ആര്‍ത്തവ വിരാമവും വ്യായാമവും

Wellness

oi-Saritha

By Veena

Updated: Wednesday, August 1, 2012, 6:13 [IST]

വ്യായാമം ചെയ്യുന്നതാണ് മെനോപോസ് പ്രശ്‌നങ്ങള്‍ക്കുള്ള പ്രധാന പരിഹാരം. ശാരീരിക അസ്വസ്ഥതകള്‍ കുറയ്ക്കുന്നതിനും മനസിന് സന്തോഷം നല്‍കുന്നതിനും വ്യായാമം സഹായിക്കും.

സ്‌ട്രെച്ചിങ്ങ്, ശ്വസനക്രിയകള്‍ തുടങ്ങിയ സ്ത്രീകള്‍ക്ക് ചെയ്യാവുന്ന ലളിതമായ വ്യായാമങ്ങളാണ്. മസിലുകള്‍ക്ക് ഉറപ്പു നല്‍കുവാനും ശരീരത്തിന്റെ ഭാരം കുറയ്ക്കുവാനും സ്‌ട്രെച്ചിങ്ങ് വ്യായാമങ്ങള്‍ക്ക് കഴിയും. കൈകാലുകള്‍ നിവര്‍ത്തുക, കുനിയുക, നിവരുക, കുനിഞ്ഞ് കൈകള്‍ നിലത്തു മുട്ടിച്ചു നില്‍ക്കുക തുടങ്ങിയവയാണ് സ്‌ട്രെച്ചിങ്ങ് വ്യായാമങ്ങളില്‍ പെടുന്നത്. ഏറോബിക്‌സ്, ജോഗിങ്ങ് തുടങ്ങിയവ ഇത്തരം വ്യായാമരീതികള്‍ ഉള്‍ക്കൊള്ളുന്നവയാണ്.

ശ്വസനക്രിയകള്‍ ചെയ്യുന്നത് മനസിനും ഒപ്പം ശരീരത്തിനും നല്ലതാണ്. യോഗ, മെഡിറ്റേഷന്‍ എന്നിവയില്‍ സാധാരണയായി ഇത്തരം വ്യായാമമുറകള്‍ ഉള്‍ക്കൊള്ളിക്കാറുണ്ട്. ആന്തരികാവയവങ്ങള്‍ക്ക് കൂടുത്ല്‍ ഓക്‌സിജന്‍ ലഭിക്കുവാനും ഇത്തരം വ്യായാമങ്ങള്‍ സഹായിക്കും. ശരീരത്തിലെ അമിതമായ കൊഴുപ്പു നീക്കുവാനും ഇത്തരം ശ്വനനക്രിയകള്‍ സഹായിക്കും.

എല്ലുതേയ്മാനം മെനോപോസ് സമയത്ത് സാധാരണയായതു കൊണ്ട് എല്ലുകളെ ബലപ്പെടുത്തുവാനുള്ള വ്യായാമങ്ങളും പ്രധാനമാണ്. നടക്കുന്നതും കോണിപ്പടികള്‍ കയറുന്നതും സൈക്കിള്‍ ചവിട്ടുന്നതുമെല്ലാം എല്ലുകളെ ബലപ്പെടുത്തും. കൂടുതല്‍ വേഗത്തില്‍ നടക്കാതിരിക്കുന്നതാണ് നല്ലത്. ഇതു കൂടാതെ നനഞ്ഞ തുണികള്‍ പിഴിയുക, അടിച്ചുവാരുക എന്നിവ എല്ലുകളെ ബലപ്പെടുത്തുന്ന വ്യായാമങ്ങളാണ്.

ആര്‍ത്തവവിരാമത്തിന് ശേഷം പെല്‍വിക് മസിലുകളുടെ ശക്തി കുറയുകയാണ് ചെയ്യുന്നത്. ജനനേന്ദ്രിയത്തിന്റെ സമീപതതുള്ള മസിലുകള്‍ ശക്തിപ്പെടുത്തുവാനായി ഡോക്ടര്‍മാര്‍ കെഗെല്‍ വ്യായാമങ്ങള്‍ നിര്‍ദേശിക്കാറുണ്ട്. മൂത്രം പിടിച്ചുനിര്‍ത്തുവാനുള്ള കഴിവും പ്രായമാകുന്തോറും കുറയും. നിലത്തു കിടന്നുള്ള കെഗെല്‍ വ്യായാമങ്ങള്‍ ഇവിടെ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.