വജൈനോപ്ലാസ്റ്റി സ്ത്രീയെ രക്ഷിക്കും!

Wellness

oi-Saritha

By Veena

Updated: Monday, August 6, 2012, 16:00 [IST]

സ്ത്രീകളുടെ യോനീഭാഗത്തു ചെയ്യുന്ന ശസ്ത്രക്രിയയാണ് വജൈനോപ്ലാസ്റ്റി എന്നറിയപ്പെടുന്നത്. യോനീചര്‍മത്തില്‍ വരുന്ന പ്രശ്‌നങ്ങള്‍ പരിഹരിക്കാനുള്ള ഒരു തരം കോസ്‌മെറ്റിക് സര്‍ജറിയെന്നു തന്നെ വേണമെങ്കില്‍ ഇതിനെ വിളിക്കാം.

ചിലരുടെ വജൈനയുടെ ഭാഗത്ത് ജന്മനാ ഇത്തരം പ്രശ്‌നങ്ങളുണ്ടാകാം.
ഇതു കൂടാതെ ക്യാന്‍സര്‍ പോലുള്ള രോഗങ്ങളാലും പ്രസവശേഷവും ഇത്തരം പ്രശ്‌നങ്ങളുണ്ടാകാം.

വജൈനോപ്ലാസ്റ്റിയെ പ്ലാസ്റ്റിക് സര്‍ജറിയെന്നോ കോസ്‌മെറ്റിക് സര്‍ജറിയെന്നോ പറയാം. വജൈനല്‍ കനാല്‍, ഇതിനെ ചുറ്റിയുള്ള മ്യൂകസ് മെമ്പ്രേയ്ന്‍ എന്നിവിടങ്ങളിലാണ് സാധാരണയായി വജൈനോപ്ലാസ്റ്റി ചെയ്യാറ്. വജൈനക്ക് കൃത്യമായ ആകൃതി നല്‍കുകയാണ് ഈ ശസ്ത്രക്രിയാരീതിയില്‍ ചെയ്തുവരുന്നത്.

സ്ത്രീയുടെ വജൈനല്‍ ഭാഗത്ത് അയഞ്ഞു കിടക്കുന്ന ചര്‍മത്തിന് മുറുക്കം നല്‍കാന്‍ ലേബിയപ്ലാസ്റ്റി എന്ന ശസ്ത്രക്രിയാരീതിയാണ് ഉപയോഗിക്കുന്നത്. ഇതിനെ കോസ്‌മെറ്റിക് സര്‍ജറിയെന്നു തന്നെ വിശേഷിപ്പിക്കാം. വജൈനോപ്ലാസ്റ്റി വജൈനയുടെ അപാകതകള്‍ പരിഹരിക്കാനാണ് ഉപയോഗിക്കുന്നതെങ്കില്‍ ലേബിയ പ്ലാസ്റ്റി ആകൃതിയും ഭംഗിയും നല്‍കാനാണ്. വജൈനല്‍ പ്ലാസ്റ്റി, ലേബിയ പ്ലാസ്റ്റി എന്നിവ രണ്ടും ഒരുമിച്ച് വജൈനല്‍ റിജെനുവേഷന്‍ എന്നാണ് അറിയപ്പെടുന്നത്.

ഇത്തരം ശസ്ത്രക്രിയക്ക് ഒരാഴ്ചക്ക് ശേഷം ലൈംഗിക ബന്ധം സാധ്യമാകും. ആര്‍ത്തവത്തിനും അണ്ഡവിസര്‍ജനത്തിനും പ്രശ്‌നങ്ങളുണ്ടാകില്ല. എന്നാല്‍ ഇത്തരം ശസ്ത്രക്രിയ സാധാരണ രീതിയിലുള്ള പ്രസവം ബുദ്ധിമുട്ടുള്ളതാക്കും.

കാര്യമായ പാര്‍ശ്വഫലങ്ങളൊന്നുമില്ലാത്ത ഇത്തരം ശസ്ത്രക്രിയാരീതി ഇപ്പോഴും ഇന്ത്യയില്‍ അധികം പ്രചാരത്തിലില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.