നടുവേദന മരുന്നില്ലാതെ മാറ്റാം

നടുവേദന ദേശ, കാല ഭേദമില്ലാതെ എല്ലാവരേയും കടന്നാക്രമിക്കുന്ന രോഗമാണെന്നു വേണമെങ്കില്‍ പറയാം. അടുക്കളയില്‍ ജോലി ചെയ്യുന്നവരെയും ഓഫിസില്‍ കമ്പ്യൂട്ടറിന് മുന്നില്‍ മണിക്കൂറുകള്‍ ഇരിക്കുന്നവരെയും ഒരുപോലെ അലട്ടുന്ന പ്രശ്‌നം.

വൈറ്റമിന്‍ ഡിയുടെ കുറവ് പലരിലും നടുവേദനയ്ക്കുള്ള കാരണമാകാറുണ്ട്. ഇതിന് മരുന്നല്ലാ, പരിഹാരം. വൈറ്റമിന്‍ ഡി അടങ്ങിയ ഭക്ഷണങ്ങളാണ്. മീനുകളില്‍ വൈറ്റമിന്‍ ഡി ധാരാളം അടങ്ങിയിട്ടുണ്ട്. പ്രത്യേകിച്ച് മത്തി പോലുള്ളവയില്‍. മുട്ട്, ചീസ് എന്നിവയും വൈറ്റമിന്‍ ഡി അടങ്ങിയ ഭക്ഷണങ്ങള്‍ തന്നെ.

മ്യൂസിക് തെറാപ്പിയും നടുവേദന കുറയ്ക്കുമെന്ന് കണ്ടെത്തിയിട്ടുണ്ട്. ചിലപ്പോള്‍ നടുവേദനയുടെ കാരണം ടെന്‍ഷന്‍, സ്‌ട്രെസ് എന്നിവയാകാം. ഇഷ്ടമുള്ള പാട്ടു കേള്‍ക്കുന്നത് ഈ പ്രശ്‌നത്തിന് ഒരു പരിഹാരമാണ്.

ശ്വസനക്രിയകള്‍ ചെയ്യുന്നതും നടുവേദന കുറയ്ക്കും. യോഗയിലെ ചില ലഘുവ്യായാമങ്ങളും നടക്കുന്നതും നടുവേദനയ്ക്കുള്ള നല്ല മരുന്നാണ്.

നടുവിന് ചൂടുപിടിക്കുന്നതും മസാജ് ചെയ്യുന്നതും ചൂടുവെള്ളത്തില്‍ കുളിയ്ക്കുന്നതും നടുവേദന കുറയ്ക്കാന്‍ സഹായിക്കും.

ഇരിക്കുന്നത് ശരിയല്ലെങ്കില്‍ നടുവേദന വരും. വളഞ്ഞു കൂടി ഇരിക്കാതെ കഴിവതും നിവര്‍ന്നിരിക്കാന്‍ ശ്രദ്ധിക്കുക. ഇത് നടുവേദന വരാതിരിക്കാന്‍ നല്ലൊരു വഴിയാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.