ശാന്തിയുള്ള ഒരു മനസു വേണ്ടേ?

ട്രീ പോസ്

ട്രീ പോസ് എന്ന യോഗാരീതിയുണ്ട്. ഏറ്റവും എളുപ്പമുള്ള യോഗാരീതിയാണ് ഇത്.

നിവര്‍ന്ന് ഒരു കാലില്‍ നില്‍ക്കുക. മറ്റേ കാല്‍ മടക്കി ഈ കാലിന്റെ മുട്ടില്‍ വയ്ക്കുക. കൈകള്‍ ഉയര്‍ത്ത്ി മുകളിലേക്കു കൂപ്പിപ്പിടിയ്ക്കുക. കണ്ണുകളടച്ച് മനസിനെ എല്ലാതരം ചിന്തകളില്‍ നിന്നും മോചിപ്പിച്ചു വേണം നില്‍ക്കാന്‍. ശാന്തമായ നല്ലപോലെ കാറ്റും വെളിച്ചവും ലഭിക്കുന്ന സ്ഥലമായിരിക്കണം ഇതിന് തെരഞ്ഞെടുക്കേണ്ടത്. തുറസായ പ്രദേശമാണ് ഇത്തരം യോഗ ചെയ്യാന്‍ കൂടുതല്‍ നല്ലത്.

പ്രാണായാമം

മനസിനെ ശാന്തമാക്കാന്‍ പ്രാണായാമവും എറ്റവും നല്ല ഒരു യോഗാ രീതിയാണ്.

കാലുകള്‍ മടക്കി ചമ്രം പടിഞ്ഞിരുന്ന് കൈകള്‍ രണ്ടും നിവര്‍ത്തി കാലുകളില്‍ നിവര്‍ത്തി വയ്ക്കുക. കണ്ണുകടച്ച് ശ്വാസം ഉള്ളിലേയ്ക്കും പുറത്തേയ്ക്കും വലിയ്ക്കുകയും വേണം. കഴിയാവുന്നത്ര ശ്വാസം ഉള്ളിലേക്കെടുക്കുക. ഇതുപോലെ നിശ്വസിക്കുകയും വേണം.

സല്യൂട്ടേഷന്‍ സീല്‍

കണ്ണുകളടച്ച് കൈകൂപ്പി പിടിച്ച് ചമ്രം പടിഞ്ഞിരിക്കുക. മനസിനെ എല്ലാ ചിന്തകളില്‍ നിന്നും മുക്തമാക്കി വയ്ക്കുകയും വേണം. ദീര്‍ഘമായി ശ്വാസമെടുക്കണം. സല്യൂട്ടേഷന്‍ സീല്‍ എന്നാണ് ഈ വ്യായാമത്തിന്റെ പേര്.

സൂര്യനമസ്‌കാരം

മനസിനെ ശാന്തമാക്കി വയ്ക്കുവാന്‍ പറ്റിയ ഒരു വ്യായാമമാണ് സൂര്യനമസ്‌കാരം. 12 സ്റ്റെപ്പുകളുള്ള ഈ വ്യായാമം അല്‍പം ബുദ്ധിമുട്ടേറിയതാണെങ്കിലും മനസിനെ ശാന്തമാക്കുവാന്‍ മാത്രമല്ലാ, ശരീരം ഫിറ്റാക്കി വയ്ക്കുവാനും വയര്‍ കുറയ്ക്കാനും പറ്റിയ ഒന്നുമാണ്.

സീറ്റഡ് ഫോര്‍വേഡ് ബെന്റ്

സീറ്റഡ് ഫോര്‍വേഡ് ബെന്റ് എന്ന വ്യായാമമുറയുണ്ട്. പേരു സൂചിപ്പിക്കുന്ന പോലെ ഇരുന്നു ചെയ്യുന്ന ഒന്ന്. നിവര്‍ന്നിരുന്ന് കാലുകള്‍ മുന്നിലേക്ക് നീട്ടി വയ്ക്കണം. കൈകള്‍ രണ്ടും മുകളിലേക്ക് ഉയര്‍ത്തുക. പിന്നീട് ഈ കൈകള്‍ തോൡനൊപ്പം നിവര്‍ത്തിപ്പിടിച്ച് മുന്നിലേക്കാഞ്ഞ് കാല്‍പാദങ്ങളില്‍ പിടിക്കണം. കാലുകള്‍ വളയരുത്. പിന്നീട് സാധാരണ ഇരിക്കുന്ന രീതിയിലേക്കു വരിക. ഈ മൂന്നു സ്റ്റെപ്പുകള്‍ ചെയ്യുമ്പോഴും നല്ലപോലെ ശ്വാസമെടുക്കുകയും നിശ്വസിക്കുകയും വേണം.

ഇത്തരം യോഗാരീതികള്‍ അഭ്യസിച്ചു നോക്കൂ. ശാന്തമായൊരു മനസ് നിങ്ങള്‍ക്കും സ്വന്തമാക്കാം.