തടി കുറയ്ക്കാന്‍ ആയുര്‍വേദവും

വിശപ്പു കുറയ്്ക്കുക, ശരീരത്തിലെ അപചയ പ്രക്രിയകള്‍ കൂടുതല്‍ ശക്തിപ്പെടുത്തുക, കൊളസ്‌ട്രോള്‍ കുറയ്ക്കുക, ഊര്‍ജമുണ്ടാക്കുക, ചിട്ടയുള്ള ജീവിതരീതി തുടങ്ങിയ മാര്‍ഗങ്ങളാണ് ആയുര്‍വേദ പ്രകാരം തടി കുറയ്ക്കാന്‍ പറയുന്നത്.

യോഗ, മെഡിറ്റേഷന്‍ എന്നീ രീതികളാണ് ആയുര്‍വേദത്തില്‍ തടി കുറയ്ക്കാനുള്ള പ്രധാന വഴികളായി പറയുന്നത്. യോഗ സ്‌ട്രെസ്, ടെന്‍ഷന്‍ എന്നിവ കുറയ്ക്കും. ഇത് കൂടുതല്‍ ഭക്ഷണം കഴിയ്ക്കാനും തടി കൂട്ടാനുമുള്ള ഒരു പ്രധാന കാരണ മാണ്. യോഗയിലെ സ്‌ട്രെച്ചിംഗ് പോലുള്ള വ്യായാമങ്ങളും ഗുണം ചെയ്യും.

ഭക്ഷണക്രമവും ആയുര്‍വേദത്തില്‍ പറയുന്നുണ്ട്. ആയുര്‍വേദ പ്രകാരം ആറു രുചികളും കലര്‍ന്ന ഭക്ഷണരീതിയാണ് നിര്‍ദേശിക്കുന്നത്. ഒരു ഭക്ഷണത്തില്‍ തന്ന ഈ രുചികളെല്ലാം ഉള്‍പ്പെടുത്തണം. ഇത് കൂടുതല്‍ ഭക്ഷണം കഴിയ്ക്കാതിരിക്കാന്‍ പ്രേരിപ്പിക്കും. ഉപ്പ്, പുളി, മധുരം, കയ്പ്, എരിവ്, ചവര്‍പ്പ് എന്നിങ്ങനെയുള്ള രുചികളാണ് ഉദ്ദേശിക്കുന്നത്. ഇവയടങ്ങിയ ഡയറ്റുണ്ടാക്കണം.

ആയുര്‍വേദം തടി കുറയ്ക്കാന്‍ നിര്‍ദേശിക്കുന്ന ഒരു ഡയററിതാ താഴെ പറയുന്നു.

ചെറുനാരങ്ങാനീര് ചെറുചൂടുവെള്ളത്തില്‍ തേനും ചേര്‍ത്ത് കലര്‍ത്തി രാവിലെ വെറും വയറ്റില്‍ കുടിയ്ക്കുക.

മുളപ്പിച്ച ധാന്യങ്ങള്‍, ഗോതമ്പ്, ബീന്‍സ് എന്നിവയും കൊഴുപ്പു കുറഞ്ഞ പാലും പ്രാതലായി ഉപയോഗിക്കുക.

ഉച്ചഭക്ഷണത്തിനു മുന്‍പ് ഒരു ഗ്ലാസ് ഓറഞ്ച്, ക്യാരറ്റ്, പൈനാപ്പിള്‍ ജ്യൂസുകളിലേതെങ്കിലും കുടിയ്ക്കുക.

ഉച്ചഭക്ഷണത്തിന് വേവിക്കാത്തതോ വേവിച്ചതോ ആയ പച്ചക്കറികള്‍, സംഭാരം എന്നിവ ഉപയോഗിക്കാം. മല്ലി, ജീരകം, ഇഞ്ചി എന്നിവ ഭക്ഷണത്തില്‍ ഉപയോഗിക്കുക.

നാരങ്ങാനീരൊഴിച്ച ചായ, കരിക്കിന്‍ വെള്ളം, അല്ലെങ്കില്‍ പച്ചക്കറി സൂപ്പ് എന്നിവ വൈകീട്ടാവാം.

അത്താഴത്തിന് ഗോതമ്പു ബ്രെഡ്, വേവിച്ച പച്ചക്കറികള്‍, പഴം, ആപ്പിള്‍ എന്നിവയൊഴികെയുള്ള ഭക്ഷണങ്ങളാകാം.

ആയുര്‍വേദ മരുന്നുകള്‍ ഉപയോഗിച്ചുള്ള മസാജും തടി കുറയ്ക്കാന്‍ സഹായിക്കും. ദിവസവും ചില പ്രത്യേക മരുന്നുകള്‍ ഉപയോഗിച്ച് മസാജ് ചെയ്യും. ഇത് ശരീരത്തിലെ മസിലുകള്‍ക്ക് ഉറപ്പു നല്‍കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.