സസ്യാഹാരം തടി കുറയ്ക്കുമോ?

Wellness

oi-Saritha

By Veena

Published: Tuesday, July 3, 2012, 14:25 [IST]

സസ്യാഹാരം തടി കുറയ്ക്കുമെന്ന് പൊതുവെ വിശ്വാസമുണ്ട്. ഇത് ഒരു പരിധി വരെ സത്യവുമാണ്. കരീന കപൂര്‍ ഉള്‍പ്പെടെയുള്ള ചില പ്രശസ്തരും വെജിറ്റേറിയിനിലേക്കു മാറിയിട്ടുമുണ്ട്. എന്നാല്‍ തെരഞ്ഞെടുക്കുന്ന ഭക്ഷണമനുസരിച്ചെന്നു മാത്രമാണ് ഈ വിദ്യ ഫലിക്കുക.

വെജിറ്റേറിയനാണ്, എന്നാല്‍ വറുത്തതും പൊരിച്ചതുമൊക്കെ കഴിയ്ക്കുകയാണെങ്കിലോ, വണ്ണം കുറയുകല്ലാ, കൂടുകയാണ് ചെയ്യുക.

സസ്യാഹാരം കഴിയ്ക്കുന്നവരാണെങ്കില്‍ പച്ചക്കറികള്‍, പഴവര്‍ഗങ്ങള്‍, തവിടു കളയാത്ത ധാന്യങ്ങള്‍ എന്നിവ ഭക്ഷണത്തില്‍ ഉള്‍പ്പെടുത്തേണ്ടത് അത്യാവശ്യമാണ്. ഇത് തടി കുറച്ചില്ലെങ്കിലും ആരോഗ്യം കളയില്ലെന്ന കാര്യം ഉറപ്പ്. ടേപ് വേം, പക്ഷിപ്പനി തുടങ്ങി മാംസാഹാരത്തില്‍ നിന്നു വരുന്ന രോഗങ്ങള്‍ വരാതിരിക്കുകയും ചെയ്യും.

പച്ചക്കറി മാത്രം കഴിയ്ക്കുന്നവര്‍ മെലിഞ്ഞിരിക്കണമെന്നൊന്നുമില്ല. എന്നാല്‍ സസ്യാഹാരത്തില്‍ കൊഴുപ്പില്ലെന്നത് ഒരു യാഥാര്‍ത്ഥ്യമാണ്. എന്നാല്‍ മാംസാഹാരം പൊതുവെ കൊഴുപ്പു കൂടുതല്‍ അടങ്ങിയതാണ്. അതുകൊണ്ട് തടിക്കാനുള്ള സാധ്യതയും കൂടുതല്‍.

പച്ചക്കറികൡലും ഫലവര്‍ഗങ്ങളിലും ധാരാളം വെള്ളവും അടങ്ങിയിട്ടുണ്ട്. അതുകൊണ്ടു തന്നെ ഇവ കഴിയ്ക്കുമ്പോള്‍ അളവ് കുറച്ചേ കഴിയ്ക്കൂ. ഭക്ഷണം കുറയ്ക്കുന്നത് തടി കുറയാനുള്ള ഒരു വഴിയാണ്.

സസ്യാഹാരമായാലും പാകം ചെയ്യുന്ന രീതി പ്രധാനം. എണ്ണ കൂടുതല്‍ ഉപയോഗിച്ച് പാചകം ചെയ്യുകയാണെങ്കില്‍ വെജിറ്റേറിയന്‍ ഭക്ഷണവും തടി കൂട്ടൂം. ചീസ് ബര്‍ഗര്‍, ഫിംഗര്‍ ചിപ്‌സ് തുടങ്ങിയവ വെജിറ്റേറിയന്‍ തന്നെ. ഇവ കഴിച്ചാല്‍ തടി കൂടുകയേയുള്ളൂ.

പച്ചക്കറികള്‍ എണ്ണ ഉപയോഗിച്ച് പാചകം ചെയ്യാതിരിക്കുക. മാത്രമല്ലാ, എല്ലാ തരം ധാതുക്കളും അടങ്ങിയ ഭക്ഷണം കഴിയ്ക്കാനും ശ്രമിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.