മധുവിധുക്കാലത്തെ രസംകൊല്ലികള്‍

Wellness

oi-Saritha

By Veena

Published: Sunday, August 26, 2012, 15:18 [IST]

മധുവിധു സമയത്ത് രസംകൊല്ലികളായി എത്തുന്ന നിരവധി രോഗങ്ങളുണ്ട്. ഹണിമൂണ്‍ സിസ്റ്റിറ്റിസ് എന്നറിയപ്പെടുന്ന മൂത്രസഞ്ചിക്കുണ്ടാകുന്ന വീക്കം പതിവ് അസുഖമാണ്. ഹണിമൂണ്‍ സമയത്താണ് ഈ രോഗം പ്രധാനമായും ഉണ്ടാകാറ് എന്നതു കൊണ്ടാണ് ഇതിന് ഇങ്ങനൊരു പേര്‍ വീണത്.

കന്യാചര്‍മം പൊട്ടുമ്പോഴാണ് സാധാരണ ഈ അസുഖം ഉണ്ടാകാറ്. കന്യാചര്‍മം പൊട്ടുമ്പോള്‍ രക്തസ്രാവവും അതുവഴി അണുബാധയും ഉണ്ടാകാനുള്ള സാധ്യത കൂടുതലാണ്. കട്ടി കൂടിയ കന്യാചര്‍മമുള്ളവരില്‍ അണുബാധയ്ക്കുള്ള സാധ്യതയും കൂടുതലാണ്.

ഹണിമൂണ്‍ സിസ്റ്റിറ്റിസ് ചില ലക്ഷണങ്ങളാല്‍ തിരിച്ചറിയാം. എപ്പോഴും മൂത്രമൊഴിക്കുവാന്‍ തോന്നുക, മൂത്രമൊഴിക്കുമ്പോള്‍ നീറ്റല്‍ അനുഭവപ്പെടുക, അടിവയറില്‍ വേദന, ലൈംഗിക അവയവത്തില്‍ ചൊറിച്ചില്‍ അനുഭവപ്പെടുക, മൂത്രത്തില്‍ രക്തത്തിന്റെ അംശം കാണപ്പെടുക തുടങ്ങിയവയാണ് പ്രധാന ലക്ഷണങ്ങള്‍.

ധാരാളം വെള്ളം കുടിയ്ക്കുകയാണ് ഈ പ്രശ്‌നത്തിനുള്ള കാതലായ പരിഹാരം. അണുബാധ അകറ്റാന്‍ ഇത് സഹായിക്കും.

ലൈംഗിക ബന്ധത്തിന് ശേഷം ഉടനടി ലൈംഗിക അവയവങ്ങള്‍ വൃത്തിയാക്കുകയും മൂത്രമൊഴിക്കുകയും ചെയ്യുക.

ശരീരവും ലൈംഗികാവയവങ്ങളും എപ്പോഴും വൃത്തിയായി കഴുകണം. ആന്റിസെപ്‌ററിക് ലോഷന്‍ കഴുകാനുപയോഗിക്കുന്നത് നല്ലതാണ്.

നാലഞ്ചു ദിവസങ്ങള്‍ക്ക് ശേഷവും രോഗത്തിന് ആശ്വാസമില്ലെങ്കില്‍ ഡോക്ടറെ കാണുന്നത് നല്ലതായിരിക്കും.

അല്ലെങ്കില്‍ അണുബാധ ഗുരുതരമാകാന്‍ സാധ്യതയുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.