എണ്ണകളും ആരോഗ്യവശങ്ങളും

കടുകെണ്ണ പാചകത്തിന് വിവിധയിടങ്ങളില്‍ ഉപയോഗിക്കുന്ന ഒരു എണ്ണയാണ്. ഇത് പൊതുവെ ആരോഗ്യകരമാണെന്നാണ് വിലയിരുത്തല്‍. ശരീരം മസാജ് ചെയ്യാനും ഈ എണ്ണ ഉപയോഗിക്കാം.

ഹൃദയാരോഗ്യത്തിനും കൊളസ്‌ട്രോള്‍ തടയാനും ഏറ്റവും ചേര്‍ന്ന ഒന്നാണ് ഒലീവ് ഓയില്‍. മറ്റ് എണ്ണകളില്‍ പാചകം ചെയ്യുന്നതിനേക്കാള്‍ ആരോഗ്യകരമാണ് ഒലീവ് ഓയില്‍. ഇതില്‍ ആന്റി ഓക്‌സിഡന്റുകള്‍ ധാരാളം അടങ്ങിയിട്ടുണ്ട്.

നിലക്കടലയെണ്ണയും പാചകത്തിന് ഉപയോഗിക്കാം. ഇതിന്റെ സ്വാദ് വേറിട്ടു നില്‍ക്കുമെന്നേയുള്ളൂ. ഇതില്‍ മോണോസാച്വറേറ്റഡ് ഫാറ്റ് അടങ്ങിയിട്ടുണ്ട്.

എള്ളെണ്ണ സാധാരണ അച്ചാറുകള്‍ക്കും മറ്റുമാണ് ഉപയോഗിക്കാറ്. ഇതിലും മോണോസാച്വറേറ്റഡ് ഫാറ്റാണ് അടങ്ങിയിരിക്കുന്നത്.

ഫഌക്‌സ് സീഡ് ഓയിലും ആരോഗ്യത്തിന് ഏറെ നല്ലതാണ്. ഇതില്‍ ഒമേഗ ത്രീ ഫാറ്റി ആസിഡുകള്‍ കൂടുതല്‍ അടങ്ങിയിട്ടുണ്ട്.

ധാരാളം പേര്‍ പാചകത്തിനുപയോഗിക്കുന്ന ഒന്നാണ് സണ്‍ഫഌ ഓയില്‍. ഇതില്‍ അധികം കൊഴുപ്പില്ലെങ്കിലും ഒലീവ് ഓയില്‍ പോലുള്ള ഗുണങ്ങളൊന്നും ഇതിനില്ല.

കൊളസ്‌ട്രോള്‍ കുറയ്ക്കുമെന്നതു കൊണ്ട് സണ്‍ബ്രാന്‍ ഓയില്‍ ഇപ്പോള്‍ പാചകത്തിനുപയോഗിച്ചു തുടങ്ങിയിട്ടുണ്ട്. ഇതിലെ ഒറൈസനോള്‍ ആണ് കൊളസ്‌ട്രോള്‍ കുറയ്ക്കുന്നത്.

സോയാബീന്‍ ഓയിലും ചിലര്‍ ഉപയോഗിക്കാറുണ്ട്. ഇതില്‍ പോളിസാച്വറേറ്റഡ് കൊഴുപ്പാണ് അടങ്ങിരിക്കുന്നത്.

വെളിച്ചെണ്ണയ്ക്ക് കൊളസ്‌ട്രോള്‍, ഹൃദ്രോഗം തുടങ്ങിയവ വരുത്തുമെന്ന പഴി ഒരു വിഭാഗം പറയുന്നെങ്കിലും ഇത് വെറുതെയാണെന്നും മറുമൊഴിയുമുണ്ട്. എന്നാല്‍ മലയാളത്തനിമയുള്ള അവിയല്‍ പോലുള്ള കറികള്‍ക്ക് വെളിച്ചെണ്ണയ്ക്കു പകരം വയ്ക്കാന്‍ മറ്റൊന്നില്ലെന്നതാണ് വാസ്തവം.