തടി കുറയ്ക്കാന്‍ ഇഡ്ഡലി

പലതരം ഡയറ്റുകളെ പറ്റി കേട്ടിട്ടുണ്ടായിരിക്കും. എന്നാല്‍ ഇഡ്ഢലി ഡയറ്റെന്നു കേട്ടിട്ടുണ്ടോ.

ഇത് ശാസ്ത്രീയ പദങ്ങളിലൊന്നും പെടുന്നില്ലെങ്കിലും ഇത്തരം ഒരു ഡയറ്റുമുണ്ട്. ഇഡ്ഡലിയുടെ ആരോഗ്യവശങ്ങളാണ് ഇതില്‍ നിന്നും വ്യക്തമാകുന്നതും.

തടി കുറയ്ക്കാന്‍ അരിയാഹാരം ഉപേക്ഷിക്കുന്നവര്‍ക്ക് ഇഡ്ഡലിയെ വിശ്വസിക്കാം. ആശ്രയിക്കാം. കാരണം തടി കുറയ്ക്കാന്‍ ഇഡ്ഡലി സഹായിക്കുന്നുണ്ട്. ഇഡ്ഡലി ഡയറ്റില്‍ മൂന്നു നേരം അല്ലെങ്കില്‍ നാലു നേരം ഇഡ്ഡലി മാത്രം കഴിയ്ക്കണമെന്നല്ല പറയുന്നത്. ബ്രേക്ഫാസ്റ്റായി ഇഡ്ഡലി കഴിയ്ക്കാം. വൈകിട്ടുള്ള സ്‌നാക്‌സായും ഉപയോഗിക്കാം. ഇതനുസരിച്ച് കൊഴുപ്പു കൂട്ടുന്ന മറ്റു ഭക്ഷണങ്ങള്‍ കുറയ്ക്കുകയും ചെയ്യാം.

ഇത് ആവിയില്‍ പാകം ചെയ്യുന്നതാണ് ഇതിന്റെ ആരോഗ്യവശം കൂട്ടുന്നത്. ഇഡ്ഡലി ഉണ്ടാക്കാന്‍ സഹായിക്കുന്ന അരി, ഉഴുന്ന് എന്നിവ പെട്ടെന്ന്് ദഹിക്കുകയും ചെയ്യും.

ഇഡ്ഡലിയില്‍ കാര്‍ബോഹൈഡ്രേറ്റുകള്‍, വൈറ്റമിനുകള്‍, പ്രോട്ടീന്‍ എന്നിവ അടങ്ങിയിട്ടുണ്ട്. മാവ് പുളിച്ച ശേഷം ഇഡ്ഡലിയുണ്ടാക്കുന്നതു കൊണ്ട് വൈറ്റമിന്‍ ഗുണങ്ങള്‍ കൂടുകയാണ് ചെയ്യുന്നത്.

ഇഡ്ഡലിയ്‌ക്കൊപ്പം പച്ചക്കറികള്‍ അരിഞ്ഞു ചേര്‍ത്ത് വേവിയ്ക്കാം. ഈ വെജിറ്റബില്‍ ഇഡ്ഡലി പോഷകഗുണം കൂട്ടുന്നു.

തടി കൂടുമെന്നു കരുതി അരിയാഹാരത്തോട് ഗുഡ്‌ബൈ പറയുന്നവര്‍ക്ക് ധൈര്യമായി ഇഡ്ഡലി കഴിയ്ക്കാമെന്നര്‍ത്ഥം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.