വടിവൊത്ത ശരീര'രഹസ്യ'ങ്ങള്‍

Wellness

oi-Saritha

By Veena

Published: Wednesday, July 4, 2012, 15:00 [IST]

വടിവൊത്ത ശരീരം ആഗ്രഹിക്കാത്ത സ്ത്രീകളുണ്ടാവില്ല. എന്നാല്‍ ഈ ഭാഗ്യം എല്ലാവര്‍ക്കും ലഭിച്ചെന്നു വരില്ല. ഇത് കൂടുതലായും സിനിമാതാരങ്ങളുടേയും മോഡലുകളുടേയും ഭാഗ്യമാണ്.

എന്നാല്‍ ഈ ഭാഗ്യത്തിനും പുറകില്‍ കഠിന വ്യായാമവും ചിട്ടകളുമുണ്ടായിരിക്കും.

ഭക്ഷണക്കാര്യത്തില്‍ പഴമക്കാരുടെ വാക്കു പിന്‍തുടരുന്നതായിരിക്കും നല്ലത്. പ്രാതല്‍ രാജാവിനു തുല്യം, ഉച്ചഭക്ഷണം രാജകുമാരനെ പോലെ, അത്താഴമാകട്ടെ, യാചകനെപ്പോലെയും.

പ്രഭാതഭക്ഷണം ഒരു കാരണവശാലും ഒഴിവാക്കരുത്. പോഷകഗുണമുള്ളവ പ്രാതലില്‍ ഉള്‍പ്പെടുത്താന്‍ ശ്രദ്ധിക്കണം. പഴവര്‍ഗങ്ങള്‍, മുട്ട, പാല്‍ എന്നിവയടങ്ങിയ ബ്രേക്ഫാസ്റ്റ് കഴിയ്ക്കാന്‍ ശ്രദ്ധിക്കുക.

കഴിക്കുന്ന ഭക്ഷണത്തിന്റെ അളവും വളരെ പ്രധാനം. കുറേശെ വീതം ഭക്ഷണം പലപ്പോഴായി കഴിയ്ക്കുന്നതായിരിക്കും നല്ലത്. ആരോഗ്യത്തിനും തടി കൂടാതിരിക്കാനും പാലിക്കേണ്ട ഒരു പ്രധാന ഭക്ഷണശീലം.

അത്താഴം കിടക്കുന്നതിന് ഒന്നര, രണ്ടു മണിക്കൂര്‍ മുന്‍പെങ്കിലും കഴിയ്ക്കുവാന്‍ ശ്രമിക്കണം. ദഹനത്തിനും കൊഴുപ്പ് അടിഞ്ഞു കൂടാതിരിക്കുന്നതിനും പാലിക്കേണ്ട മറ്റൊരു ചിട്ട.

മറ്റൊരു പ്രധാന കാര്യമുണ്ട്. വണ്ണത്തെക്കുറിച്ച് ടെന്‍നടിക്കാതിരിക്കുക. ടെന്‍ഷന്‍ തടിപ്പിക്കുന്ന പ്രകൃതക്കാരുമുണ്ട്.

സൈസ് സീറോയാകാന്‍ ശ്രമിക്കുന്നവര്‍ വണ്ണത്തെക്കുറിച്ച് ടെന്‍ഷനടിച്ച് സീറോ പോലെയാകരുത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.