ഇവ നിങ്ങളെ ആശുപത്രിയിലാക്കും!!

റബ്ബര്‍ ചെരുപ്പ്

കടുത്ത വേനല്‍ക്കാലത്ത് റബ്ബര്‍ ചെരുപ്പ് ധരിക്കുന്നത് ഏറെ സുഖകരമായിരിക്കും. എന്നാല്‍ വളവില്ലാത്ത ദുര്‍ബലമായ റബ്ബര്‍ ചെരുപ്പ് ധരിക്കുന്നതിന് മുമ്പ് ഇനി പറയുന്ന കാര്യങ്ങള്‍ പരിഗണിക്കുക. ഇത് നിങ്ങളുടെ പാദത്തില്‍ ഞരമ്പുകളുടെ വേദനയ്ക്ക് ഇടയാക്കാം. വിലകുറഞ്ഞ ചെരുപ്പുകള്‍ നിങ്ങളുടെ നടപ്പിന്‍റെ രീതിയില്‍ മാറ്റം വരുത്തുകയും ഇടുപ്പിനും മുട്ടിനും വലിയ പ്രശ്നങ്ങളുണ്ടാക്കുകയും ചെയ്യും. മുറുക്കമുള്ള സ്ട്രാപ്പും ആര്‍ച്ച് സപ്പോര്‍ട്ടുമുള്ള ചെരുപ്പ് ഉപയോഗിക്കുക.

പേഴ്സ്

മിക്ക പുരുഷന്മാരും പണ്ടുമുതലേ ചെയ്ത് വരുന്ന കാര്യമാണ് പേഴ്സില്‍ സാധനങ്ങള്‍ കുത്തിനിറച്ച് അത് പാന്‍റിന്‍റെ പിന്‍ പോക്കറ്റില്‍ വെയ്ക്കുക എന്നത്. ബില്ലുകളും, പണവും തുടങ്ങി എല്ലാം പഴ്സില്‍ നിറച്ച് ഇത്തരത്തില്‍ പോക്കറ്റില്‍ വെയ്ക്കുന്നത് നടുവിനും കഴുത്തിനും പ്രശ്നങ്ങളുണ്ടാക്കും. വീര്‍ത്തിരിക്കുന്ന പഴ്സിന് മുകളില്‍ ദിവസം മുഴുവനും ഇരിക്കുന്നത് നടുവ് വളയാനും, ഇടുപ്പിലെ ഞരമ്പുകള്‍ക്ക് തകരാറുണ്ടാകാനും ഇടയാക്കും.

ഇറുകിയ ജീന്‍സ്

ഇറുക്കമേറിയ പാന്‍റ്സും ജീന്‍സും സ്ത്രീകള്‍ ധരിക്കാന്‍ പാടില്ലാത്തതാണ്. അമിതമായ ഇറുക്കമുള്ള പാന്‍റ്സ് തുടയുടെ മേല്‍ഭാഗത്തുള്ള ഞരമ്പുകളെ ഞെരിക്കും. ഇതിന്‍റെ ഫലമായി കാലിലേക്കുള്ള രക്തയോട്ടം കുറയുകയും മെറാള്‍ജിയ പരസ്തെറ്റിക്ക എന്ന അവസ്ഥയുണ്ടാക്കുകയും ചെയ്യും. നിങ്ങളുടെ പാദത്തില്‍ മരവിപ്പും തുടയുടെ പുറം ഭാഗത്ത് എരിച്ചിലും അനുഭവപ്പെടും.

അമിതമായ വ്യായാമം

എന്തും അധികമായാല്‍ ആപത്താണെന്നാണല്ലോ ചൊല്ല്. അമിതമായി വ്യായാമം ചെയ്യുന്നത് കുറഞ്ഞ സമയത്തിനുള്ളില്‍ പേശികളെ തകരാറിലാക്കും. അമിതമായ വ്യായാമം പേശികളിലെ ട്യിഷ്യുകള്‍ പൊട്ടാനും പ്രോട്ടീനുകള്‍ രക്തത്തിലേക്ക് കലരാനും ഇടയാക്കും.

വെള്ളം അമിതമായി കുടിക്കുക -

അമിതമായി വെള്ളം കുടിക്കുന്നത് ശരീരത്തിലെ ഇരുമ്പ്, സോഡിയം, മറ്റ് മിനറലുകള്‍ എന്നിവയെ നേര്‍പ്പിക്കാനിടയാക്കും. ഇത് തലവേദന, ഛര്‍ദ്ദി എന്നിവയ്ക്കും ഹൈപ്പോനാട്രീമിയ എന്ന അവസ്ഥക്കും കാരണമാകും.