സൈനസൈറ്റിസ് ഒഴിവാക്കാനുള്ള വഴികള്‍

Published: Monday, October 21, 2013, 15:38 [IST]

പലരേയും അലട്ടുന്ന പ്രശ്‌നമാണ് സൈനസൈറ്റിസ്. മുതിര്‍ന്നവരേയും കുട്ടികളേയും ഒരുപോലെ അലട്ടുന്ന ഒന്ന്. ബാക്ടീരിയല്‍, വൈറല്‍ അണുബാധ മൂലമാണ് ഇതുണ്ടാകുന്നത്.

മൂക്കടപ്പ്, കഠിനമായ തലവേദന തുടങ്ങിയവയാണ് ഇതിന്റെ ലക്ഷണങ്ങള്‍.

സൈനസൈറ്റിസ് ചികിത്സകളുണ്ട്. ഇതിനു പുറമെ പ്രകൃതിദത്ത പരിഹാരങ്ങളുമുണ്ട്.

വിശ്രമം

സൈനസൈറ്റിസുണ്ടാകുമ്പോള്‍ വിശ്രമം പരമപ്രധാനമാണ്. ഇത് ശരീരത്തിന് രോഗപ്രതിരോധശേഷി എളുപ്പം വീണ്ടുകിട്ടാന്‍ വഴിയൊരുക്കും. ഇത് സൈനസൈറ്റിസില്‍ നിന്നും ആശ്വാസം നല്‍കുകയും ചെയ്യും.

യൂക്കാലി തൈലം

ചൂടുവെള്ളത്തില്‍ അല്‍പം യൂക്കാലി തൈലം ഒഴിയ്ക്കുക. ഇതില്‍ നിന്നുള്ള ആവി ശ്വസിയ്ക്കുക. ഇത് സൈനസ് ദ്വാരങ്ങള്‍ക്ക് ഈര്‍പ്പം നല്‍കും. അസ്വസ്ഥത മാറുകയും ചെയ്യും.