മെനോപോസ് ലക്ഷണങ്ങള്‍ പുരുഷന്മാരില്‍

Published: Monday, April 30, 2012, 15:41 [IST]

സ്ത്രീകള്‍ക്കുണ്ടാകുന്ന ആര്‍ത്തവവിരാമത്തോട് അനുബന്ധമായ അവസ്ഥ പുരുഷന്മാരിലും ഉണ്ടാകുന്നുണ്ട്. 40 വയസു കഴിഞ്ഞവരിലാണ് ഇത് പ്രധാനമായും കാണുന്നത്. ഹോര്‍മോണ്‍ വ്യതിയാനങ്ങളാണ് പുരുഷന്മാരിലെ മെനോപോസ് കാരണം. ഇതിന്റെ ചില ലക്ഷണങ്ങള്‍ നോക്കൂ.

ശരീരം തടിക്കുന്നതാണ് പുരുഷ മെനോപോസിന്റെ പ്രത്യക്ഷ ലക്ഷണമെന്നു പറയാം. മസിലുകള്‍ നഷ്ടപ്പെടും. മുടി കൊഴിച്ചില്‍, ശരീരവേദന, പ്രത്യേകിച്ച് കാല്‍, കൈ മുട്ട് വേദന എന്നിവ അനുഭവപ്പെടും.

ഹോര്‍മോണ്‍ വ്യതിയാനങ്ങള്‍ മൂഡ് വ്യത്യാസങ്ങളും ഉണ്ടാക്കും. പെട്ടെന്ന് ദേഷ്യം വരും. ദേഷ്യം വരുന്നതാണ് പ്രധാന മൂഡുമാറ്റമെന്നു വേണമെങ്കില്‍ പറയാം. നിമിഷ നേരം കൊണ്ട് മൂഡ് മാറി മറഞ്ഞെന്നു വരാം. ഒരു നിമിഷം സന്തോഷമാണെങ്കില്‍ അടുത്ത നിമിഷം ദേഷ്യം വരും, കുറച്ചു കഴിയുമ്പോള്‍ സങ്കടമായിരിക്കും തോന്നുക. മടിയും അലസതയും അനുഭവപ്പെടാം.

രാത്രി സമയത്ത് അമിതമായി വിയര്‍ക്കുന്നതും പുരുഷന്മാര്‍ക്കുണ്ടാകുന്ന ആര്‍ത്തവ വിരാമത്തിന്റെ ലക്ഷണമാണ് ചിലപ്പോള്‍ ശരീരം വിയര്‍ക്കുന്നുണ്ടെങ്കിലും തണുപ്പ് അനുഭവപ്പെടുകയും ചെയ്യും. ഉറക്കം വരാതിരിക്കുക തുടങ്ങിയ പ്രശ്‌നങ്ങളും ഉണ്ടാകും.

സെക്‌സ് താല്‍പര്യം കുറയുന്നതാണ് മറ്റൊരു മെനോപോസ് ലക്ഷണം. പുരുഷ ഹോര്‍മോണായ ടെസ്‌റ്റോസ്റ്റിറോണിന്റെ അളവിലുണ്ടാകുന്ന കുറവാണ് കാരണമായി പറയുന്നത്. ലൈംഗിക താല്‍പര്യം കുറയുക മാത്രമല്ലാ, ഉദ്ധാരണക്കുറവ് തുടങ്ങിയ പ്രശ്‌നങ്ങള്‍ അനുഭവപ്പെടുകയും ചെയ്യും. എന്നാല്‍ ഇത് വന്ധ്യത പോലുള്ള പ്രശ്‌നങ്ങള്‍ ഉണ്ടാക്കുകയില്ല.

കൃത്യമായ വ്യായാമവും ഭക്ഷണവുമാണ് ഈ പ്രശ്‌നം മറി കടക്കാനുള്ള മാര്‍ഗങ്ങള്‍.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.