പുരുഷത്വം കൂട്ടാന്‍ വഴിയുണ്ട്

Wellness

oi-Saritha

By Veena

Updated: Thursday, July 5, 2012, 12:55 [IST]

ടെസ്‌റ്റോസ്റ്റിറോണ്‍ ആണ് പുരുഷ ഹോര്‍മോണ്‍ എന്നറിയപ്പെടുന്നത്. പുരുഷന് ലൈംഗികശേഷി നല്‍കുന്നതില്‍ ഇതിന്റെ പങ്ക് എടുത്തു പറയുകയും വേണം. ഇതു മാത്രമല്ലാ, ടെസ്റ്റോസ്റ്റിറോണ്‍ അളവ് കുറയുന്നത് പ്രോസ്‌റ്റേറ്റ് ക്യാന്‍സര്‍ പോലുള്ള രോഗങ്ങള്‍ വരുത്തിവയ്ക്കുമെന്നും തെളിഞ്ഞിട്ടുണ്ട്. ഈ ഹോര്‍മോണിന്റെ അളവ് എങ്ങനെ കൂട്ടാമെന്നു നോക്കൂ.

പുരുഷഹോര്‍മോണും അരക്കെട്ടിന്റെ അളവും തമ്മില്‍ ബന്ധമുണ്ട്. അരക്കെട്ടിന്റെ തടി കൂടുന്തോറും ഹോര്‍മോണ്‍ തോത് കുറയും. വയറും അരക്കെട്ടും തടി കുറയണമെങ്കില്‍ ഭക്ഷണനിയന്ത്രണത്തോടൊപ്പം നല്ല വ്യായാമവും വേണം. ഇവയിലൂടെ അരക്കെട്ടിന്റെ തടി കുറയ്ക്കുക.

കൈകാല്‍ മസിലുകളുണ്ടാകാന്‍ വേണ്ടിയുള്ള വ്യായാമങ്ങള്‍ ചെയ്യുമ്പോള്‍ ഹോര്‍മോണ്‍ തോത് 49 ശതമാനം കൂടുന്നതായി പരീക്ഷണങ്ങളില്‍ നിന്നും തെളിഞ്ഞിട്ടുണ്ട്. ഇത്തരം വ്യായാമങ്ങള്‍ ചെയ്താല്‍ മസില്‍ മാത്രമല്ലാ, പുരുഷത്വവും കൂടുമെന്നു മനസിലായില്ലേ.

നല്ല കൊഴുപ്പ് പുരുഷഹോര്‍മോണ്‍ അളവ് കൂട്ടും. ഇറച്ചിയും മറ്റ് വറവുസാധനങ്ങളുമല്ലാ, നട്‌സ്, മീന്‍ തുടങ്ങിയവ കഴിച്ച് നല്ല കൊഴുപ്പു വര്‍ദ്ധിപ്പിക്കാം.

ദിവസവും മദ്യപിക്കുന്ന ശീലമുള്ളവരില്‍ ടെസ്‌റ്റോസ്റ്റിറോണ്‍ അളവ് കുറയുന്നതായി കണ്ടുവരുന്നുണ്ട്. മൂന്നാഴ്ച അടുപ്പിച്ച് എല്ലാ ദിവസവും മദ്യപിക്കുന്ന ഒരാളില്‍ പുരുഷഹോര്‍മോണ്‍ അളവ് ഏഴു ശതമാനം കുറയുന്നു.

സ്‌ട്രെസ്, ടെന്‍ഷന്‍ എന്നിവ ശരീരത്തിനായാലും മനസിനായാലും ടെസ്‌റ്റോസ്റ്റിറോണ്‍ അളവ് കുറയ്ക്കും. ടെന്‍ഷനും സ്‌ട്രെസും കോര്‍ട്ടിസോള്‍ എന്ന ഹോര്‍മോണ്‍ കൂട്ടുന്നു. ഇത് ടെസ്‌റ്റോസ്റ്റിറോണ്‍ ഉല്‍പാദനം കുറയ്ക്കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.