വന്ധ്യതയ്ക്ക് നാട്ടുചികിത്സകള്‍

Wellness

oi-Saritha

By Veena

Updated: Monday, September 3, 2012, 5:37 [IST]

പ്രത്യുല്‍പാദനപരമായ പ്രശ്‌നങ്ങള്‍ സ്ത്രീ പുരുഷ ഭേദമില്ലാതെ ആളുകളെ ബാധിക്കുന്ന ഒരു പ്രശ്‌നമാണെന്നു വേണമെങ്കില്‍ പറയാം. ഇതിന് ഇന്നത്തെക്കാലത്ത് ധാരാളം ചികിത്സയുമുണ്ട്. എന്നാല്‍ ഏതു വഴിയെന്ന പോലെ പ്രത്യുല്‍പാദനശേഷി വര്‍ദ്ധിപ്പിക്കാന്‍ പ്രകൃതി തന്നെ ധാരാളം വഴികളൊരുക്കിയിട്ടുണ്ട്.

അരയാലിന്റെ വേര് സ്ത്രീ പുരുഷന്മാരിലെ വന്ധ്യതാ പ്രശ്‌നങ്ങള്‍ക്കുള്ള നല്ലൊരു മരുന്നാണെന്ന് ആയുര്‍വേദം പറയുന്നു. ഇതിന്റെ വേര് ഉണക്കിപ്പൊടിച്ച് 20 ഗ്രാം വീതം ഒരു ഗ്ലാസ് പാലില്‍ കലക്കി രാത്രി കിടക്കാന്‍ നേരം കഴിയ്ക്കാം. ഇത് മൂന്നു ദിവസം അടുപ്പിച്ചു ചെയ്യണം. മാസമുറ പ്രശ്‌നങ്ങള്‍ പരിഹരിക്കാന്‍ സ്ത്രീകള്‍ക്കിത് സഹായകമാണ്.

ബ്ലാക്ക്‌ബെറിയുടെ ഇലയും പ്രത്യുല്‍പാദന ശേഷി വര്‍ദ്ധിപ്പിക്കാന്‍ സഹായിക്കുന്ന ഒന്നാണ്. ഇതിന്റെ പച്ച ഇലകള്‍ തിളയ്ക്കുന്ന വെള്ളത്തിലിട്ട് രണ്ടു മണിക്കൂര്‍ നേരം വയ്ക്കുക. ഇത് 200 മില്ലി മോര്, രണ്ട് സ്പൂണ്‍ തേന്‍ എന്നിവയ്‌ക്കൊപ്പം ചേര്‍ത്ത് കഴിയ്ക്കാം.

വന്ധ്യതയ്്ക്കു പുറമെ സ്ത്രീകളില്‍ എന്‍ഡെമെട്രിയം സംബന്ധമായ പ്രശ്‌നങ്ങള്‍ പരിഹരിക്കുന്നതിനും അബോര്‍ഷന്‍ തടയുന്നതിനും ഇത് സഹായിക്കും.

വിന്റര്‍ ചെറി എന്നറിയപ്പെടുന്ന ഒരിനം പഴവര്‍ഗമുണ്ട്. ഇതിന്റെ ചെടിയുടെ ഇല ഉണക്കിപ്പൊടിച്ച് ആറു ഗ്രാം വീതം ഒരു ഗ്ലാസ് പാലില്‍ കലക്കി കഴിയ്ക്കാം. പുരുഷന്മാര്‍ ഇത് അഞ്ചു രാത്രി അടുപ്പിച്ചു കഴിയ്ക്കണം. സ്ത്രീകള്‍ മാസമുറയ്ക്കു ശേഷം കഴിയ്ക്കുന്നതാണ് കൂടുതല്‍ ഗുണം ചെയ്യുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.