എല്ലു ബലം വേണമെങ്കില്‍

ഇലക്കറികള്‍ ആഹാരത്തില്‍ ഉള്‍പ്പെടുത്തുന്നത് എല്ലുകളുടെ ബലത്തിന് സഹായിക്കും. ബ്രൊക്കോളി, ക്യാബേജ് എന്നിവയിലെ വൈറ്റമിന്‍ ഡി എല്ലുകളുടെ ബലത്തിന് നല്ലതാണ്.

സവാള, വെളുത്തുള്ളി എന്നിവ ഭക്ഷണത്തില്‍ രുചി വര്‍ദ്ധിപ്പിക്കാന്‍ മാത്രമല്ല, എല്ലുകളുടെ ഉറപ്പിന് സഹായിക്കുന്ന ഭക്ഷണസാധനങ്ങള്‍ കൂടിയാണ്.

കോള, സോഡ തുടങ്ങിയവ എല്ലുകളുടെ ബലം കുറയ്ക്കും. കാല്‍സ്യം ചോര്‍ത്തിക്കളയുകയാണ് ഇവ ചെയ്യുന്നത്. ഇവ കഴിവതും ഒഴിവാക്കുക.

പാലും പാലുല്‍പന്നങ്ങളും എല്ലുകളുടെ ബലത്തിന് സഹായിക്കും. ഇവയില്‍ വൈറ്റമിന്‍ ഡി, സള്‍ഫര്‍, പൊട്ടാസ്യം എന്നിവ അടങ്ങിയിട്ടുണ്ട്. എല്ലുകളുടെ ബലത്തിന് ഇവയെല്ലാം നല്ലതാണ്.

വ്യായാമം എല്ലുകളെ ബലപ്പെടുത്തുന്ന പ്രധാന ഘടമകമാണ്. ഇതൊരു ശീലമാക്കുക. പ്രത്യേകിച്ച് മെനോപോസിലേക്കു കടക്കുന്ന സ്ത്രീകള്‍.

കാല്‍സ്യം കുറവുള്ളവര്‍ക്ക് സപ്ലിമെന്റുകള്‍ ഉപയോഗിക്കാം. ഇവ ഡോക്ടറുടെ നിര്‍ദേശപ്രകാരം വേണമെന്നു മാത്രം.

ഫുട്‌ബോള്‍, ബാസ്‌ക്കറ്റ് ബോള്‍ തുടങ്ങിയ കളികള്‍ എല്ലുകള്‍ക്ക് ബലം നല്‍കുന്നവയാണ്. ഇവയില്‍ ഏര്‍പ്പെടുന്നത് എല്ലുകളുടെ ബലത്തിനൊപ്പം മാനസികോല്ലാസവും നല്‍കും.

രാവിലെ ഉണര്‍ന്നെഴുന്നേറ്റ് അല്‍പസമയം സൂര്യപ്രകാശം കൊള്ളാം. സൂര്യരശ്മികള്‍ വൈറ്റമിന്‍ ഡി ഉല്‍പാദനത്തിന് സഹായിക്കും. വൈറ്റമിന്‍ ഡി എല്ലുകളുടെ ആരോഗ്യത്തിന് വളരെ പ്രധാനമാണ്.