ചെരിപ്പില്ലാതെ ഒന്നു നടന്നാലോ ?

കാലിലിടാന്‍ ചെരിപ്പുകള്‍ പലവിധം. ചെരിപ്പിട്ടു നടന്നാല്‍ ഗുണങ്ങള്‍ പലത്. എന്നാല്‍ ചെരിപ്പില്ലാതെ നടന്നാലോ, മുഖം ചുളിയ്ക്കാന്‍ വരട്ടെ. ചെരിപ്പില്ലാതെ നടന്നാലുള്ള ഗുണങ്ങള്‍ ആദ്യം അറിയൂ.

ചെരിപ്പില്ലാതെ നടക്കുന്നത് ശരീരത്തിലെ രക്തപ്രവാഹം വര്‍ദ്ധിപ്പിക്കും. പ്രത്യേകിച്ച് കാല്‍മസിലുകളിലേക്കുള്ള രക്തപ്രവാഹം. പുല്ലിനും മണലിലും നടക്കുന്നതാണ് കൂടുതല്‍ ഗുണകരം.

ടെന്‍ഷന്‍, സ്‌ട്രെസ് എന്നിവ കുറയ്ക്കുന്നതിനും ചീത്ത മൂഡെങ്കില്‍ ഇതു മാറ്റുന്നതിനും ചെരിപ്പില്ലാതെ നടക്കുന്നത് ഗുണം നല്‍കും. കാലുകളിലെ ഓരോ നാഡികളും നിലത്ത് അമരുമ്പോള്‍ ഇത് ശരീരത്തില്‍ പൊസറ്റീവ് ചലനങ്ങള്‍ സൃഷ്ടിക്കുകയാണ് ചെയ്യുക.

കണ്ണിന്റെ കാഴ്ച വര്‍ദ്ധിപ്പിക്കാനും ചെരിപ്പില്ലാതെ നടക്കുന്നത് നല്ലതാണ്. പ്രത്യേകിച്ച് രാവിലെ കാലില്‍ ചെരിപ്പില്ലാതെ പുല്ലിലൂടെ നടക്കണം. കാഴ്ചയുമായി ബന്ധപ്പെട്ട ഒരു നാഡി കാലിനടിയില്‍ സ്ഥിതി ചെയ്യുന്നുണ്ട്. ഇതാണ് ചെരിപ്പില്ലാതെ നടക്കുമ്പോള്‍ കാഴ്ചയെ സഹായിക്കുന്നത്.

ഇന്‍സോംമ്‌നിയ പോലെ ഉറക്കവുമായി ബന്ധപ്പെട്ട രോഗങ്ങള്‍ പരിഹരിക്കാന്‍ ചെരിപ്പില്ലാതെ നടക്കുന്നത് നല്ലതാണ്. ഇത് നല്ല ഉറക്കം നല്‍കും.

യോഗ ചെയ്യുന്നതിനു സമമാണ് ചെരിപ്പില്ലാതെ അല്‍പനേരം നടക്കുന്നതെന്നാണ് പഠനങ്ങള്‍ പറയുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.