അരക്കെട്ടു കുറയ്ക്കാം

വശം തിരിഞ്ഞു കിടന്ന് കയ്യ് തലയ്ക്കു കീഴെ വയ്ക്കുക. ഇടതുവശത്തേക്കു തിരിഞ്ഞാണ് കിടക്കുന്നതെങ്കില്‍ ഇടതുകാല്‍ വളയ്ക്കാതെ മുകളിലേക്ക് ഉയര്‍ത്തുക. അല്‍പനേരം ഇങ്ങനെ പിടിച്ച ശേഷം കാല്‍ മടക്കാതെ തന്നെ താഴ്ത്താം. വലതുവശം തിരിഞ്ഞു കിടന്ന് വലതുകാലും ഇതേ രീതിയില്‍ ചെയ്യുക.

ജോഗിംങ്ങും അരക്കെട്ടിന്റെ തടി കുറയ്ക്കാന്‍ സഹായിക്കും. ആഴ്ചയില്‍ മൂന്നുനാലു ദിവസമെങ്കിലും ജോഗ് ചെയ്യാം. ഇത് അര മണിക്കൂര്‍ മുതല്‍ ഒരു മണിക്കൂര്‍ വരെയാകാം. ഇവിടെ കാലുകളാണ് കൂടുതല്‍ പ്രവര്‍ത്തിക്കുന്നതെന്നതിനാല്‍ അരക്കെട്ടിലെ കൊഴുപ്പ് ഊര്‍ജമായി മാറും.

ഭക്ഷണവും പ്രധാനം. കൊഴുപ്പുള്ള അനാരോഗ്യകരമായ ഭക്ഷണങ്ങളാണ് കൊഴുപ്പ് അരക്കെട്ടില്‍ അടിഞ്ഞു കൂടാന്‍ ഇട വരുത്തുന്നത്. കൊഴുപ്പു കുറഞ്ഞ ഭക്ഷണങ്ങള്‍ കഴിയ്ക്കാം. നല്ലപോലെ വെള്ളം കുടിയ്ക്കുകയും വേണം.

നടക്കുമ്പോഴും ഇരിക്കുമ്പോഴും കിടക്കുമ്പോഴുമെല്ലാം ശരിയായ രീതിയില്‍ ചെയ്യാന്‍ ശ്രദ്ധിക്കുക. നിവര്‍ന്നിരിക്കുകയും നടക്കുകയും വേണം. ഇത് അരക്കെട്ടിന്റെയും വയറിന്റെയും തടി കുറയക്കാന്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.