ആരോഗ്യം, ഇതാണ് ആരോഗ്യം

Wellness

oi-Saritha

By Veena

Updated: Saturday, August 25, 2012, 12:07 [IST]

ആരോഗ്യം നന്നാക്കുന്ന ധാരാളം ഘടകങ്ങളുണ്ട്. ഇതില്‍ ഭക്ഷണം മുതല്‍ കഴിയ്ക്കുന്ന രീതി വരെ ഉള്‍പ്പെടും.

ഭക്ഷണം കഴിക്കുമ്പോള്‍ ആദ്യമായി ചെയ്യേണ്ടത് ആസ്വദിച്ചു കഴിക്കുക എന്നതാണ്. ശരീരത്തിന് കാര്‍ബോഹൈഡ്രേറ്റുകള്‍, പ്രോട്ടീന്‍, ഫൈബര്‍ എന്നിവ ആവശ്യമാണ്. ഇവയ്‌ക്കൊപ്പം അല്‍പം കൊഴുപ്പും ആവശ്യമാണ് എന്നതാണ് സത്യം. വണ്ണം കൂടുമെന്ന കാരണത്താല്‍ മിക്കവാറും പേര്‍ കൊഴുപ്പ് പൂര്‍ണമായും ഒഴിവാക്കാറാണ് പതിവ്. ദിവസം രണ്ടു സ്പൂണ്‍ നെയ്യ് ഏതെങ്കിലും ഭക്ഷണത്തില്‍ ചേര്‍ത്തു കഴിക്കുന്നതു കൊണ്ട് ദോഷമില്ല. നെയ്യ് ഓര്‍മശക്തിക്ക് നല്ലതാണ്.

ഭക്ഷണത്തിന്റെ കൂടെ ഫലവര്‍ഗങ്ങളും ഉള്‍പ്പെടുത്തുക. അതാത് കാലങ്ങളില്‍ ലഭിക്കുന്ന പഴങ്ങളായിരിക്കും ഏറെ നല്ലത്. ഇവ വിശപ്പു മാറ്റാനും തൂക്കം വര്‍ദ്ധിപ്പിക്കാതിരിക്കാനും സഹായിക്കും.

ഒരുമിച്ചു ഭക്ഷണം കഴിക്കാതെ കുറേശെയായി പല സമയത്ത് കഴിക്കുക. ഇത് ദഹനത്തെ സഹായിക്കും. ഭക്ഷണം ഒരുമിച്ചു കഴിച്ചാല്‍ ദഹിക്കാന്‍ സമയമെടുക്കുന്നത് കൊണ്ട് നിങ്ങള്‍ക്ക് ഉറക്കം വരുന്ന പ്രതീതിയുമുണ്ടാകും.

ഭക്ഷണം ദഹിക്കാനും മറ്റുള്ള ശാരീരികപ്രവര്‍ത്തനങ്ങള്‍ക്കും വെള്ളം ആവശ്യമാണ്. ചര്‍മത്തിന്റെ വരള്‍ച്ച തടയാനും വെള്ളം അത്യാവശ്യം തന്നെ. ഭക്ഷണത്തിന്റെ കൂടെയോ ഭക്ഷണത്തിന് ശേഷമോ വളരെ ചെറിയ അളവില്‍ വൈനോ വിസ്‌കിയോ കുടിക്കുന്നതില്‍ ദോഷമില്ലെന്നാണ് പഠനങ്ങള്‍ തെളിയിക്കുന്നത്. കിഡ്‌നിയുടേയും വൃക്കയുടേയും ശരിയായ പ്രവര്‍ത്തനങ്ങള്‍ക്കും വെള്ളം ആവശ്യമാണ്. മൂത്രത്തിന്റെ നിറം മഞ്ഞയാണെങ്കില്‍ നിങ്ങള്‍ ആവശ്യത്തിനുളള വെളളം കുടിക്കുന്നില്ലെന്ന് മനസിലാക്കാം.

ഭക്ഷണം പോലെ വ്യായാമവും വളരെ പ്രധാനമാണ്. എവിടെയും എപ്പോള്‍ വേണമെങ്കിലും വ്യായാമം ചെയ്യാം. ഇതിന് പ്രത്യേകിച്ച് സമയമോ സന്ദര്‍ഭമോ ആവശ്യമില്ല.

ഭക്ഷണവും വ്യായാമവും മാത്രമല്ലാ, വിശ്രമവും ആരോഗ്യത്തിനുള്ള ഒരു പ്രധാന ഘടകമാണ്. വിശ്രമത്തില്‍ പ്രധാനം ഉറക്കം തന്നെ. മാനസികാരോഗ്യം നല്‍കുന്ന ഇഷ്ടമുള്ള ഹോബികള്‍ ചെയ്യുന്നതും ഇതിനുള്ള നല്ലൊരു വഴി തന്നെയാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.