ഹൈ ബിപി, ഈ ഭക്ഷണങ്ങള്‍ ഒഴിവാക്കൂ

ഉപ്പ്

ബിപിയുള്ളവര്‍ നിയന്ത്രിയ്‌ക്കേണ്ട പ്രധാനപ്പെട്ട ഭക്ഷണങ്ങളിലൊന്നാണ് ഉപ്പ്. ഉപ്പിന്റെ ഉപയോഗം പൂര്‍ണമായി ഉപേക്ഷിയ്ക്കാന്‍ സാധിയ്ക്കില്ലെങ്കിലും ഇത് നിയന്ത്രിയ്‌ക്കേണ്ടത് വളരെ അത്യാവശ്യമാണ്.

അച്ചാറുകള്‍

അച്ചാറുകള്‍ ഭക്ഷണത്തിനു രുചി കൂട്ടുമെങ്കിലും ഇത് ബിപിയുടെ ശത്രുവാണെന്നു വേണം പറയാന്‍. ഇവയിലെ ഉപ്പു തന്നെ പ്രധാന കാരണം.

പ്രോസസ് ചെയ്ത ഇറച്ചി

പ്രോസസ് ചെയ്ത ഇറച്ചി ബിപി കൂട്ടുന്ന ഒന്നാണ്. ഇത് പ്രോസസ് ചെയ്യുവാനായി ധാരാളം സോഡിയം ഉപയോഗിയ്ക്കുന്നതു തന്നെ കാരണം.

കാനിലടച്ച ഭക്ഷണങ്ങള്‍

കാനിലടച്ച ഭക്ഷണങ്ങള്‍, സൂപ്പ്, ബ്രോത്ത്, സ്‌റ്റോക് എന്നിവയില്‍ ഉപ്പിന്റെ അളവ് വളരെ കൂടുതലാണ്. ഇത്തരം ഭക്ഷണങ്ങള്‍ ഹൈ ബിപിയുള്ളവര്‍ ഒഴിവാക്കുക തന്നെ വേണം.

പഞ്ചസാര

പഞ്ചസാര അധികം ഉപയോഗിയ്ക്കുന്നത് പ്രമേഹം, അമിതവണ്ണം തുടങ്ങിയ പ്രശ്‌നങ്ങള്‍ വരുത്തി വയ്ക്കുമെന്നു മാത്രമല്ല, ബിപി കൂടുവാനും ഇട വരുത്തും. ഇതുകൊണ്ടുതന്നെ അമിതമധുരം ഒഴിവാക്കണം.

ചിക്കന്‍

തൊലിയോടു കൂടിയുള്ള ചിക്കന്‍ കഴിയ്ക്കുന്നത് ബിപി വര്‍ദ്ധിപ്പിയ്ക്കുന്ന മറ്റൊരു ഘടകമാണ്. ഇതില്‍ സാച്വറേറ്റഡ് ഫാറ്റ് ധാരാളം അടങ്ങിയിട്ടുണ്ട്.

കാപ്പി

കാപ്പി ബിപി വര്‍ദ്ധിപ്പിയ്ക്കുന്ന ഒരു ഭക്ഷണവസ്തുവാണ്. കാപ്പിയുടെ ഉപയോഗം ബിപി അധികമുള്ളവര്‍ നിയന്ത്രിയ്ക്കുക തന്നെ വേണം.

മദ്യം

മദ്യവും ബിപി വര്‍ദ്ധിപ്പിയ്ക്കും. പ്രത്യേകിച്ച് ദിവസം മൂന്നു പെഗില്‍ കൂടുതല്‍ കഴിയ്ക്കുന്നവര്‍. മാത്രമല്ല, ഇത് ബിപിയുള്ളവര്‍ കഴിയ്ക്കുന്ന മരുന്നിന്റെ ഗുണം കുറയ്ക്കുകയും ചെയ്യും.