കൂര്‍ക്കം വലി നിര്‍ത്താനുള്ള മാര്‍ഗ്ഗങ്ങള്‍

ഉറങ്ങുന്ന പൊസിഷന്‍

ഉറക്കത്തിന്റെ പൊസിഷന്‍ തന്നെ പലപ്പോഴും പലരിലും കൂര്‍ക്കം വലിക്ക് കാരണമാകുന്നുണ്ട്. ഒരു വശം ചരിഞ്ഞു കിടന്നുറങ്ങുന്നത് കൂര്‍ക്കം വലി നിര്‍ത്താന്‍ സഹായിക്കും. ചരിഞ്ഞു കിടക്കുന്നതിലൂടെ നമുക്ക് എളുപ്പത്തില്‍ ശ്വസനപ്രക്രിയ നടത്താന്‍ സാധിക്കും. ഇത് വായിലൂടെയുള്ള കൂര്‍ക്കം വലി ഇല്ലാതാക്കുന്നു.

ജീവിത ശൈലിയിലെ മാറ്റം

ജീവിതശൈലിയിലുണ്ടാകുന്ന മാറ്റങ്ങള്‍ക്ക കൂര്‍ക്കം വലിയെ പ്രതിരോധിക്കാം. ഉറങ്ങുന്നതിനു മുന്‍പ് പലരും മദ്യം കഴിക്കുന്ന ശീലക്കാരായിരിക്കും. എന്നാല്‍ ഇത്തരത്തിലുള്ള ശീലമുള്ളവര്‍ അതൊഴിവാക്കിയാല്‍ കൂര്‍ക്കം വലിയും നില്‍ക്കും എന്നതാമ് സത്യം.

ബെഡ്‌റൂമിലെ വൃത്തിയില്ലായ്മ

വൃത്തിയില്ലാത്ത തലയിണയും ബെഡ് ഷീറ്റും എല്ലാം കൂര്‍ക്കം വലിയുടെ കാവല്‍ക്കാരാണ്. ഇത് ഉറക്കത്തെ തടസ്സപ്പെടുത്തുകയും ചെയ്യും. എന്നാല്‍ ഇതുണ്ടാക്കുന്ന അലര്‍ജി കൂര്‍ക്കം വലിയിലായിരിക്കും അവസാനിക്കുക.

അലര്‍ജിയുണ്ടാക്കുന്ന ചെടികള്‍

പലരും കിടപ്പിമുറിയില്‍ ചെടികള്‍ സൂക്ഷിക്കുന്ന പതിവുണ്ട്. നല്ല ഉറക്കം കിട്ടുക എന്ന ലക്ഷ്യത്തോടു കൂടിയായിരിക്കണം അത്. പക്ഷേ ഇത് ചിലപ്പോള്‍ വിപരീത ഫലമാണുണ്ടാക്കുക.

വായുസഞ്ചാരം കുറവ്

വായു സഞ്ചാരം കുറവുള്ള മുറികളാണെങ്കില്‍ കൂര്‍ക്കം വലിക്കാര്‍ക്ക് പ്രതികൂലമായാണ് ഫലമുണ്ടാവുക. ഇത് ഉറക്കത്തില്‍ മൂക്കും വായയും വരണ്ടതാക്കും. അപ്പോള്‍ പിന്നെ ശ്വസിക്കുന്നതിന് കൂര്‍ക്കം വലിക്കാതെ തരമില്ല എന്ന അവസ്ഥയാവും.

ഉറക്കത്തിന്റെ ആഴം

ഉറക്കത്തിന്റെ ആഴം പലപ്പോഴും കൂര്‍ക്കം വലിയെ സ്വാധീനിക്കാറുണ്ട്. ഗാഢനിദ്രയിലുള്ളവരുടെ കൂര്‍ക്കം വലിയും അതികഠിനമായിരിക്കും.

തടി കുറയ്ക്കുക

തടി കൂടുതലുള്ളവരായിരിക്കും കൂര്‍ക്കം വലിയില്‍ മുന്നിട്ടു നില്‍ക്കുന്നത്. എന്നാല്‍ പലപ്പോഴും ഇത്തരക്കാര്‍ തടി കുറയ്ക്കുന്നത് കൂര്‍ക്കം വലി കുറയാന്‍ സഹായിക്കും.

ധാരാളം വെള്ളം കുടിയ്ക്കുക

ഉറങ്ങാന്‍ പോകുന്നതിനു മുന്‍പ് ധാരാളം വെള്ളം കുടിയ്ക്കുക. ഇത് ശ്വസന പ്രവര്‍ത്തനങ്ങളെ ത്വരിതഗതിയിലാക്കുന്നു. ഇത് കൂര്‍ക്കം വലിയും കുറയ്ക്കുന്നു.