വ്യായാമവും ഭക്ഷണവും ലൈംഗികതക്ക് പ്രധാനം

Updated: Thursday, July 26, 2012, 5:50 [IST]

നല്ല ഭക്ഷണത്തിനും വ്യായാമത്തിനും ഒരാളുടെ ആരോഗ്യകരമായ ജീവിതത്തില്‍ പ്രധാന സ്ഥാനമുണ്ട്. ഈ രണ്ടു ഘടകങ്ങളും നല്ല ലൈംഗികജീവിതത്തിനും പ്രധാനമാണ്.

ഡാന്‍സ് സെക്‌സിനെ സ്വാധീനിക്കുന്നുണ്ട്. ശരീരത്തിന് വഴക്കം ലഭിക്കുവാന്‍ ഇത് നല്ലതാണ്. ഏതുതരം നൃത്തമാണെങ്കിലും ഇത് ശരീരത്തിനും പെല്‍വിക് മസിലുകള്‍ക്കും ഉറപ്പു നല്‍കുന്നു. ഡാന്‍സിലെ വിവിധ പോസുകളും ലൈംഗികതയുമായി ബന്ധപ്പെട്ടിരിക്കുന്നു. രതിശില്‍പങ്ങള്‍ക്ക് മിക്കവാറും ഡാന്‍സ് പോസുകള്‍ നല്‍കുന്നതിന്റെ ഉദ്ദേശ്യവും ഇതുതന്നെ. ബെല്ലി ഡാന്‍സ്, സാല്‍സ എന്നിവ സെക്‌സിനെ സഹായിക്കുന്ന വ്യായാമങ്ങളായി എടുക്കാം.

യോഗയും ഇതേ ഗുണമാണ് ചെയ്യുന്നത്. ഹൃദയം, മസിലുകള്‍ തുടങ്ങി ശരീരത്തിന്റെ എല്ലാ ഭാഗങ്ങളിലുമുള്ള ആരോഗ്യത്തെ യോഗ സഹായിക്കുന്നു. യോഗയില്‍ അഭ്യസിക്കുന്ന ശ്വസനക്രിയകള്‍ ശരീരത്തെ തിരിച്ചറിയാനും ശ്വസനനിയന്ത്രണത്തിനും സഹായിക്കുന്നു. ഇത് ലൈംഗികജീവിതത്തിന് ആരോഗ്യകരവുമാണ്.

ഭാരമുയര്‍ത്തി ചെയ്യുന്ന വെയ്റ്റ് ട്രെയിനിംഗ് രക്തപ്രവാഹത്തെയും ടെസ്റ്റോസ്‌റ്റെറോണ്‍ എന്ന ഹോര്‍മോണ്‍ പ്രവര്‍ത്തനത്തെയും സഹായിക്കുന്നു. ഹോര്‍മോണ്‍ പുരുഷന്മാരിലെ ലൈംഗികതയെ ത്വരിതപ്പെടുത്തുകയും ചെയ്യുന്നു.

ആരോഗ്യമുള്ള ശരീരം നല്ല ലൈംഗികതക്ക് അത്യന്താപേക്ഷിതമാണ്. നല്ല സ്റ്റാമിക്കു ചേര്‍ന്ന നല്ലൊരു വ്യായാമമാണ് നീന്തല്‍. ഇതുവഴി ശരീരത്തിന്റെ എല്ലാ ഭാഗങ്ങള്‍ക്കും ആവശ്യമായ വ്യയാമവും ഊര്‍ജവും ലഭിക്കുന്നു.

കാര്‍ഡിയോ വ്യായാമങ്ങളും ഇതേ ഗുണം നല്‍കുന്നവയാണ്.. രക്തപ്രവാഹം വര്‍ദ്ധിപ്പികാനും ഹോര്‍മോണുകളുടെ പ്രവര്‍ത്തനം ത്വരിതപ്പെടുത്താനും ഇത്തരം വ്യായാമങ്ങള്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.