ഇക്കാര്യത്തില്‍ ഫേസ് ബുക്കും ചതിക്കും

ലക്ഷ്യം മാര്‍ഗ്ഗത്തെ....

പല കാര്യങ്ങളും നമ്മള്‍ അപ്പോള്‍ തന്നെ ഫേസ്ബുക്കിലൂടെ ലോകത്തെ അറിയിക്കാറുണ്ട്. എന്നാല്‍ തടി കുറയ്ക്കുക എന്ന ലക്ഷ്യം നമ്മള്‍ ഫേസ്ബുക്കില്‍ പോസ്റ്റ് ചെയ്‌തോ പിന്നെ നമ്മളെ അനു കൂലിച്ചും പ്രതികൂലിച്ചും നിരവധി കമന്റുകളുടെ പ്രവാഹമായിരിക്കും. അതുകൊണ്ടു തന്നെ ഇത്തരം കാര്യങ്ങള്‍ക്ക് ഫേസ്ബുക്കില്‍ അമിത പ്രാധാന്യം നല്‍കാതിരിക്കുക.

വിജയിച്ചെങ്കില്‍...

തടി കുറയ്ക്കുന്നതില്‍ അല്‍പമെങ്കിലും വിജയിച്ചുവെങ്കില്‍ ഇത് പിന്നീട് സോഷ്യല്‍ മീഡിയയില്‍ പോസ്റ്റ് ചെയ്യുന്നതില്‍ പ്രശ്‌നമില്ല. അല്ലാത്ത പക്ഷം അത് നമ്മുടെ ആത്മവിശ്വാസത്തെ തകര്‍ക്കും എന്ന കാര്യത്തില്‍ യാതൊരു സംശയവുമില്ല എന്നതാണ്.

സ്റ്റാറ്റസുകള്‍ വില്ലനാവുമ്പോള്‍...

പല ഫേസ്ബുക്ക് സ്റ്റാറ്റസുകളും നമ്മുടെ ജീവിതത്തില്‍ പിന്നീട് വില്ലനാവാറുണ്ട് എന്നതാണ് സത്യം. എന്നാല്‍ വ്യായാമത്തിനിടയ്ക്കിടുന്ന ഇത്തരം സ്റ്റാറ്റസ്സുകള്‍ അല്ലെങ്കില്‍ പലപ്പോഴായി സ്മാര്‍ട്‌ഫോണ്‍ ഉപയോഗിക്കുന്നത് വിപരീത ഫലമാണ് ഉണ്ടാക്കുക എന്നത് സത്യം.

വ്യായാമത്തിലാണോ നോ കമന്റ്‌സ്

വ്യായാമം ചെയ്യുന്നതിനിടയ്ക്കാണ് ഫേസ്ബുക്ക് ഉപയോഗമെങ്കില്‍ ഇതുണ്ടാക്കുന്ന പ്രശ്‌നങ്ങള്‍ ചില്ലറയല്ല. എന്നാല്‍ പലപ്പോഴും ഇത്തരം പ്രവണത നമുക്കിടയില്‍ കൂടുതലാണ് എന്നതാണ് സത്യം.

ഭക്ഷണ കാര്യത്തിലും ചതിയ്ക്കും

ഭക്ഷണ കാര്യത്തിലും ഫേസ്ബുക്ക് ഉപയോഗം നമ്മളെ ചതിയ്ക്കും. ഇവിടെ ഫേസ്ബുക്കും വാട്‌സ് ആപ്പും എല്ലാം ഒരു പോലെയാണ്. എന്തുകൊണ്ടെന്നാല്‍ ഭക്ഷണം കഴിക്കുമ്പോളുള്ള ഇവയുടെ ഉപയോഗം അമിതമായി ഭക്ഷണം കഴിക്കാന്‍ പ്രേരിപ്പിക്കും എന്നതാണ് സത്യം. ഇത് പിന്നീട് തടി വര്‍ദ്ധിപ്പിക്കുമെന്ന കാര്യത്തില്‍ സംശയമില്ലല്ലോ.

ആര്‍ത്തി വര്‍ദ്ധിപ്പിക്കും

ഇതു പക്ഷേ ഭക്ഷണക്കൊതിയന്‍മാരുടെ മാത്രം കാര്യമാണ്. എന്നാല്‍ ഇവരായിരിക്കും തടി കുറയ്ക്കാന്‍ പെടാപാടു പെടുന്നത്. ഫേസ്ബുക്കില്‍ കാണുന്ന പുതിയ ഒരു ഭക്ഷണത്തിന്റെ ചിത്രം നിങ്ങലിലുണ്ടാക്കുന്ന പ്രവണത ചിലപ്പോള്‍ നിങ്ങളെ വീണ്ടും തടിയനാക്കിയേക്കാം.

ആഗ്രഹങ്ങളെ അടക്കി നിര്‍ത്തുക

പലപ്പോഴും ഭക്ഷണത്തോടുള്ള നമ്മുടെ അമിത ആഗ്രഹം അറിഞ്ഞുകൊണ്ടു തന്നെ നമ്മുടെ ചില സുഹൃത്തുക്കള്‍ പലപ്പോഴും നമ്മളെ പ്രകോപിതരാക്കാന്‍ വേണ്ടി ഭക്ഷണകാര്യം തന്നെ ചാറ്റില്‍ സംസാരിച്ചു കൊണ്ടിരിക്കും. അതോടെ നമ്മുടെ ഡയറ്റില്‍ മാറ്റങ്ങള്‍ സംഭവിക്കും.

നമ്മുടെ പുരോഗതി നമുക്ക് മാത്രം

നമ്മള്‍ തടി കുറച്ചാല്‍ അതുകൊണ്ടുണ്ടാകുന്ന നേട്ടം ആരോഗ്യപരമായും നമുക്ക് മാത്രമാണ്. അതുകൊണ്ടു തന്നെ മറ്റൊരു തരത്തിലുള്ള മത്സരത്തിനും ഫേസ്ബുക്കില്‍ ഇടം നല്‍കാതിരിക്കുക.

സുഹൃത്തുക്കളുമായി താരതമ്യം ചെയ്യാതിരിക്കുക

ഫേസ്ബുക്കില്‍ നമ്മുടെ സുഹൃത്തുക്കളിലാരെങ്കിലും തടി കുറച്ച് സുന്ദരി അല്ലെങ്കില്‍ സുന്ദരന്‍ ആയിട്ടുള്ള ഒരു ഫോട്ടോ ഇട്ടിട്ടുണ്ടെങ്കില്‍ അന്നു നമ്മുടെ ഉറക്കം പോയി എന്ന കാര്യം സത്യം. എന്നാല്‍ അവിടേയും ആരോഗ്യകരമായ ഒരു മത്സരമാണെങ്കില്‍ എല്ലാം ശുഭം.

ചോദ്യങ്ങള്‍ നിങ്ങളോടു തന്നെ..

ചോദ്യങ്ങള്‍ നമ്മളോടു തന്നെ ചോദിയ്ക്കുക. അതിനായി രണ്ടാമതൊരാളെ സോഷ്യല്‍ മീഡിയയില്‍ നിന്നും ആശ്രയിക്കാതിരിക്കുക. ചിലപ്പോള്‍ എത്ര അടുത്ത സുഹൃത്താണെങ്കിലും തരുന്ന പല ഉപദേശങ്ങളും തെറ്റായിരിക്കും.