ്രദ്ധിക്കേണ്ടത് ഇതെല്ലാം! -
2026 സെപ്റ്റംബർ 10: ഇന്നത്തെ സിദ്ധ യോഗ സമയം അറിയാം, ശുഭമുഹൂർത്തങ്ങൾ ഇവയാണ് -
അമാവാസി ഇന്ന്: 4 രാശിക്കാർക്ക് വൻ സാമ്പത്തിക നേട്ടം, ഒപ്പം തട്ടിപ്പുകാർക്കെതിരെ ജാഗ്രത വേണം -
2026 സെപ്റ്റംബർ 10 നക്ഷത്രഫലം: വ്യാഴാഴ്ചത്തെ ഭാഗ്യനിറവും നിർദ്ദേശങ്ങളും, നിങ്ങളുടെ നക്ഷത്രമേത്? -
ഇന്നത്തെ രാശിഫലം: 12 രാശിക്കാർക്കും ഈ ബുധനാഴ്ച ഭാഗ്യദിനമോ? അറിയാം നിങ്ങളുടെ ഇന്നത്തെ ദിവസം -
9/9 ന്യൂമറോളജി: ജീവിതത്തിൽ മാറ്റം കൊണ്ടുവരാൻ ഈ 9 കാര്യങ്ങൾ ശ്രദ്ധിക്കൂ
ഇവ ക്യാന്സര് ലക്ഷണങ്ങളുമാകാം
അനുദിന ജീവിതത്തില് നമ്മള് ശ്രദ്ധിക്കാതെ പോകുന്ന ചില ശാരീരിക ലക്ഷണങ്ങളുണ്ട്. എന്നാല് മറ്റ് വലിയ വ്യത്യാസങ്ങള് ശാരീരിക പ്രവര്ത്തനങ്ങളില് അനുഭവപ്പെടുകയോ തോന്നുകയോ ചെയ്താല് ഡോക്ടറെ സമീപിക്കണമെന്ന് വിദഗ്ദര് അഭിപ്രായപ്പെടുന്നു, പ്രത്യേകിച്ച് മാറ്റങ്ങള് സ്ഥിരമായി നിലനില്ക്കുകയോ വഷളാവുകയോ ചെയ്താല്. ഉയരം കൂട്ടും വ്യായാമങ്ങള്
ഇത് ക്യാന്സര് മൂലമായിരിക്കണമെന്നില്ല. എന്നാല് ശരീരത്തിലുണ്ടാകുന്ന വലിയ മാറ്റങ്ങള് നിങ്ങളുടെ ശ്രദ്ധ ആവശ്യപ്പെടുന്നുണ്ട്. അത്തരം ചില ലക്ഷണങ്ങളെ അറിഞ്ഞിരിക്കുക.
കാരണമില്ലാതെ ശരീരഭാരം കുറയല്
വ്യായാമം കൊണ്ടോ, ഡയറ്റിങ്ങ് കൊണ്ടോ ശരീരഭാരം കുറയുന്നതില് കുഴപ്പമില്ല. എന്നാല് ജീവിതശൈലിയില് മാറ്റങ്ങളൊന്നും ഇല്ലാതെ തന്നെ ശരീരഭാരം കുറഞ്ഞാല് ഇത് പാന്ക്രിയാസ്, ഉദര ക്യാന്സറുകള് തുടങ്ങിയവ ഉള്പ്പടെയുള്ള പല തരത്തിലുള്ള ക്യാന്സറുകള് മൂലമാകാം.
പനി
സ്ഥിരമായ പനി ലിംഫോമ അല്ലെങ്കില് ലുക്കീമിയ പോലുള്ള രക്താര്ബുദങ്ങളുടെ ആദ്യ സൂചനയാവാം. സ്ഥിരമായി പനി അനുഭവപ്പെടുന്നുവെങ്കില് ഡോക്ടറെ കാണുക.
സ്ഥിരമായ ചുമ
ചുമ അല്ലെങ്കില് ശബ്ദത്തിലെ പരുക്കന് സ്വഭാവം അനുഭവപ്പെട്ടാല് അവഗണിക്കരുത്. അലര്ജികള് അനുഭവപ്പെട്ടാല് പരിശോധനക്ക് വിധേയമാകുക.
ശരീരത്തിലെ മുഴകള്
ചര്മ്മത്തില് മുഴകള് കണ്ടാല് ചര്മ്മരോഗവിദഗ്ദനെ സമീപിക്കുക. പ്രത്യേകിച്ച് സ്തനം, വൃഷണം, ലസികാ ഞരമ്പുകള് എന്നിവയ്ക്ക് സമീപത്ത് കാണപ്പെട്ടാല്. കൈകള്, കാല്, മറ്റ് ശരീരഭാഗങ്ങള് എന്നിവടങ്ങളില് മുഴകള് കണ്ടാല് ആശങ്കപ്പെടേണ്ടതില്ല. ചലപ്പോള് അവ കുഴപ്പക്കാരായിരിക്കില്ല.
അസാധാരണമായ രക്തസ്രാവം
അസാധാരണമായ രക്തസ്രാവം ക്യാന്സറിന്റെ ലക്ഷണങ്ങളിലൊന്നാണ്. ചുമച്ച് രക്തം വരുന്നത് ശ്വാസകോശ ക്യാന്സറിന്റെ ലക്ഷണമാകാം. മലത്തിലെ രക്തം കുടലിലെയോ മലാശയത്തിലെയോ ക്യാന്സര് മൂലമാകാം. മൂത്രത്തില് രക്തം കാണുന്നത് മൂത്രാശയ ക്യാന്സര് മൂലമോ, യോനിയില് നിന്ന് പതിവായി രക്തം വരുന്നത് സെര്വ്വിക്കല് ക്യാന്സര് മൂലമോ ആകാം. മുലക്കണ്ണില് നിന്ന് രക്തം വരുന്നത് സത്നര്ബുദം കൊണ്ടാകാനുള്ള സാധ്യതയുണ്ട്.
മൂത്രാശയത്തിന്റെ പ്രവര്ത്തനത്തിലെ വ്യത്യാസം
മൂത്രമൊഴിക്കുമ്പോള് വേദന, മറ്റ് മാറ്റങ്ങള് എന്നിവ ഇടക്കിടെയുണ്ടായാല് അത് മൂത്രാശയം അല്ലെങ്കില് പ്രോസ്റ്റേറ്റ് ക്യാന്സര് മൂലമാകാം. കൂടാതെ മലവിസര്ജ്ജനത്തില് ഏറെക്കാലമായി മാറ്റം കാണുന്നുവെങ്കില്, അതായത് അതിസാരം, മലബന്ധം പോലെ, അത് കുടലിലെ ക്യാന്സര് മൂലമാകാം.
സുഖപ്പെടാത്ത വ്രണങ്ങള്
സ്ഥിരമായി വ്രണങ്ങള് കാണപ്പെടുകയും, അവ ചികിത്സിച്ചിട്ടും ഭേദമാകാതെ വരുകയും ചെയ്താല് ഡോക്ടറെ കണ്ട് പരിശോധിപ്പിക്കുക. വായുടെ ഉള്ളിലെ വ്രണങ്ങള് വായിലെ ക്യാന്സറിന്റെ ലക്ഷണമാകാം.
ചര്മ്മത്തിലെ മാറ്റം
ശരീരത്തിലുള്ള അരിമ്പാറ, മറുക് എന്നിവയില് എന്തെങ്കിലും മാറ്റം കാണുകയോ, ചര്മ്മത്തില് എന്തെങ്കിലും മാറ്റം കാണപ്പെടുകയോ ചെയ്താല് അത് മെലനോമ അഥവാ ചര്മ്മത്തിലെ ക്യാന്സര് മൂലമാകാം. ഒരു ത്വക്ക്രോഗവിദഗ്ദനെ എത്രയും പെട്ടന്ന് സന്ദര്ശിക്കുക. നേരത്തെ കണ്ടെത്തിയാല് എളുപ്പം ചികിത്സിച്ച് ഭേദമാക്കാനാവും.
ക്ഷീണം
സ്ഥിരമായി ക്ഷീണം അനുഭവപ്പെടുന്നത് ക്യാന്സറിന്റെ ലക്ഷണമാകാം. എന്നാല് ഇത് തെറ്റിദ്ധരിക്കപ്പെടാവുന്ന ലക്ഷണമാണ്. കാരണം പല കാരണങ്ങളാല് അളുകള്ക്ക് ക്ഷീണം അനുഭവപ്പെടാം. എന്നാല് എല്ലാ സമയവും ക്ഷീണം അനുഭവപ്പെടുന്നുവെങ്കില് പരിശോധനയ്ക്ക് വിധേയമാവുക.
Continue with Google
