മുട്ടുവേദന മാറ്റും വ്യായാമങ്ങള്‍

Wellness

oi-Saritha

By Veena

Updated: Saturday, September 8, 2012, 19:28 [IST]

മുട്ടുവേദന പലരെയും അലട്ടുന്ന ഒരു പ്രശ്‌നമാണ്. പ്രത്യേകിച്ചും അല്‍പം പ്രായമായവരെ. ആര്‍ത്തവവിരാമത്തോടന് അനുബന്ധിച്ച് സ്ത്രീകള്‍ക്കുണ്ടാകുന്ന എല്ലുതേയ്മാനവും മുട്ടുവേദനയ്ക്കുള്ള പല കാരണങ്ങളില്‍ ഒന്നാണ്. മുട്ടുവേദന ഒഴിവാക്കാന്‍ പറ്റിയ ചില വ്യായാമങ്ങളുണ്ട്.

ഫ്‌ളെക്‌സിംഗ്, ഹാംസ്ട്രിങ്‌സ്, പുഷ് അപ് തുടങ്ങിയവയാണ് മുട്ടുവേദന ഒഴിവാക്കാന്‍ സഹായിക്കുന്ന ചില വ്യായാമങ്ങള്‍.

ഫ്‌ളെക്‌സിങ് ചെയ്യാന്‍ ഒരു കസേരയിലിരുന്ന് ഒരു ടവല്‍ പാദത്തിനടിയില്‍ കെട്ടുക. കാല്‍മുട്ടു വളയുന്നതു വരെ കൈകള്‍ കൊണ്ട് തുണി ഉയര്‍ത്തുക.അഞ്ചിഞ്ചെങ്കിലും തറയില്‍ നിന്നും പാദം പൊങ്ങണം. പത്തു സെക്കന്റോളം കാലുകള്‍ പൊക്കിപ്പിടിക്കണം. പിന്നീട് സാവധാനം കാലുകള്‍ തറയില്‍ വക്കുക. ഇരുകാലുകള്‍ കൊണ്ടും അഞ്ചുതവണ വീതം ഈ വ്യായാമം ചെയ്യുക.

ഹാംസ്ട്രിങ്‌സ് താരതമ്യേന വളരെ ലളിതമാണ്. പുറകിലുള്ള കസേരയില്‍ പിടിച്ചുനിന്ന ഓരോ കാല്‍ വീതം പത്തു സെക്കന്റ് പൊക്കിപ്പിടിക്കുക. അഞ്ചുതവണയെങ്കിലും ഇതു ചെയ്യണം.

പുഷ് അപിന്‌ ഓരോ കാല്‍ വീതം കോണിപ്പടിയുടെ താഴെയുളള സ്റ്റെപ്പില്‍ വക്കുക. ഇടതുകാല്‍ വക്കുമ്പോള്‍ വലതുകാല്‍ വളയാതെ തറയിലായിരിക്കണം. അതിനു ശേഷം ഇടതുകാല്‍ പതുക്കെ ഉയര്‍ത്തുക. അപ്പോള്‍ വലതുകാലിന് അല്‍പം ആയാസം അനുഭവപ്പെടും. ഇരുകാലുകള്‍ക്കും ഈ വ്യായാമം ചെയ്യണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.