ഇന്‍സോംനിയയെ അറിയാം, അകറ്റാം

ഉറങ്ങേണ്ട സമയത്ത് എഴുന്നേറ്റ് ഇരിക്കല്‍

ഉറക്കത്തിലേക്ക് വഴുതി വീഴാനുള്ള താമസമാണ് പ്രാഥമിക ലക്ഷണം. ഉറക്കം കിട്ടാന്‍ മദ്യപാനം അടക്കം ശീലമാക്കുന്നവര്‍ ഉണ്ട്. ചിലര്‍ ഉറക്കം ലഭിക്കാതെ തിരിഞ്ഞും മറിഞ്ഞും കിടക്കുമ്പോള്‍ മറ്റ് ചിലര്‍ അതിരാവിലെ തന്നെ ഉറക്കം വിട്ടുണരുന്നു. ഇടക്കിടെ എഴുന്നേല്‍ക്കുന്ന അവസ്ഥയും കണ്ടുവരാറുണ്ട്. ദിവസങ്ങളോളം ഉറക്കം ലഭിക്കാത്ത അവസ്ഥയാണ് പ്രശ്നക്കാരന്‍.

രാവിലെ എഴുന്നേല്‍ക്കുമ്പോള്‍ ക്ഷീണം അനുഭവപ്പെടുക

രാത്രി മതിയായ ഉറക്കം ലഭിക്കാത്ത പക്ഷം രാവിലെ എഴുന്നേല്‍ക്കുമ്പോള്‍ ഉണര്‍വും ഉന്‍മേഷവും ഉണ്ടാകില്ല എന്നത് വൈദ്യശാസ്ത്രപരമായി തെളിയിക്കപ്പെട്ട വസ്തുതയാണ്. മതിയായ ഉറക്കം ലഭിക്കാത്ത പക്ഷം ശരീരത്തിലെ ഉപാപചയ പ്രവര്‍ത്തനങ്ങള്‍ താളം തെറ്റും. ഇതുമൂലം രാവിലെ എഴന്നേല്‍ക്കുമ്പോള്‍ മന്ദത അനുഭവപ്പെടുന്നതാണ് കാരണം.

അലസമായി പകല്‍ ചെലവഴിക്കുക

എന്തുചെയ്യാനും ആലസ്യവും മടിയും മയക്കവുമൊക്കെ അനുഭവപ്പെടുന്നത് ഇന്‍സോംനിയയുടെ പ്രധാന ലക്ഷണമാണ്. പകല്‍ ഉറക്കം തൂങ്ങുന്നത് അടക്കം പ്രശ്നങ്ങള്‍ ഉണ്ടാകും. ഇത് ജോലി സ്ഥലത്തും പൊതു ജീവിതത്തിലും പ്രശ്നങ്ങള്‍ ഉണ്ടാക്കും.

പെട്ടന്ന് കോപം വരല്‍, ഭാവമാറ്റം

മതിയായ ഉറക്കം ലഭിക്കാത്തവര്‍ക്ക് പെട്ടന്ന് കോപം വരും. ഇത്തരക്കാരില്‍ ആകുലതയും വിഷാദവും ഉണ്ടാകാനും സാധ്യതയേറെയാണ്. ചില സമയങ്ങളില്‍ നിലവിട്ട് പെരുമാറുന്ന ഇവര്‍ക്ക് കാര്യങ്ങള്‍ ഓര്‍ത്തെടുക്കാനോ ചെയ്യുന്ന ജോലിയില്‍ ശ്രദ്ധ ചെലുത്താനോ കഴിയണമെന്നുമില്ല.

ഗുരുതരാവസ്ഥയുടെ ലക്ഷണങ്ങള്‍

ഉറക്കമില്ലായ്മ ലക്ഷണങ്ങള്‍ കണ്ടത്തെി നേരത്തേ ചികില്‍സിക്കാത്ത പക്ഷം ഗുരുതരാവസ്ഥയിലേക്ക് വഴുതിവീഴാന്‍ ഇടയുണ്ട്. ഇത്തരക്കാര്‍ സ്ഥിരമായ വിഷാദ രോഗികളാകാന്‍ സാധ്യതയേറെയാണ്.

അരോമാ തെറാപ്പി

മാനസിക സമമര്‍ദമാണ് പ്രശ്ന കാരണമെങ്കില്‍ അരോമാ തെറാപ്പിയാണ് നല്ല ചികില്‍സാ മാര്‍ഗം, ഇതിനായുള്ള ചില ഓയിലുകള്‍ ചുവടെ;

മുല്ലപ്പൂ

ആന്‍റി ഡിപ്രസന്‍റായി ഉപയോഗിക്കാവുന്നതാണ് ഇത്. ശ്വാസമെടുക്കാനുള്ള ബുദ്ധിമുട്ടും വിഷാദവും മൂലം ഉറക്കമില്ലാത്തവര്‍ക്ക് ഇത് സഹായകരമാണ്.

ലാവെന്‍ഡര്‍

ശരീരവേദനയും തലവേദനയും അകറ്റി സുഖമുള്ള ഉറക്കം പ്രദാനം ചെയ്യുന്നതാണ് ഇത്. മാനസികഘാതം മൂലം ഉറക്കം കിട്ടാത്തവര്‍ക്ക് ഇത് ഉപകാരപ്രദമാണ്.

യോഗ

നാഡീ വ്യവസ്ഥകളെ ഉത്തേജിപ്പിക്കാന്‍ യോഗ നല്ലതാണ്. ഇതുവഴി ഉറക്കമില്ലായ്മയുടെ പ്രധാന കാരണക്കാരനായ മാനസിക സമ്മര്‍ദത്തെ അകറ്റാം. ദിവസം 20 മിനിറ്റോളം യോഗക്കായി ചെലവഴിച്ചാല്‍ മതി.