ജോലിക്കിടയിലെ ക്ഷീണമകറ്റാന്‍

1)ഹൃദയം നിറഞ്ഞ സുപ്രഭാതം

എന്നും ചെയ്യേണ്ട ഒരു കാര്യമാണ്. പ്രഭാതത്തില്‍ ശരീരത്തിന് ഒരു ബൂസ്റ്റ് നല്‍കുക. ഗുണപരമായ ചിന്തയോടെ ദിവസം തുടങ്ങുക. ഇന്ന് കാര്യങ്ങളെല്ലാം ശുഭകരമായിട്ടായിരിക്കും സംഭവിക്കുകയെന്ന് ആദ്യം തന്നെ ചിന്തിക്കുക. അങ്ങിനെ വിചാരിച്ചാല്‍ തന്നെ ലളിതമായി കാര്യങ്ങളെല്ലാം ചെയ്യുവാനാകും. യോഗയോ മറ്റെന്തെങ്കിലും വ്യായാമമോ ചെയ്യുക. അത് നിങ്ങള്‍ക്ക് ദിവസം മുഴുവനും നീണ്ടുനില്‍ക്കുന്ന ഉണര്‍വ്വ് നല്‍കും.

2)പ്രഭാതഭക്ഷണം ഒഴിവാക്കരുത്

ജോലിക്കിടെ ക്ഷീണം തോന്നരുതെന്നുണ്ടെങ്കില്‍ പ്രഭാതഭക്ഷണം നിര്‍ബന്ധമായും കഴിക്കണം. പ്രോട്ടീന്‍ നിറഞ്ഞ ഭക്ഷണമായിരിക്കണം കഴിക്കേണ്ടത്. സംതുലനാവസ്ഥ നിലനിര്‍ത്തുന്ന ഒരു ഭക്ഷണം. ദിവസം മുഴുവന്‍ പൊരുതാന്‍ ഇത് സഹായിക്കും.

3)ഹെര്‍ബല്‍ ഡ്രിങ്ക്

ഗ്രീന്‍ ടീ, നെല്ലിക്ക ജ്യൂസ്, കറ്റാര്‍വാഴ ജ്യസ് എന്നിവ കഴിക്കുക, ഉണര്‍വ്വോടെയിരിക്കാന്‍ സഹായകമാണ്.

4)കഫീന്‍ ഒഴിവാക്കുക

കഫീന്‍ കഴിക്കുന്നതിന് പകരം ഒരു കപ്പ് ഹെര്‍ബല്‍ ടീ കുടിക്കുക. ആന്റി ഓക്‌സിഡന്റ്‌സ് അടങ്ങിയിരിക്കുന്നതിനാല്‍ മനസ്സിനും ശരീരത്തിനും ദിവസം മുഴുവന്‍ നീണ്ടുനില്‍ക്കുന്ന ഉന്മേഷം നല്‍കും.

5)ഇടവേളകള്‍ നല്‍കുക

മെയിലുകള്‍ കൊണ്ട് നിങ്ങളുടെ ഇന്‍ബോക്‌സ് നിറഞ്ഞിട്ടുണ്ടാകും. ചെയ്തുതീര്‍ക്കുവാന്‍ ഒട്ടേറെ ജോലികളും. ബോസ്സുമായി മീറ്റിംഗുമുണ്ടാകാം. ഇതിനൊല്ലാമിടയിലും ആവശ്യമായ ഇടവേളകളെടുത്ത് ജോലിയില്‍ നിന്നും വിട്ടുനില്‍ക്കുക.

6)ഉച്ചഭക്ഷണത്തിന്റെ കണക്കെടുക്കുക

ഉച്ചഭക്ഷണം ഒഴിവാക്കരുത്, അളവ് തീരെ കുറയ്ക്കുകയുമരുത്. ആവശ്യത്തിന് ഭക്ഷണം കഴിച്ചില്ലെങ്കില്‍ ജോലി ചെയ്യുന്നതിനാവശ്യമായ ഊര്‍ജ്ജം ഉണ്ടാവില്ല, പച്ചക്കറികള്‍ കുടുതലായി കഴിക്കുക. ജോലി ചെയ്യുമ്പോള്‍ നല്ല ഉണര്‍വ്വുണ്ടാകും.

7)ശുദ്ധവായു

ദിവസം മുഴുവനും ക്യാബിനില്‍ അടച്ചിടക്കരുത്. ബ്രേക്കെടുത്ത് പുറത്തിറങ്ങി ശുദ്ധവായു ശ്വസിക്കുക.

8) സഹപ്രവര്‍ത്തകരോട് സംസാരിക്കുക

ദിവസം കുറച്ച് നേരം സഹപ്രവര്‍ത്തകര്‍ക്കൊപ്പം ചെലവഴിക്കുക. റിലാക്‌സ് ചെയ്യാന്‍ ഇതുപകരിക്കും. ജോലി സംബന്ധമായ കാര്യങ്ങള്‍ സംസാരിക്കാതിരിക്കാന്‍ ശ്രദ്ധിക്കണം.

9)സായാഹ്നങ്ങളില്‍ റിലാക്‌സ് ചെയ്യുക

ഓഫീസില്‍ നിന്നും തിരിച്ചെത്തിയാല്‍ പ്രിയപ്പെട്ട ചാനല്‍ ഷോ കാണുക. അല്ലെങ്കില്‍ സായാഹ്നസവാരിക്കിറങ്ങുക.

10)കുടുംബം

ജോലിക്കിടെ എന്ത് സംഭവിച്ചാലും കുടുംബത്തോടൊപ്പം അല്‍പ്പസമയം ചെലഴിക്കുക. മാനസികബലവും ആശ്വാസവും കിട്ടും