ദാമ്പത്യവും വ്യായാമവും തമ്മില്‍

Updated: Friday, August 3, 2012, 4:58 [IST]

സ്ത്രീ പുരുഷ ബന്ധത്തില്‍, പ്രത്യേകിച്ച് ദാമ്പത്യബന്ധത്തില്‍ ലൈംഗികതയ്ക്കും പ്രാധാന്യമേറും. ഇതിന് ആരോഗ്യമുള്ള ശരീരവും പ്രധാനം. ഇക്കാര്യത്തില്‍ വ്യായാമത്തിനും ഏറെ ചെയ്യാനുണ്ട്. ആരോഗ്യകരമായ ലൈംഗികജീവിതത്തെ സഹായിക്കുന്ന ചില പ്രത്യേക വ്യായാമങ്ങളുണ്ട്.

ഡാന്‍സ് സെക്‌സിനെ സ്വാധീനിക്കുന്നുണ്ട്. ശരീരത്തിന് വഴക്കം ലഭിക്കുവാന്‍ ഇത് നല്ലതാണ്. ഡാന്‍സിലെ വിവിധ പോസുകളും സെക്‌സുമായി ബന്ധപ്പെട്ടിരിക്കുന്നു. രതിശില്‍പങ്ങള്‍ക്ക് മിക്കവാറും ഡാന്‍സ് പോസുകള്‍ നല്‍കുന്നതിന്റെ ഉദ്ദേശ്യവും ഇതുതന്നെ. ബെല്ലി ഡാന്‍സ്, സാല്‍സ എന്നിവ ഇത്തരംവ്യായാമങ്ങളായി എടുക്കാം.ഏതുതരം നൃത്തമാണെങ്കിലും ഇത് ശരീരത്തിനും പെല്‍വിക് മസിലുകള്‍ക്കും ഉറപ്പു നല്‍കുന്നു.

ലൈംഗികജീവിതത്തെ സഹായിക്കുന്ന മറ്റൊന്നാണ് യോഗ. ഹൃദയം, മസിലുകള്‍ തുടങ്ങി ശരീരത്തിന്റെ എല്ലാ ഭാഗങ്ങളിലുമുള്ള ആരോഗ്യത്തെ യോഗ സഹായിക്കുന്നു. യോഗയില്‍ അഭ്യസിക്കുന്ന ശ്വസനക്രിയകള്‍ ശരീരത്തെ തിരിച്ചറിയാനും ശ്വസനനിയന്ത്രണത്തിനും സഹായിക്കുന്നു. ഇത് ലൈംഗികജീവിതത്തിന് ആരോഗ്യകരവുമാണ്.

ഭാരമുയര്‍ത്തി ചെയ്യുന്ന വെയ്റ്റ് ട്രെയിനിംഗ് രക്തപ്രവാഹത്തെയും പുരുഷ ഹോര്‍മോണ്‍ എന്നറിയപ്പെടുന്ന ടെസ്റ്റോസ്റ്റിറോണ്‍ ഉല്‍പാദനത്തെ സഹായിക്കുന്നു. പുരുഷനെ കരുത്തുള്ളതാക്കുവാന്‍ ഇതു സഹയാിക്കുമെന്നര്‍ത്ഥം.

സ്റ്റാമിന, ആരോഗ്യം എന്നിവ നല്ല ലൈംഗിക ജീവിതത്തില്‍ പ്രധാനം തന്നെ. നല്ല സ്റ്റാമിക്കു ചേര്‍ന്ന നല്ലൊരു വ്യായാമമാണ് നീന്തല്‍. ഇത്തരത്തില്‍ പെട്ട ഒന്നാണ് നീന്തല്‍. ശരീരത്തിന്റെ എല്ലാ ഭാഗങ്ങള്‍ക്കും ചേര്‍ന്ന ഒരു വ്യായാമം. സ്ത്രീ പുരുഷ ബന്ധത്തെ ശക്തിപ്പെടുത്തുന്നതിന് നീന്തലിനും പ്രധാന സ്ഥാനമുണ്ട്.

കാര്‍ഡിയോ വ്യായാമങ്ങളും ഇതിന് സഹായിക്കുന്നവയാണ്. രക്തപ്രവാഹം വര്‍ദ്ധിപ്പികാനും സെക്‌സ് ഹോര്‍മോണുകളുടെ പ്രവര്‍ത്തനം ത്വരിതപ്പെടുത്താനും ഇത്തരം വ്യായാമങ്ങള്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.