പാട്ടു കേട്ട് വ്യായാമം ചെയ്യാമോ?

Wellness

oi-Saritha

By Veena

Published: Saturday, June 23, 2012, 8:58 [IST]

വ്യായാമം ചെയ്യുമ്പോള്‍ ചിലര്‍ ഇയര്‍ ഫോണ്‍ കാതില്‍ വച്ച് പാട്ടു കേള്‍ക്കാറുണ്ട്. അതുപോലെ യോഗ പരിശീലിപ്പിക്കുമ്പോഴും തീരെ കുറഞ്ഞ ശബ്ദത്തില്‍ കേള്‍ക്കാന്‍ സുഖമുള്ള സംഗീതം യോഗ ക്ലാസുകളില്‍ വച്ചിരിക്കും. ഇങ്ങനെ ചെയ്യുന്നതിന്റെ ഉദ്ദേശ്യം പാട്ടു കേള്‍ക്കുകയോ കേള്‍പ്പിക്കുകയോ മാത്രമല്ലാ, പാട്ട് വ്യായാമത്തെ സഹായിക്കുന്നവെന്നതു കൂടിയാണ്.

പാട്ടു കേള്‍ക്കുമ്പോള്‍ നമുക്ക് ഉണര്‍വു തോന്നുമെന്നു മാത്രമല്ലാ, നഷ്ടപ്പെട്ട ഊര്‍ജം തിരികെ ലഭിക്കുകയും ചെയ്യും. പുലര്‍ച്ചെ ഉറക്കത്തില്‍ നിന്നും എഴുന്നേറ്റ് വ്യായാമം ചെയ്യാനോ ഓടാനോ പോകുന്നത് പലരെയും മടി പിടിപ്പിക്കുന്ന കാര്യമായിരിക്കും. ഇത്തരം സന്ദര്‍ഭങ്ങളില്‍ റൈസ് അപ് പോലുള്ള പാട്ടുകള്‍ കേട്ടുനോക്കൂ, ഊര്‍ജം കൂടുന്നതായി അനുഭവപ്പെടും.

ജോഗ് ചെയ്യുക, ഓടുക എന്നിവ ചെയ്യുമ്പോഴും പാട്ടു കേള്‍ക്കാം. പാട്ടുകള്‍ക്കൊപ്പം ഓടുകയും നടക്കുകയും ചെയ്യുന്നത് വ്യായാമം ചെയ്യുമ്പോഴുള്ള ബുദ്ധമുട്ട് ഒഴിവാക്കും. പാട്ടുകള്‍ കേട്ടു കൊണ്ട് ഓടുകയും നടക്കുകയും ചെയ്യുമ്പോള്‍ വ്യായാമം ചെയ്യുകയാണെന്ന തോന്നല്‍ ഉണ്ടാവുകയുമില്ല.

വ്യായാമത്തിനിടെ വല്ലാതെ ഉച്ചത്തില്‍ പാട്ടുകള്‍ കേള്‍ക്കാതിരിക്കുകയാണ് നല്ലത്. നമ്മുടെ ശ്രദ്ധ പൂര്‍ണമായും വഴിതെറ്റിപ്പോകാന്‍ ഇതിടയാക്കും.

യോഗ ചെയ്യുമ്പോഴും വളരെ പതുക്കയേ പാട്ടുകള്‍ വയ്ക്കാവൂ. ശാന്തമായ രീതിയിലുള്ള പാട്ടു മാത്രം വയ്ക്കുക. കാരണം യോഗ വളരെ ഏകാഗ്രതയോടെ ചെയ്യേണ്ട ഒന്നാണ്. കൂടുതല്‍ ഉച്ചത്തില്‍ പാട്ടു കേട്ടാല്‍ ശ്രദ്ധ മുഴുവന്‍ മാറിപ്പോകും. പാട്ടു കാരണം യോഗ ചെയ്യുന്നതിന് കാര്യമില്ലാതെ വരികയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.