കഴുത്ത് വേദന മാറ്റാം, യോഗയിലൂടെ..

By Super

Updated: Tuesday, July 15, 2014, 11:51 [IST]

അനുദിനജീവിതത്തില്‍ ഏറെ സമ്മര്‍ദ്ധവും ചെറിയ പരുക്കുകളുമേല്‍ക്കുന്ന ഒരു ശരീരഭാഗമാണ് കഴുത്ത്. കഴുത്തിനെ സംബന്ധിച്ച് ഏറ്റവും സാധാരണമായി കാണുന്ന പ്രശ്നം പിന്‍കഴുത്തിലെ വേദനയാണ്. തലയുടെ ചലനങ്ങള്‍ക്ക് പിന്തുണ നല്കുന്നത് ഈ ഭാഗമാണ്.

വളരെ സങ്കീര്‍ണ്ണമായ പ്രവര്‍ത്തനമാണ് കഴുത്തിന്‍റേത്. തലയെ താങ്ങുക, പല തരത്തില്‍ തല ചലിപ്പിക്കുക, സുഷുമ്ന നാഡിയെയും, നട്ടെല്ലിലെ ഞരമ്പുകളെയും തലച്ചോറില്‍ നിന്ന് നടുവിന്‍റെ ഭാഗത്തേക്ക് ഒരു ആവരണത്തിനുള്ളിലൂടെ കഴുത്ത്, നടുവ് തുടങ്ങിയ ഭാഗങ്ങളുമായി ബന്ധിപ്പിക്കുക എന്നിവ ഇവയില്‍ പ്രധാനപ്പെട്ടവയാണ്.

കഴുത്ത് വേദന

ശരിയല്ലാത്ത ശാരീരിക നിലകള്‍, തെറ്റായ രീതിയില്‍ കിടന്നുറങ്ങുക, അപകടം വഴിയുണ്ടാകുന്ന പരുക്ക്, ആഴത്തിലുള്ള മുറിവ്, ദീര്‍ഘകാലമായുള്ള പരുക്ക്(ഉദാഹരണമായി ബൈക്ക് യാത്രയില്‍ ഭാരമേറിയ ഹെല്‍മറ്റ് ഉപയോഗിക്കുക), വേദന, സന്ധിവാതം എന്നി കഴുത്ത് വേദനയുണ്ടാക്കാം.