സ്‌ട്രെസ് കുറയ്ക്കാന്‍ ചില വഴികള്‍

ഒഴിവുസമയം

വെറുതേയിരിയ്ക്കാന്‍ സമയമില്ലാത്ത ഒരു തലമുറയാണ് ഇപ്പോഴത്തേതെന്നു പറയാം. ഒന്നുകില്‍ കമ്പ്യൂട്ടര്‍, അല്ലെങ്കില്‍ ടിവിയോ മൊബൈലോ എന്ന രീതിയിലാണ് ഇപ്പോഴത്തെ ഒഴിവുസമയം. ഇതില്‍ നിന്നും ഒരു വിടുതല്‍ നേടുക. അല്‍പ സമയം നിശബ്ദമായി ഒന്നു ചെയ്യാതെയിരിയ്ക്കുക.

ശ്വാസോച്ഛാസം

എല്ലാം മറന്ന് ദീര്‍ഘമായി ശ്വാസോച്ഛാസം ചെയ്യുക. ഇത് സ്‌ട്രെസ് അകറ്റാനുള്ള ഒരു വഴിയാണ്.

വിനോദങ്ങള്‍ക്ക് സമയം

നിങ്ങള്‍ക്ക് സന്തോഷം നല്‍കുന്ന വിനോദങ്ങള്‍ക്ക് സമയം കണ്ടെത്തുക. കുട്ടിയ്‌ക്കൊപ്പം ക്രിക്കറ്റ് കളിയ്ക്കാം. പാട്ടു കേള്‍ക്കാം, പാചകം ചെയ്യാം...

ഇഷ്ടഭക്ഷണം

ചുറ്റുപാടുകളില്‍ നിന്നും അകന്നു മാറി തങ്ങളുടേതായ ലോകത്ത് അല്‍പസമയം ചെലവഴിയ്ക്കുക. ഇഷ്ടഭക്ഷണം കഴിയ്ക്കുക.

റിലാക്‌സ്

എത്ര തിരക്കു പിടിച്ച ജീവിതമാണെങ്കിലും അല്‍പസമയം റിലാക്‌സ് ചെയ്യാന്‍ മാറ്റി വയ്ക്കുക തന്നെ വേണം.

മസാജ്

നല്ലൊരു മസാജ് ശരീരത്തിനും മനസിലും ഉണര്‍വു നല്‍കും. ഇത സ്‌ട്രെസ് കുറയ്ക്കാനുള്ള നല്ലൊരു വഴിയുമാണ്.

കരയുന്നത്

കരയുന്നത് സ്ത്രീകളാണെന്ന ചൊല്ലുണ്ടെങ്കിലും സ്‌ട്രെസ് കുറയ്ക്കാനുള്ള നല്ലൊരു വഴിയാണിത്.

ചിരി

മനസു തുറന്ന് ചിരിച്ചാല്‍ പകുതി ടെന്‍ഷനും സ്‌ട്രെസുമെല്ലാം കുറയും. ഇതിനുള്ള അവസരങ്ങള്‍ സൃഷ്ടിയ്ക്കുക.

അത്യാഗ്രഹം ഒഴിവാക്കുക

ആഗ്രഹങ്ങളാകാം, എന്നാല്‍ അത്യാഗ്രഹം ഒഴിവാക്കുക. ഇത് ജീവിതത്തില്‍ ടെന്‍ഷനും സ്‌ട്രെസിനും ഇട വരുത്തും. ആരോഗ്യം നശിപ്പിയ്ക്കും.

നല്ല ഭക്ഷണങ്ങള്‍

നല്ല ഭക്ഷണങ്ങള്‍ കഴിയ്ക്കുക. സ്‌ട്രെസ് കുറയ്ക്കുകയും കൂട്ടുകയും ചെയ്യുന്ന ഭക്ഷണങ്ങളുണ്ട്.

വ്യായാമം

വ്യായാമം സ്‌ട്രെസ് കുറയ്ക്കാന്‍ സഹായിക്കുന്ന മറ്റൊരു വഴിയാണ്. ഇത് ശാരീരിക മാനസിക ആരോഗ്യത്തെ നില നിര്‍ത്തും. സ്‌ട്രെസ് കുറയ്ക്കുകയും ചെയ്യും.

യോഗ

യോഗ സ്‌ട്രെസ് കുറയ്ക്കുന്നതിനുള്ള മറ്റൊരു വഴിയാണ്. ദിവസവും യോഗ ശീലമാക്കുക.

കഫീന്‍

കഫീന്‍ ഒഴിവാക്കുക. സ്‌ട്രെസ് വര്‍ദ്ധിപ്പിയ്ക്കുന്ന ഒരു ഘടകമാണിത്.

പങ്കു വയക്കുക

സന്തോഷവും സങ്കടവുമെല്ലാം പങ്കു വയക്കുക. പങ്കു വച്ചാല്‍ ഇരട്ടിക്കുന്ന ഒന്നാണ് സന്തോഷം. സ്‌ട്രെസും ടെന്‍ഷനുമാകട്ടെ, പകുതിയാകുകയും ചെയ്യും.