വ്യായാമം, പിന്നെ ഭക്ഷണവും

Published: Wednesday, June 6, 2012, 16:14 [IST]

ആരോഗ്യത്തിന് വ്യായാമം വേണം. വ്യായാമം ചെയ്യുമ്പോള്‍ പ്രോട്ടീന്‍ അടങ്ങിയ ഭക്ഷണവും പ്രധാനം. കാരണം വ്യായാമത്തിലൂടെ ശരീരത്തിലെ ഊര്‍ജം നഷ്ടപ്പെടുന്നു. ഇത് തിരിച്ചു പിടിക്കണമെങ്കില്‍ നല്ല ഭക്ഷണം അത്യാവശ്യം തന്നെയാണ്.വ്യായാമശേഷം കാര്‍ബോഹൈഡ്രേററിനേക്കാളേറെ പ്രോട്ടീന്‍ കലര്‍ന്ന ഭക്ഷണം കഴിക്കേണ്ടത് അത്യാവശ്യമാണ്.

വ്യായാമം ചെയ്യുമ്പോള്‍ ശരീരത്തിലെ മസിലുകളില്‍ നിന്ന് ഊര്‍ജം നഷ്ടപ്പെടുന്നും. മസിലുകളുടെ പുനര്‍നിര്‍മാണത്തിന് പ്രോട്ടീന്‍ അത്യാവശ്യമാണ്. കുറഞ്ഞത് .5 ഗ്രാം പ്രോട്ടീന്‍ ശരീരത്തിന് അത്യാവശ്യമാണ്. മസിലുകളുടെ മാത്രമല്ലാ, ശരീരത്തിലെ ചെറിയ ടിഷ്യൂവിന്റെ സംരക്ഷണത്തിനും പ്രോട്ടീന്‍ അത്യാവശ്യമാണ്.

പ്രോട്ടീന്‍ ശരീരത്തിന് പെട്ടെന്നുതന്നെ ആഗിരണം ചെയ്യാനാവുക ദ്രാവകരൂപത്തിലാണ്. അതുകൊണ്ട് പ്രോട്ടീനടങ്ങിയ സാധനങ്ങള്‍ ജ്യൂസുകളും മറ്റും വ്യായാമത്തിന് ശേഷം കുടിക്കുന്നത് നല്ലതാണ്.

പ്രോട്ടീന്‍ നേരിട്ട് ഇന്‍സുലിനിലേക്ക് കുത്തിവച്ചാല്‍ പെട്ടെന്നു തന്നെ മസിലുകളിലേക്ക് ആഗിരിണം ചെയ്യപ്പെടും. എന്നാല്‍ മറ്റു വിധത്തിലുള്ള ദൂഷ്യഫലങ്ങള്‍ ഉണ്ടാക്കുമെന്നുള്ളതുകൊണ്ട് ഇത് ആരോഗ്യകരമായ പ്രവണതയല്ല.

വ്യായാമത്തോടൊപ്പം പ്രോട്ടീനടങ്ങിയ ഭക്ഷണം കൃത്യസമയത്തു കഴിക്കുന്നതു വഴി ഹോര്‍മോണ്‍ സന്തുലനം നിലനിര്‍ത്താന്‍ സഹായിക്കുകയും അതുവഴി ആരോഗ്യമുള്ള ജീവിതരീതിയിലേക്ക് നയിക്കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.